fer oik Germaanagh Natseeagh as ard-jantagh yn Deherree (1904–1942) From Wikipedia, the free encyclopedia
Reinhard Tristan Eugen Heydrich (7 March 1904 – 4 June 1942), she ard-er oik poleen Germaanagh 'syn SS car eash ny Natseeyn v'eh. Ta enney mooar er myr nane jeh ard-obbreeyn y Deherree.
Reinhard Heydrich | |
---|---|
![]() Heydrich ayns 1940 | |
Ennym ruggyree | Reinhard Tristan Eugen Heydrich |
Ruggit |
7 Mart 1904 Halle an der Saale, y Phroosh, Impiraght y Ghermaan |
Hooar baase |
4 Mean Souree 1942 (38 bleeaney d'eash) Praag-Libeň, Coadanys Bohemia as Moravia (Praag, y Phobblaght Çheck jiu) |
Bun baaish |
dunverys (lhott ballistagh septaseema) |
Boayl oanluckee |
Invalids' Cemetery (en) ![]() |
Seyraanaght |
German Reich (en) ![]() |
Çhengey | Germaanish |
Keird |
politickeyr · sidoor · cliwedeyr · etleyder · sidoor · Gestapo employee (en) ![]() |
Failleyderyn | Gestapo |
Ynsagh |
Technical University of Munich (en) ![]() Hans-Dietrich-Genscher-Gymnasium (en) ![]() |
Sheshey |
Lina Heydrich (en) ![]() |
Paitçhyn | |
Ayr | Richard Bruno Heydrich |
Moir | Elisabeth Krantz |
Braaraghyn as shuyraghyn | |
Enmys |
member of the Reichstag of Nazi Germany (en) ![]() President of Interpol (en) ![]() Chef der Sicherheitspolizei und des SD (en) ![]() |
Partee politickagh | y Partee Natseeagh |
Olteynys boayrd |
Schutzstaffel Deutschvölkischer Schutz und Trutzbund (en) ![]() |
Aundyryn |
slane rolley
|
Coorse caggee | |
Ammys | |
Shirveish/crouw | Schutzstaffel |
Rhenk |
SS-Oberst-Gruppenführer Obergruppenführer |
Faghtyssyn caggee | y Nah Chaggey Dowanagh |
Kianglaghyn fysseree as sheshoil | |
IMDb | nm0382193 |
![]() |
Va Heydrich ny hoshiagh er Ard-Oik Hickyrys y Reich (goaill stiagh y Gestapo, y Kripo, as yn SD). Chammah's shen, she Stellvertretender Reichsprotektor (Lhiass Reich-Protector, ny Reich-Protector Shallidagh) er Bohemia as Moravia v'eh. Ren eh shirveish myr eaghtyrane Chommishoon Eddyrashoonagh ny Poleenyn Kimmee (ICPC/CEPK, ta enmyssit Interpol jiu), as v'eh ny chaairliagh er Co-whaiyl Wannsee ayns Jerrey Geuree 1942, chur rish formoilaghey ny plannyn ry-hoi'n "Eaysley Jerrinagh da feysht ny h-Ewnyn" — eebyrtys as kynney-ghunverys dagh Ew 'syn Oarpey fo'n chummaltys Germaanagh.
Ta ram screeudeyryn shennaghys coontey Heydrich mastey ny feallee s'dorree 'sy reamys Natseeagh;[1][2][3] chur Adolf Hitler sheese er myr "y dooinney lesh y chree yiarn".[4] She kione bunnee y Sicherheitsdienst (y Çhirveish Hickyrys, SD) v'eh, reagheydys fysseree currymit lesh shirrey as neaghtyraghey yn condaigys noi'n Phartee Natseeagh lesh goaillyn fo ghlass, eebyrtyssyn, as dunveryssyn. Hug eh cooney da reaghey Kristallnacht, straih jeh soiaghyn co-oardit noi Ewnyn feie'n Ghermaan Natseeagh as ayrnyn jeh'n Austeyr er 9–10 Mee Houney 1938. Va ny soiaghyn jeant ec sidooryn soiagh yn SA as shivoilee, taghyrt chur raaue jeh'n Deherree. Tra haink eh dys Praag, hirr Heydrich dy chur jerrey da'n chondaigys noi'n chummaltys Natseeagh trooid mooghey yn chultoor Sheckagh as geebyrtey as cur gy-baase olteynyn y sthaagey Sheckagh. V'eh freggyrtagh dy jeeragh ry-hoi ny Einsatzgruppen, possanyn-kiartag hroaill ny yei ny h-armeeyn Germaanagh as varr ny smoo na daa villioon dy leih rere ard-lhiggey as gassaghey, goaill stiagh 1.3 ,villioon dy Ewnyn.
Va Heydrich guinnt gy baase ayns Praag er 27 Boaldyn 1942 myr eiyrtys jeh Obbreeaght Anthropoid. Ren possan dy hidoory Sheckagh as Slovackagh fo chlea soiagh er rere oardagh dunverys veih reiltys y Çheckoslovack er eebyrtys. Va'n possan ynsit liorish Sheckterys Obbreeaghtyn Er-lheh Goaldagh. Hooar Heydrich baase veih e ghortyn er 4 Mean Souree. Ren ny fysseree Natseeagh kiangley dy breagagh ny sidooryn Sheckagh as Slovackagh rish ny baljyn beggey Lidice as Ležáky. Va'n daa valley beg er nyn scryssey as nyn draartyssey; va dagh fer as guilley 14 d'eash as ny shinney lhiggit, as va'n chooid smoo jeh ny mraane as ny caillinyn ymmyrkit dys, as marrooit ayns, ny sleih-champyn Natseeagh.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.