serbski wuměłc From Wikipedia, the free encyclopedia
Jan Hanski (němsce Johannes Hansky; * 24. nowembra 1925 w Njebjelčicach; † 15. julija 2004 w Eisenhüttenstadće) bě serbski moler a grafikar.
Wuchodźiwši ludowu šulu nawukny Hanski powołanje dekoraciskeho molerja. 1943 dyrbješe do wójska. 1947 wróći so z wójnskeje jatby a dźěłaše jako molerski pomocnik. 1952–1955 studowaše na fachowej šuli za nałožowane wuměłstwo w Podstupimje pola prof. Waltera Nerlicha. 1956–1962 bě nawoda wotrjada za barbowe a nutřkowne wuhotowanje pola zawoda VEB Ausbau-Union w Eisenhüttenstadće. Pódla swojeho dźěła studowaše w lětach 1961 hač do 1962 fotografiju w Berlinje.
Wot 1963 dźěłaše Hanski jako swobodnje skutkowacy wuměłc. W samsnym lěće přistupi Zwjazkej tworjacych wuměłcow NDR. Wot 1973 hač do 1988 bě předsyda wobwodneho zwjazka Frankfurt nad Wódru. Hanski bě tež čłon Koła serbskich tworjacych wuměłcow.
Wot lěta 1978 přiwobroći so Hanski předewšěm molerstwu, a to wosebje technice lakoweho molerstwa.
K 70. narodnemu dnjej w nazymje 1995 wěnowaše jemu Choćebuski Serbski muzej wobšěrnu wustajeńcu [1].
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.