wjes w Zhorjelskim wokrjesu, gmejnski dźěl Lubija From Wikipedia, the free encyclopedia
Małe Radměrcy (němsce Kleinradmeritz) su hornjołužiska wjeska, kotraž słuša wot lěta 2003 k Lubijej. Leža we wuchodnym dźělu Hornjołužiskich honow sydom kilometrow sewjerowuchodnje Lubijskeho stareho města a 210 m nad mórskej hładźinu na prawym boku Lubaty.
| ||
město: | Lubij | |
zagmejnowanje: | 1994 (do Ketlic) | |
wobydlerstwo: | 139 (31. decembra 2023)[1] | |
wysokosć: | 210 metrow n.m.hł. | |
51.147514.7175210 | ||
póstowe čisło: | 02708 | |
předwólba: | 03585 | |
![]() Radměrčanski hród w lěće 1850 | ||
wikidata: Małe Radměrcy (Q160443) |
Prěnje naspomnjenje jako Rademariz pochadźa z lěta 1249.[2] Wot 16. hač do 19. lětstotka bě wjeska sydło ryćerkubła.
Wot lěta 1895 mějachu Małe Radměrcy zastanišćo při železniskej čarje Lubij–Wóspork, kotraž so 1903 hač do Barta a 1906 hač do Radworja podlěši, hdźež bě z čaru Budyšin–Wojerecy zwjazana. W lěće 1972 bu wosobowy wobchad zastajeny a 1973 so čara mjez Lubijom a Bartom zawrě.
Po statistice Arnošta Muki mějachu Małe Radměrcy w lěće 1884 194 wobydlerjow, mjez nimi 174 Němcow a 20 Serbow (10 %).[3] Dźensa so we wjesce hižo njeserbuje. Ewangelscy Radměrčenjo přisłušeja wot 16. lětstotka Ketličanskej wosadźe.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.