wjes w Budyskim wokrjesu, gmejnski dźěl Hodźija From Wikipedia, the free encyclopedia
Žičeń (němsce Seitschen) je wjes ze 186 wobydlerjemi[2] pola Hodźija w hornjołužiskim wokrjesu Budyšin.
| |||||
gmejna: | Hodźij | ||||
zagmejnowanje: | 1974 | ||||
wobydlerstwo: | 186 (31. decembra 2022)[1] | ||||
přestrjeń: | 2,4 km² | ||||
wysokosć: | 210 metrow n.m.hł. | ||||
51.16416666666714.327222222222210 | |||||
póstowe čisło: | 02633 | ||||
předwólba: | 035930 | ||||
wotwodźene słowa: |
| ||||
![]() Žičenčanski hród | |||||
wikidata: Žičeń (Q160523) |
Wjes, kotraž je po sydlišćowej formje hasowc, nadeńdźe so w hornjołužiskich honach južnje Hodźija při lěwym brjoze Dołheje wody, kotraž přeběži mjez Žičenkom a Žičenjom, pod Žičeńskim hrodźišćom, hłuboku skału.
Susodne wjeski su, nimo Hodźija na sewjeru, Praskow na sewjerowuchodźe, Mała Boršć a Dźiwoćicy na wuchodźe, Žičenk na juhowuchodźe, Brězynka za Žičeńskim dwórnišćom na juhu a Brěza na zapadźe.
Michał Rostok naliči 1887 slědowace serbske ležownostne mjena za Wulki Žičeń: Pola wjerby, Pastwišća, Tórfowa łuka (= při tórfłucy), Na čornej horje, W starej zemi, Dołhe wosrědki, Wićežne kerki, W strónjach, Na wuzkim, Wowči hat, Lišča hora, Kranjeny hat, Šnapowe polo, Kača łuža, Žičanski hat, Zeleny doł, Dołha łuka, Wowčerjec studnička, Mały hatk, Micojty hat.[3]
Prěnje historiske naspomnjenje jako Sciciani bě hižo w lěće 1017, z tym słuša k najstaršim znatym sydlišćam Hornjeje Łužicy.[4] Wot 11. lětstotka sem bě Žičeń z knježim sydłom a słušeše do Hodźijskej wosadźe.
Hač do lěta 1936 tworještej (Wulki) Žičeń a Žičenk samostatnej gmejnje, kotrejž so w tutym lěće zjednoćištej. W lěće 1974 bu Žičeń do Hodźija zagmejnowany.
Po statistice Arnošta Muki měješe wjes we 1880tych lětach cyłkownje 236 wobydlerjow, z nich 201 Serbow (85 %) a 35 Němcow.[5] Arnošt Černik zwěsći w lěće 1956 serbski podźěl wobydlerstwa wot jenož hišće 21,6 %.[6]
Pětr Młónk je so tam 19. měrca 1805 narodźił.
Žičeń ma wot lěta 1846 zastanišćo (něhdyše dwórnišćo) při železniskej čarje Drježdźany–Zhorjelc.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.