![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/7/78/Czorne1.jpg/640px-Czorne1.jpg&w=640&q=50)
Čornobóh
hora w Hornjej Łužicy / From Wikipedia, the free encyclopedia
Čornobóh (němsce Czorneboh) je hora we Łužiskich horach. Leži w Budyskim wokrjesu w Sakskej, blisko Kumwałda. Je 557 metrow wysoki a na wjeršku steji hórska chata z wuhladowej wěžu. Zapadny susod Čornoboha je Hromadnik, na wuchodźe nadeńdźe so Rubježny hród.
Mjeno Čornobóh pochadźa hakle z 18. lětstotka. Starše serbske mjeno hory běše Prašica[1] abo Prašwica. Wot doby romantiki ma Čornobóh jako jich najwyša hora za Serbow nimale mytiski wuznam, čehoždla je wjele basnjow a spěwow, w kotrychž so wón naspomni, kaž na přikład w štwórtej štučce „Na sersku Łužicu“, hdźež so praji:
- Boha čorneho,
- stare kralestwo
- rapak nětko wobydli,
- stary moch so zeleni,
- na skale, kiž wołtar běše.
Wobsedźer Čornobóskich lěsow a twarjenjow na wjeršku je město Budyšin. W lěće 1904 postajichu na wjeršku Čornoboha, pódla rozhladneje wěže, pomnik Otta von Bismarcka. Tutón bu wokoło lěta 1950 skóncowany.