Bosniska a Hercegowina (w krajnych rěčach Bosna i Hercegovina abo kyrilisce Босна и Херцеговина) je federatiwna republika na Balkanskej połkupje w juhowuchodnej Europje. Do lěta 1992 běše jedna z dźělnych republikow něhdyšeje Juhosłowjanskeje. Prěni prezident njewotwisneje Bosniskeje a Hercegowiny bě Alija Izetbegović (1925–2003).
![]() |
![]() |
zakładne daty: | |
swójske mjeno | Bosna i Hercegovina Босна и Херцеговина |
stolica | Sarajewo |
přestrjeń | 51.197 km² |
wobydlerstwo | 3.791.622 (2013) |
hustosć | 74,1 wob./km² |
forma knježerstwa | parlamentariska konfederacija |
hłowa stata | čłonojo předsydstwa Denis Bećirović, Željka Cvijanović, Željko Komšić (wot 2022) |
šef knježerstwa | ministerska prezidentka Borjana Krišto (wot 2023) |
měna | konwertibelna hriwna |
hamtska rěč | bosnišćina, chorwatšćina, serbišćina |
hymna | Intermeco |
časowe pasmo | UTC+1 |
njewotwisnosć | 17. apryla 1992 (mjezynarodne připóznaće) |
Top Level Domain | .ba |
awtowa značka | BIH |
oficielna webstrona | www.fbihvlada.gov.ba |
Połoženje Bosniskeje a Hercegowiny w Europje | |
![]() | |
Najwjetše etniske skupiny w kraju su Bosnjacy, Južni Serbja a Chorwaća. Woni rěča z linguistiskeho wida samsnu rěč, bazěrowacu na nowoštokawskim dialekće, mjenuja ju pak wotpowědnje etniskej přisłušnosći bosnišćinu, chorwatšćinu abo serbišćinu.
Na sewjerje, zapadźe a na juhu mjezuje horaty kraj z Chorwatskej, na wuchodźe ze Serbiskej a na juhowuchodźe z Čornej Horu. Stolica a najwjetše město je Sarajewo. Najwažniše rěki su Drina na wuchodźe, Sawa na sewjeru, Neretva na juhu kaž tež Bosna a Vrbas w srjedźišću kraja.
Wot kónca Bosniskeje wójny sem wobsteji stat ze slědowacych třoch entitetow:
Najwjetše města su :
Dalše wuznamne město je Mostar, stolica a najwjetše město Hercegowiny.