rollageyder as cummeyder Germaanagh-Goaldagh (1738–1822) From Wikipedia, the free encyclopedia
Frederick William Herschel[1][2] (Germaanish: Friedrich Wilhelm Herschel; 15 Sauin 1738 – 25 Luanistyn 1822), she rollageyder as cummeyder Germaanagh-Goaldagh[3] v'eh. Ren eh obbraghey dy mennick marrish y rollageyder as e huyr s'aa, Caroline Herschel. V'eh ruggit ayns Reihderaght Hanover, as hie er bollagh e ayr stiagh ayns bann caggee Hanover roish my darree eh dys y Vretyn Vooar ayns 1757 tra v'eh nuy bleeaney jeig d'eash.
| William Herschel | |
|---|---|
 Co-chaslys liorish Lemuel Francis Abbott, 1785 | |
| Ennym ruggyree | Friedrich Wilhelm Herschel |
| Ruggit |
15 Mee Houney 1738 Hanover, Reihderaght Hanover, yn Impiraght Raueagh Vannee |
| Hooar baase |
25 Luanistyn 1822 (83 bleeaney d'eash) Slough, Sostyn |
| Boayl oanluckee |
Church of St Laurence, Upton-cum-Chalvey (en)  |
| Ynnyd beaghee |
Sostyn Bath Datchet (en) Old Windsor (en) Observatory House (en) |
| Seyraanaght |
Reeriaght Hanover Reeriaght Unnaneysit y Vretyn Vooar as Nerin Reeriaght y Vretyn Vooar |
| Çhengey | Baarle |
| Keird |
rollageyder · cummeyder · oboist (en) · kiaulleyder · fishigagh |
| Greieyn | organe piob · obo · biol |
| Ynsagh | Ollooscoill Aah yn Ollee |
| Sheshey |
Mary Baldwin (en) (1788 – |
| Paitçhyn |
slane rolley
|
| Ayr | Isaac Herschel |
| Moir | Anna Ilse Moritzen |
| Braaraghyn as shuyraghyn |
slane rolley
|
| Mie er enney son |
|
| Enmys |
President of the Royal Astronomical Society (en) |
| Olteynys boayrd |
y Çheshaght Reeoil Academy of Science for Public Utility (en) German Academy of Sciences Leopoldina (en) Royal Swedish Academy of Sciences (en) Saint Petersburg Academy of Sciences (en) French Academy of Sciences (en) Academee Ellynyn as Oaylleeaght America Royal Prussian Academy of Sciences (en) Accademia Nazionale delle Scienze detta dei XL (en) Academy of Sciences of Turin (en) |
| Credjue | Lutheraght |
| Aundyryn |
slane rolley
|
| Coorse caggee | |
| Faghtyssyn caggee |
Seven Years' War (en) |
| Kianglaghyn fysseree as sheshoil | |
| Discogs ID | 2954095 |
 | |
Hrog Herschel e chied fodreayrtan mooar ayns 1774, as ren eh towshanyn speyrey feie nuy bleeaney ronsaghey rollageyn dooblit. Hoilshee eh catalogyn jeh neealyn ayns 1802 (2,500 nheeghyn) as ayns 1820 (5,000 nheeghyn). Ren pooar kiarit ny fodreayrtanyn echey anchoodaghey nagh neealyn ram nheeghyn ayns catalog Messier agh dhossanyn dy rollageyn. Er 13 Mayrnt 1781 as eh jannoo baghtyn, chur eh note sheese er red noa ayns co-hollys rollageydagh y Chubbyl. Lurg shiartanse dy hiaghtinyn as co-choyrle lesh rollageyderyn elley, hie eh er ny hickyraghey dy nee planaid noa v'ayn, haink dy ve enmyssit Uraanus. She eshyn va'n chied planaid dy ve feddynit magh voish y çhenndaght as haink ard-ghoo rish. Myr eiyrtys jeh'n eddynys shen, ren Shorys III pointeil eh myr Rollageyder Cooyrtey. V'eh reiht myr Oltey Sheshey yn Çheshaght Reeoil as hie gialdynyn er nyn giarail da troggalys fodreayrtanyn noa.
She kioneraadagh y spectrofotomeadraght rollageydagh v'eh, goaill ymmyd jeh prismaghyn as greienyn ry hoi towshan çhiassid dy yannoo towshanyn er rheynn tonn-lhiuridyn spectra rollageag. Kyndagh rish ny ronsaghyn shen, ren Herschel feddyn magh goulraght fo-yiarg.[4] Ghow obbraghyn elley stiagh lesh cronnaghyn ny s'cruinn er amm çhyndaaee Vart, feddynys dy row coodee phoullagh Vart anchasley rere yn imbagh, feddynys Titania as Oberon (eaystyn Uraanus) as Enceladus as Mimas (eaystyn Harn). Va Reejerey yn Royal Guelphic Order jeant jeh Herschel ayns 1816. Chammah's shen, she eshyn va'n chied eaghtyrane er Sheshaght Reeoil y Rollageydys tra v'eh bunnit ayns 1820. Hooar eh baase ayns Luanistyn 1822 as hie e ynrican mac, John Herschel, lhiantyn lesh e obbyr.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
