![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/4/41/Saxony_relief_location_map.jpg/640px-Saxony_relief_location_map.jpg&w=640&q=50)
Rubježny hród
hora w Hornjej Łužicy / From Wikipedia, the free encyclopedia
Rubježny hród (němsce Hochstein) je 540,5 metrow wysoka hora w prěnim rjećazu Hornjołužiskich horin na juhowuchodźe Budyskeho wokrjesa při hranicy ze Zhorjelskim wokrjesom. Wón twori wuchodny „róžkowy stołp“ Čornobóskeho rjećaza a nadeńdźe so mjez Wuježkom na sewjerozapadźe, Žornosykami na sewjeru a Dažinkom na juhowuchodźe w třiróžku gmejnow Bukecy, Lěwałd a Kumwałd. Najbliši susodny wjerch na zapadźe je Čornobóh sam.
Hač do dźesać metrow wysoke skały na wjeršku Rubježneho hrodu steja pod přirodoškitom a wobsteja z granodiorita. Wokoło skałow nadeńdźe so prastawizniski nasyp, kotryž so wot Milčanow kaž tež w srjedźowěku wužiwaše. Wokoło 1350 běše wjeršk z nasypom po zdaću ze zepěranišćom rubježniskeje cwólby, čehoždla so w serbšćinje hač do dźensnišeho tak mjenuje.
Pućowanska šćežka z Dažinka přez Rubježny hród a Čornobóh do Budestec je wotrězk dalokošćežki „Němska jednota“, kotraž wjedźe ze Zhorjelca do Aachena.
- Skały na wjeršku
- Skały na wjeršku
- Rysowanka Karla Benjamina Preuskera
- Skały na wjeršku