Garine a cikin Delta stet a najeriya From Wikipedia, the free encyclopedia
Warri birni ne, da ke a jihar Delta, a Najeriya. Shi ne babban birnin jihar Delta. Bisa ga kimanta a shekarar 2017, jimilar mutane dubu dari shida da sittin da uku. Birnin Warri cibiya ne na man-fetur da ke kudu-maso-kudancin kasannan, kuma gidan gwamnati na Jihar Delta na cikinta. Itace matsayin yankin gundumar Turawan Mulkin mallaka na lokacin.[1]
![]() | ||||
---|---|---|---|---|
![]() | ||||
| ||||
Wuri | ||||
| ||||
Ƴantacciyar ƙasa | Najeriya | |||
Jiha | Delta | |||
Bayanan Tuntuɓa | ||||
Kasancewa a yanki na lokaci | ||||
Wasu abun | ||||
| ||||
Yanar gizo | deltastate.gov.ng |
Warri ta hada yanki da Sapele, duk da cewa a yanzu an hade yankunan Sapele kamar su Okere, Agbassa, Uvwie, Okpe, da kuma Udu a matsayin yankin babban Birnin Warri.[2] Akwai gidajen Osubi da filin jirgin sama guda daya a garin.
Kalmar "Gundumar Warri" a da tana nufin wani yanki na jihar Delta, wanda ke karkashin mulkin turawa na yankin Kudancin Najeriya.[3] Ta hada yanki da Sapele daga Arewa-maso-Gabas, da kuma Rafin Forcados daga Kudu-maso-Gabas, sai kuma Jameson Creek daga kudu-maso-yamma wanda daga baya ta koma karkashin gundumar Delta. Effurun itace matsayin cibiyar tattalin arzikin birnin.[4]
Birnin Warri tana daya daga cikin maya-manyan cibiyoyi sarrafa da kuma kasuwancin man-fetur dake kudancin Najeriya. Itace babban birnin kuma cibiyar kasuwanci na jihar Delta, da yawan mutane akalla mutum 311,970 dangane da kidayar shekara ta 2006.[5]
Asalin mazauna birnin sun kasance mutanen harsunan Urhobo, Ijaw da Itsekiri. Sannan mafi aksarin mazauna garin kiristoci ne, duk da dai har yanzu akwai kadan dake bin akidar bautan gargajiya na kudancin Najeriya. Birnin tayi fice a harshen Turancin Pijin (Pidjin English).
Warri a da ta kasance babban birnin gundumar mulkin Turawa. Daga bisani an hade Lagos da Yankin Kudancin Najeriya a matsayin yankunan mulkin mallakan Turawa a ranar 28 ga watan February 1906, kuma an daura Walter Egerton a matsayin gwamnan yankin wanda ya rike mukamin har zuwa 1912.
Birnin Warri na nan a gaban kogin Warri wacce ta hade kogin Forcados da na Escravos ta Jones Creek a can yankin Delta. Tarihin garin ya fara ne a karni na 15 lokacin da malaman kiristoci daga Portugal suka kawo masu ziyara. Daga baya kuma ta zamo cibiyar cinikayyar bayi tsankanin Portugal da Germany. Warri ta zamo birni mai daraja a karni na 19 musamman ta dalilin tashan jirgin ruwa da ake sufurin man-ja zuwa kasashen ketare.
Sannan Warri ta zamo cibiyar gundumomi na Turawa a karni na 20. Ta samu cigaba sosai, ta tashi daga kauye ta zamo birni.[6]
Mafi akasarin mutanen warri sun kasance daga harsunan Urhobo, Itsekiri da kuma Ijaw.[7] Amma saboda bunkasa da cigaban garin, akwai mutane dayawa daga sassa daban daban na kasar.
Birnin na fuskantar matsakaicin ruwan sama da kuma matsakaicin danshi. Yanayin garin ya fada a monsoon wanda ya rabu zuwa yanayi biyu; lokacin damuna da lokacin rani. Rani yakan fara a tsakanin watan Nuwamba zuwa April kuma ya kunshi yanayin sanyin harmattan mai zuwa da kura da hazo. Lokacin damunan yana farawa ne daga watan Mayu zuwa October da rashin ruwa na dan lokaci acikin watan Augusta. Yanayin garin na da halayyar tropical monsoon climate da matsakaicin zafi na shekara-shekara a 32.8 °C (91.0 °F). Ruwan sama a shekara yakan kai 2,770 mm (109 in). Yanayi na zafi yakan kai 28 °C (82 °F) and 32 °C (90 °F). Kasan garin na dauke da isassun ciyayi, sannan akwai itacen timber, Palm da sauran itacen marmari.
Climate data for Warri | |||||||||||||
---|---|---|---|---|---|---|---|---|---|---|---|---|---|
Watan | Janairu | Fabrairu | Maris | Afrilu | Mayu | Yuni | Yuli | Ogusta | Satumba | Oktoba | Nuwamba | Disamba | Shekara |
Average high °C (°F) | 31.5 (88.7) |
32.2 (90.0) |
32.4 (90.3) |
32.2 (90.0) |
31.5 (88.7) |
30.0 (86.0) |
28.4 (83.1) |
28.4 (83.1) |
28.8 (83.8) |
30.0 (86.0) |
31.4 (88.5) |
31.5 (88.7) |
30.7 (87.3) |
Daily mean °C (°F) | 26.8 (80.2) |
27.5 (81.5) |
27.9 (82.2) |
28.0 (82.4) |
27.3 (81.1) |
26.3 (79.3) |
25.2 (77.4) |
25.3 (77.5) |
25.5 (77.9) |
26.3 (79.3) |
27.1 (80.8) |
26.8 (80.2) |
26.7 (80.1) |
Average low °C (°F) | 22.1 (71.8) |
22.9 (73.2) |
23.5 (74.3) |
23.8 (74.8) |
23.1 (73.6) |
22.6 (72.7) |
21.0 (69.8) |
22.3 (72.1) |
22.3 (72.1) |
22.6 (72.7) |
22.9 (73.2) |
22.2 (72.0) |
22.6 (72.7) |
Average precipitation mm (inches) | 30 (1.2) |
58 (2.3) |
127 (5.0) |
201 (7.9) |
270 (10.6) |
367 (14.4) |
474 (18.7) |
324 (12.8) |
457 (18.0) |
325 (12.8) |
104 (4.1) |
31 (1.2) |
2,768 (109.0) |
Source: Climate-Data.Org[8] |
Akwai Warri Refinery da kuma Petrochemicals a Ekpa, da sauran kamfanonin mai na gida da na kasashen waje a sassa daban daban da ke kusa. Tana daya daga cikin manya manyan tashoshi jiragen ruwa na Najeriya wanda ke nan a Ugbuwangue, Warri.
Saboda rikicin da ke faruwa a yankin, musamman na 1999, mafi yawanci kamfanonin sun ruga zuwa babban birnin da kuma sassan gefe-gefe.
Akwai barikin sojoji a garin Amphibious Infantry battalion (Effurun Army Base) wanda ke nan a Effurun.
Sojin ruwan Najeriya suna gudanar da harkokinsu a yankin tashar. Sannan har wayau sojin saman Najeria na da bariki a garin (61 Nigerian Air force).
Warri na da filin wasannin kwallon kafa wanda ke da fadin dibar mutane 30,000. Wanda shine filin wasan kungiyar kwallon kafa na gida na Warri Wolves.[9][10]
A cikin birin akwai manya manyan matatun man fetur, sannan akwai kamfanin sarrafe karafa watau Delta Steel Company wanda kenan a yankin Ovwian–Aladja dake karamar hukumar Udu[11]. Sanna akwai kamfanin sarrafa gilasai na Beta Glass daga wajen birnin Ughelli, wanda ke da tarin silica da silicates da ake amfani dasu wajen hada gilasai. Sannan har wayau akwai kamfanin rarraba wutar lantarki na Transcorp Power wanda kenan a Ughelli.
A farkon shekara ta 1991, an fara hada titin jirgin kasan daga kamfanonin sarrafa karafa na Ajaokuta zuwa tashar jirgin ruwa na Warri wanda ke da nisan kiloitoci 275. Zuwa shekara ta 2006, titin jirgin ya kai kilomita 329 amma har yanzu ba'a kammala sauran kilomita 27 da ya rage zuwa Warri ba. An cigaba da aikin titin a shekara ta 2010. Gwamnati tayi bikin bude titin a watan Satumba shekara ta 2020.
Gwamnatin garin ta kara gyara manyan hanyoyin garin don kara wa garin kyawu.
Akwai wuraren saukan helikoptoci a wasu manyan kamfanonin man fetur a garin
Sufurin kayayyaki ta ruwa na gudana ne karkashin kulawar Nigerian Ports Authority (Delta Ports) wanda yawanci ya kunshi shigowa da kaya da fitasu daga wasun manyan kamfanoni.
Akwai manyan makarantun gaba da sakandare da dama da suka hada da;
Makarantun Sakandare sun hada da:
Makarantun firamare sun hada da:
Akwai wuraren bude ido da dama da mutum zai iya ziyarta a Warri.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.