stat w juhowuchodnej Europje From Wikipedia, the free encyclopedia
Chorwatska (chorwatsce Hrvatska) je stat w južnej Europje na Balkanskej połkupje. Rozpřestrěwa so wot Jadranskeho morja na zapadźe hač k Dunajej na wuchodźe a mjezuje ze Słowjenskej, Madźarskej, Serbiskej, Bosniskej a Hercegowinu, Čornej Horu a Italskej.
![]() |
![]() |
zakładne daty: | |
swójske mjeno | Republika Hrvatska |
stolica | Zagreb |
přestrjeń | 56.542 km² |
wobydlerstwo | 4.284.889 (2011) |
hustosć | 75,8 wob./km² |
forma knježerstwa | republika |
hłowa stata | prezident Zoran Milanović |
šef knježerstwa | premier Andrej Plenković |
měna | euro |
hamtska rěč | chorwatšćina |
hymna | Lijepa naša domovino |
časowe pasmo | UTC+1 |
njewotwisnosć | wot Juhosłowjanskeje |
Top Level Domain | .hr |
telefon | +385 |
awtowa značka | HR |
oficielna webstrona | www.hr |
Połoženje Chorwatskeje w Europje | |
![]() | |
Hač do lěta 1918 běše Chorwatska z dźělom madźarskeje połojcy Rakusko-Wuherskeje. Po rozpušćenju dwójneje monarchije přińdźe k nowozałoženej Juhosłowjanskej. Za čas Druheje swětoweje wójny eksistowaše tak mjenowany Njewotwisny stat Chorwatska, fašistiski režim, kotryž steješe pod škitom nacionalsocialistiskeje Němskeje. Po 1945 bě Chorwatska jedna ze šěsć juhosłowjanskich republikow. Po rozpušćenju mnohonarodnostneho stata a Chorwatskej wójnje spočatk 1990tych lět bu kraj prěni raz po nimale tysac lětach njewotwisny. Wot 1. julija 2013 je Chorwatska z čłonom Europskeje unije; wot 2023 je euro oficielna měna.
Stolica a najwjetše město Chorwatskeje je Zagreb; druhe wulke města su Split, Osijek, Rijeka, Zadar, Slavonski Brod, Dubrovnik, Šibenik, Varaždin, Vinkovci, Bjelovar atd.
Wuznamny hospodarska hałuza je turizm, wosebje podłu jadranskeho pobrjoha mjez Istriskej a Dalmaciskej, hdźež je wjele kupow.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.