Germaanish

She fer jeh ny çhengaghyn Germaanagh Germaanish (Deutsch; focklit magh myr [ˈdɔʏtʃ]  ( eaisht)). She çhengey Ghermaanagh Heear ee, gollrish Baarle, Ollanish, as Affrickaanish. She fer jeh ny çhengaghyn smoo loayrit 'sy theihll t'ayn as t'ee coontit myr y chied çhengey ghooghyssagh 'syn Unnaneys Oarpagh. Ta ny smoo na 120 millioon loayrtee eck as t'ee loayrit liorish mysh 80 millioon loayrtee neu-ghooghyssagh. Ta Germaanish chadjinit goll er ynsaghey ayns scoillyn, ollooscoillyn as Undinyssyn Goethe feie yn chruinney.

Germaanish
Deutsch
Goll er loayrt ayns	Yn Ghermaan, Yn Austeyr, Yn Elveeish, Liechtenstein, Lucsemburg
Earroo loayreyderyn	Y Ghermaanish Chadjinit: 90 millioon (1990)[1] - 98 millioon (2005)[2] Germaanisheyryn 'sy clane: 120 millioon (1990–2005)[1] Loayreyderyn L2: 80 millioon (2006)[3]
Kynney çhengey	Ind-Oarpagh Germaanagh Germaanagh Sheear Germaanish
Staydys oikoil
Çhengey oikoil ayns	Yn Unnaneys Oarpagh Çhengey oikoil as obbree Y Ghermaan Yn Austeyr Yn Elveeish Tirol Yiass (Yn Iddaal) Liechtenstein Lucsemburg Y Velg (Pobbyl ny Germaanisheyryn 'sy Velg)
Staydys mynlagh oikoil ayns	Y Phobblaght Çheck[4] Y Danvarg[5] Yn Ungaar[6] Y Chassaghstaan</ref>[7] Yn Iddaal (Trentino) Y Nameeb (Çhengey ashoonagh; çhengey oikoil 1984–90)[8][9] Y Pholynn (Çhengey choonee)[10] Y Romaan[11] Y Roosh[12] Y Clovack (Çhengey oikoil valjagh Krahule/Blaufuß)[3][13] Y Vrasseel (Çhengey cho-oikoil valjagh ayns Pomerode)[14] Ard-valley yn Phaab (Çhengey reiree as chioneyssagh ny h-Arreyderyn Elveeishagh)[15]
Fo stiurey ec	stiureyder erbee
Coadyn çhengey
ISO 639-1	de
ISO 639-2	deu
ISO 639-3	deu

Haink y chooid smoo jeh ny fockleyn ayns Germaanish woish Shenn Ghermaanish as yn lught çhengagh Injey-Oarpagh^[16]. Neeshtagh ta focklyn ayn voish Ladjyn as Ghreagish, as fir elley voish Frangish as Baarle.

Ta Germaanish goll er screeu 'syn abbyrlhit Ladjynagh. Chammah's ny 26 lettyryn cadjin, ta tree breeocklyn ayn as Umlautyn orroo (Ä/ä, Ö/ö, and Ü/ü) as y lettyr ß.

Reamys y Ghermaanish

Ta boodeeyssyn dy Ghermaanisheyryn ry-gheddyn ayns eear-choloin Germaanagh ny Nameeb, steat ren geddyn magh e neuchrogheydys veih'n Affrick Yiass 'sy vlein 1990, myrane lesh ayns king jurnaa arraghey magh Germaanagh gys ny Steatyn Unnaneysit, y Chanadey, Meksico, y Phobblaght Ghominicagh, y Vrasseel, yn Argenteen, y Pharaguay, yn Ooraguay, y Çhillee, y Pheroo, y Veneswaaley (raad hie yn abbyrt Alemán Coloniero er ny lhiassaghey), yn Affrick Yiass, as yn Austrail. 'Sy Nameeb ta undinyssyn ynsee Germaanish freillt ec Germaanee ny Nameeb.

Rere Global Reach (2004), ta 6.9% jeh pobbyl yn eddyr-voggyl ny Ghermaanisheyryn.^[17][18] Rere Netz-tipp (2002), ta 7.7% jeh duillagyn yn eddyr-voggyl screeuit 'sy Ghermaanish,^[19] as rere shen t'ee ny nah hengey smoo lurg y Vaarle ayns possan ny çhengaghyn Oarpagh. Myrane lesh shen, t'ad gra dy vel 12% jeh ymmydeyryn Google goaill ynnyd jeh'n eddyr-oaie Germaanish.^[19]

Sambylyn y Ghermaanish 'sy theihll laaoil 'sy Nameeb

Çheer	Lught ny Germaanisheyryn (çheumooie jeh'n Oarpey)[20]
SUA	5,000,000
Y Vrasseel	3,000,000
Yn Argenteen	1,400,000
Y Chanadey	450,000[20] – 620,000[21]
Meksico	200,000
Yn Austrail	110,000
Yn Affrick Yiass	75,000 (seyraanee eebyrtagh ny Germaan ny lomarcan)[20]
Y Çhillee	40,000
Y Pharaguay	30,000 – 40,000
Y Teelynn Noa	37,500
Y Nameeb	30,000 (seyraanee eebyrtagh ny Germaan ny lomarcan)[20]
Y Veneswaaley	10,000
Y Jordaan	50,000

Yn Oarpey

Fys er y Ghermaanish 'syn Unnaneys Oarpagh as ayns çheeraghyn cochianglt

Er y chooid smoo, ta'n Ghermaanish goll er loayrt 'sy Ghermaan (raad t'ee myr y phreeu-hengey ec 95% jeh mooinjer y çheer), 'syn Austeyr (89%), 'syn Elveeish (65%), as ec y chooid smoo jeh pobbyl Lucsemburg, as Liechtenstein.

Ta boodeeyssyn Germaanisheyryn Oarpagh ry-gheddyn 'syn Iddaal Hwoaie (ayns Tirol Yiass as ayns baljaghtyn ennagh ayns queiggaghyn elley), ayns Cantoonyn Hiar ny Belg, ayns ardjyn Frangagh ny h-Alsaash as Lorraine, as ayns baljyn beggey joarree yn eear-choontae Jylland Yiass 'sy Danvarg.

Ta boodeeyssyn Germaanisheyryn ry-gheddyn 'sy Phobblaght Çheck, 'sy Clovack, 'syn Ungaar, 'sy Pholynn, 'sy Romaan, 'sy Terb, 'sy Roosh as 'sy Chassaghstaan. Haghyr jee-chlannaghey 'sy chooid smoo jeh ny boodeeyssyn shen lurg ruightaghyn ny Germaanee lurg y Nah Chaggey Mooar as ayns ny 1980yn as ny 1990yn as mooarane dy Ghermaanee garraghey gys y Ghermaan.

Sambyl

Focklyn Germaanish

eins	un
zwei	daa
drei	tree
nein	dyn, fockle jiooldagh
ich	mee
du	oo
er	eh
sie	ee
es	eh/ee
wir	shin
ihr	shiu
sie	ad
Deutschland	Y Ghermaan

Bannaghtyn as ve cooyrtoil

Guten Morgen	Moghrey mie
Guten Abend	Fastyr mie
Hallo	Hello ayns Baarle
Wie geht's?	Kys t'ou?
Bitte	My sailt
Danke schön	Gura mie (mooar) ayd
Auf Wiedersehen	Slane lhiat
Ich heiße ...	Ta'n ennym orrym ...