Andrej Plenković

Andrej Plenković (* 8. apryla 1970 w Zagrebje) je chorwatski politikar a něhdyši diplomat. Wón je předsyda konserwatiwneje strony HDZ a wot 19. oktobra 2016 z ministerskim prezidentom republiki Chorwatskeje.

Andrej Plenković (2024)

Plenković studowaše prawnistwo na Zagrebskej uniwersiće. W běhu swojeje diplomatskeje karjery bě mjez druhim nawoda wotrjada za europsku integraciju a zastupowacy wulkopósłanc Chorwatskeje we Francoskej. Wot 2010 bě statny sekretar za europsku integraciju a jako tajki jedyn z hłownych zamołwitych za přistupne jednanja Chorwatskeje z Europskej uniju. Wot decembra 2011 bě zapósłanc w chorwatskim parlamenće a w lěće 2013 načolny kandidat HDZ za europski parlament.

Wot 17. julija 2016 je jako naslědnik Tomislava Karamarka předsyda HDZ a wot 19. oktobra nawjeduje knježerstwowu koaliciju z HDZ a strony MOST.

Nimo chorwatšćiny wobknježi Plenković jendźelšćinu, francošćinu, italšćinu a rěči tež trochu němsce.

Wotkazaj

 Commons: Andrej Plenković – Zběrka wobrazow, widejow a awdiodatajow

• Oficielna webstrona

Amtěrowacy šefojo knježerstwa krajow Europskeje unije

Karl Nehammer (Awstriska) | Alexander De Croo (Belgiska) | Dimitar Glawčew (Bołharska) | Nikos Christodoulidis (Cypernska) | Petr Fiala (Čěska) | Mette Frederiksen (Danska) | Kaja Kallas (Estiska) | Petteri Orpo (Finska) | Michel Barnier (Francoska) | Kyriakos Mitsotakis (Grjekska) | Andrej Plenković (Chorwatska) | Simon Harris (Irska) | Giorgia Meloni (Italska) | Evika Siliņa (Letiska) | Ingrida Šimonytė (Litawska) | Luc Frieden (Luxemburgska) | Viktor Orbán (Madźarska) | Robert Abela (Malta) | Olaf Scholz (Němska) | Mark Rutte (Nižozemska) | Donald Tusk (Pólska) | Luís Montenegro (Portugalska) | Marcel Ciolacu (Rumunska) | Robert Fico (Słowakska) | Robert Golob (Słowjenska) | Pedro Sánchez (Španiska) | Ulf Kristersson (Šwedska)