Warnoćicy (Dobruša-Huska)
wjes w Budyskim wokrjesu, gmejnski dźěl Dobruše-Huski From Wikipedia, the free encyclopedia
Warnoćicy (němsce Arnsdorf) su wjes ze 153 wobydlerjemi[2] na juhu hornjołužiskeho wokrjesa Budyšin, kotraž słuša wot lěta 1999 ke gmejnje Dobruša-Huska.
| |||||
| gmejna: | Dobruša-Huska | ||||
| zagmejnowanje: | 1936 (do Drječina) | ||||
| wobydlerstwo: | 153 (31. decembra 2022)[1] | ||||
| přestrjeń: | 2,36 km² | ||||
| wysokosć: | 300–350 metrow n.m.hł. | ||||
51.11611111111114.364722222222300–350 | |||||
| póstowe čisło: | 02633 | ||||
| předwólba: | 03592 | ||||
| wotwodźene słowa: |
| ||||
 Warnoćicy | |||||
wikidata: Warnoćicy (Q160836) | |||||
Wjes leži něhdźe dźewjeć kilometrow juhozapadnje Budyšina mjez 300 a 350 m nad mórskej hładźinu w hornjołužiskej pahórčinje pod Wulkim Pichowom (499 m) a Ćeleńcom (367 m).
Susodne wjeski su Zdźar (město Wjelećin) na sewjerowuchodźe, Wostašecy na juhowuchodźe, Tućicy zady Pichowa na juhu a Drječin na sewjerozapadźe.
Ležownostne mjena
Michał Rostok naliči 1887 slědowace serbske ležownostne mjena: Cachory (lěs), Bjarony a Bjarownje (Bärwald), Na dubinje (łuka), Dołki, Na rowach, Łuknišća, Kruwjace puće, Klinc, Pola hnašečanskich kerkow, Dołhe łučki, Za pućom, Wisak (polo), Na suchich łukach, Wowča hora, Na kapali, Łazk.[3]
Sydlerskostawiznisce su Warnoćicy nadróžny nawsowc, kotryž so prěni raz pisomnje naspomni w lěće 1363 jako Arnoldisdorf. Ležownostne knjejstwo wukonješe přez lětstotki ryćerkubło we wsy samej, kotremuž słušachu tež někotre wokolne wjeski kaž Słónkecy. Cyrkwinsce słušachu Warnočenjo do reformacije do Wjazońcy a wot toho časa do Husčanskeje wosady.[4]
Hač do lěta 1936 běchu Warnoćicy samostatna gmejna, po tym najprjedy dźěl Drječinjanskeje a wot lěta 1974 Hušćanskeje gmejny.
Wobydlerstwo
W lěće 1884 měješe wjes po Mukowej statistice 289 wobydlerjow, mjez nimi 176 Serbow (61 %).[5] 1925 běchu wot cyłkownje 236 wobydlerjow 232 ewangelskich.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
