Ludwigshafen
wulkoměsto w Porynsko-Pfalcy / From Wikipedia, the free encyclopedia
Ludwigshafen (oficielnje Ludwigshafen am Rhein) je wulkoměsto z něhdźe 160.000 wobydlerjemi w juhozapadnej Němskej. Leži napřećo Mannheimej a wuliwej Neckara při lěwym brjoze Ryna na juhowuchodźe Porynsko-Pfalcy a je wažne industrijne srjedźišćo regiona. Město wobsteji hakle wot lěta 1853 jako samostatna gmejna a je mjeztym wosebje jako sydło BASF a městno Tatorta nadregionalnje znate.
Wopon | ||
---|---|---|
| ||
Zakładne daty | ||
stat | Němska | |
zwjazkowy kraj | Porynsko-Pfalca Porynsko-Pfalca | |
wokrjes | bjezwokrjesne | |
wysokosć | 95 metrow n.m.hł. | |
přestrjeń | 77,68 km² | |
wobydlerstwo | 172.145 (31. dec 2021)[1] | |
hustosć zasydlenja | 2216 wob. na km² | |
póstowe čisła | 67059–67071 | |
předwólby | (+49) 0621, 06237 | |
awtowa značka | LU | |
Politika a zarjadnistwo | ||
wyša měšćanostka | Eva Lohse (CDU) | |
webstrona | ludwigshafen.de | |
wikidata: Ludwigshafen (Q2910) |
Kónčina ma chětro miłu a suchu klimu z přerěznej temperaturu wot 11,2 °C. Dalše wulkoměsta we wokolinje Ludwigshafena su Mohuč na sewjeru, Darmstadt na sewjerowuchodźe, Heidelberg na juhowuchodźe a Karlsruhe na juhu.
Ludwigshafen je ródne město něhdyšeho zwjazkoweho kanclera Helmuta Kohla (1930–2017) a něhdyšeho sakskeho ministerskeho prezidenta Kurta Biedenkopfa (1930–2021). Serbski chemikar Alwin Mitaš (1869–1953) slědźeše tu na syntezy amoniaka.