Senegal

Senegal (francosce Sénégal) je njewotwisny stat při Atlantiskim oceanje w zapadnej Africe. Stolica a najwjetše město je Dakar, kotryž so namaka na połkupje Kap Verde při atlantiskim pobrjoze na zapadźe kraja.

14.366666666667-14.283333333333

Republika Senegal

hesło Un Peuple, Un But, Une Foi („Jedyn lud, jedyn cil, jedna wěra“)
zakładne daty:
swójske mjeno	République du Sénégal
stolica	Dakar
přestrjeń	196.722 km²
wobydlerstwo	13.975.834 (2015)[1]
hustosć	71 wob./km²
forma knježerstwa	prezidialna republika
hłowa stata	prezident Bassirou Diomaye Faye (wot 2024)
šef knježerstwa	Ousmane Sonko (wot 2024)
měna	CFA-franc BCEAO
hamtska rěč	francošćina
hymna	Pincez Tous vos Koras, Frappez les Balafons
časowe pasmo	UTC
njewotwisnosć	20. awgusta 1960 wot Maliskeje federacije
Top Level Domain	.sn
telefon	+221
awtowa značka	SN
Połoženje Senegala na zemi
Karta
p • d • w

Senegalska stolica Dakar

Geografija

Mjezuje z Mawretanskej na sewjeru, z Malijom na wuchodźe kaž tež z Gineju a Gineju-Bissauwom na juhu. Nimo toho wobdawa Senegal cyły teritorij Gambije.

W Senegalje knježi ćopła subtropiska klima z horcym suchim počasom wot oktobra do apryla a dešćowym počasom wot meje do septembra. Najwyše městno płoneho kraja je hora bjez mjena blisko ginejskeje hranicy (581 m). Najwažniša rěka je Senegal, kotryž je tež namjezna rěka mjez Senegalom a Mawretanskej.