![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/5/51/Bundesarchiv_B_145_Bild-F074398-0021%252C_Bonn%252C_Pressekonferenz_Bundestagswahlkampf%252C_Kohl.jpg/640px-Bundesarchiv_B_145_Bild-F074398-0021%252C_Bonn%252C_Pressekonferenz_Bundestagswahlkampf%252C_Kohl.jpg&w=640&q=50)
Helmut Kohl
němski politikar; zwjazkowy kancler / From Wikipedia, the free encyclopedia
Helmut Josef Michael Kohl (* 3. apryla 1930 w Ludwigshafenje; † 16. junija 2017 runje tam) bě němski křesćanskodemokratiski politikar, kiž běše wot 1982 do 1998 jako nawoda čorno-žołteho knježerstwa šesty zwjazkowy kancler Němskeje. W běhu politiskeho žiwjenja skutkowaše jako ministerski prezident Porynsko-Pfalcy (1969–76), zwjazkowy předsyda strony CDU (1973–98) a wjednik opozicije w zwjazkowym sejmje (1976–82).
![Thumb image](http://upload.wikimedia.org/wikipedia/commons/thumb/5/51/Bundesarchiv_B_145_Bild-F074398-0021%2C_Bonn%2C_Pressekonferenz_Bundestagswahlkampf%2C_Kohl.jpg/640px-Bundesarchiv_B_145_Bild-F074398-0021%2C_Bonn%2C_Pressekonferenz_Bundestagswahlkampf%2C_Kohl.jpg)
Po złamanju čerwjeno-žołteje koalicije a wuspěšnym wothłosowanju wo wuprajenju njedowěry přećiwo kanclerej Helmutej Schmidtej (SPD) bu Kohl dnja 1. oktobra 1982 za šesteho zwjazkoweho kanclera woleny. Nawjedowaše koaliciju stronow CDU/CSU a FDP hač do lěta 1998, hdyž zhubješe we wólbach swoju wjetšinu. Helmut Kohl je ze 16 lětami w zastojnstwje najdlěje amtěrowacy zwjazkowy kancler Němskeje hač do dźensnišeho.
Pod nawodom Kohla zjednoćištej so w lěće 1990 NDR a ZRN po 41 lětach znowa, čehoždla ma wón wosebje w konserwatiwnych kruhach přimjeno „kancler jednoty“.