eayst Ghalileagh Jupiter From Wikipedia, the free encyclopedia
She Io ny Jupiter I yn eayst Ghalileagh s'niessey stiagh as y trass eayst smoo jeh'n phlanaid Jupiter. T'eh beggan ny smoo na eayst y Chruinney as she eshyn y kiarroo eayst smoo ayns Corys ny Greiney, as ta'n çheeid s'yrjey as yn ym-hayrn s'troshey mastey ny h-eaystyn as y chooid sloo d'ushtey (rere corrillagh breneenagh) mastey dagh red rollageydagh ayns Corys ny Greiney. V'eh feddynit magh ayns 1610 liorish Galileo Galilei as va ennym y characteyr feayn-skeealleydagh Io, ben-haggyrt Hera as nane jeh lhiannanyn Zeus, currit er.
Io .svg){kind=small} | |||||||
|---|---|---|---|---|---|---|---|
 | |||||||
| Sorçh | eayst Jupiter as eayst chadjin | ||||||
| Feddynit magh ec | Galileo Galilei  | ||||||
| Date feddyn magh | Jerrey Geuree 8, 1610 | ||||||
| Epennym | Io | ||||||
| Moir-red | Jupiter | ||||||
| Fysserree fishigagh | |||||||
| Apoapsis | 423,400 km | ||||||
| Periapsis | 420,000 km | ||||||
| Essyl lieh-vooar a | 421,800 km | ||||||
| Corrid e | 0.0041 | ||||||
| Amm cruinlagh P | 1.769137786 d | ||||||
| Cleayn i | 2.213 ° | ||||||
| Troyn fishigagh as rollageagh meadragh | |||||||
| Craue raadeeoil | 1,821.6 km | ||||||
| Crantessen | 3,660 km | ||||||
| Mooadys baghtal (V) | 5.02 | ||||||
| Eaghtyr y vaare | 41,910,000 km² | ||||||
| Glout | 89.296 Yg[1] | ||||||
| Thummid | 2,530,000,000 km³ | ||||||
| Mean-ghlooaght | 3.528 g/cm³ | ||||||
| Ym-hayrn eaghtyragh | 1.796 cm/s² | ||||||
| Albedo | 0.63 | ||||||
| Çhiassid eaghtyragh |
| ||||||
| Aeraght | 90% daa-ocseed hulfur | ||||||
| Ayrn jeh | ny h-eaystyn Galileagh | ||||||
She Io y corpane smoo obbragh rere creg-oaylleeaght ayns Corys ny Greiney as ny smoo na 400 volcaanyn obbragh ry-gheddyn er.[3][4] Ta'n ard-obbrinaght chreg-oaylleeagh shoh çheet ass çhiow tidee voish y screebey t'er gientyn çheusthie jeh Io as eh er ny ve tayrnit eddyr Jupiter as ny h-eaystyn Galileagh elley—Europa, Ganymede as Callisto. Ta volcaanyn ennagh gientyn dossanyn sulfur as daa-ocseed hulfur ta girree cha ard as 500 km (300 mi) harrish eaghtyr y phlanaid. Ta eaghtyr Io breck lesh ny smoo na 100 sleityn t'er ny ve yrjt liorish cohionney lheeadagh ec bun scroig hilicait Io. Ta paart jeu ny s'yrjey na Slieau Everest, y boayl s'yrjey er eaghtyr ny Cruinney.[5] Neughollrish y chooid smoo jeh ny h-eaystyn ayns Corys ny Greiney mooie, ta jeant ass rio ushtey er y chooid smoo, ta Io jeane as creggyn silicait er y chooid smoo ta cruinnaghey mygeayrt cree lheit jeh yiarn ny sulfeed yiarn. Ta'n chooid smoo jeh eaghtyr Io jeant ass strahghyn lheeadagh lesh coodagh sulfur as daa-ocseed orroo.
Ta volcaanaghys Io freggyrtagh er son ram jeh ny troyn er lheh ta ry-gheddyn er. Ta ny dossanyn volcaanagh as ny floddaghyn leavey jannoo caghlaaghyn mooarey er yn eaghtyr as peintal eh ayns daaghyn buigh, ruy, bane, doo, as eayney, kyndagh rish allotropeyn as covunstooghyn y tulfur. Ta shiartanse dy floddaghyn leavey, as fir jeu ny s'liurey na 500 km (300 mi), cowraghyn yn eaghtyr. Ta'n stoo ta ceaut magh liorish y volcaanaghys shoh jannoo seose aeraght cheyl as pheeshagh Io as magnaidosfeyr lheeadagh Jupiter. Ta'n stoo volcaanagh tilgit jannoo torys plasmey mooar mygeayrt Jupiter chammah.
Va paart scanshoil ec Io ayns lhiassaghey yn rollageydys car y 17oo as y 18oo eashyn. V'eh feddynit magh ayns Jerrey Geuree 1610 liorish Galileo Galilei, gollrish ny h-eaystyn Galileagh elley. Chur y feddyn magh shen rish doltey cummey Copernicagh Chorys ny Greiney, lhiassaghey leighyn Kepler y ghleashaght, as rish y chied towshan er bieauid y tollysh. As peiagh jeeaghyn er voish y Chruinney, hannee Io myr poynt sollysh derrey y 19oo eash yeianagh as y 20oo eash leah, tra haink eh dy ve jargal troyn eaghtyragh mooarey y skeaylley, lheid as ny h-ardjyn poullagh dorraghey-jiarg as ny h-ardjyn meanchiarkylagh gial. Ayns 1979, ren y daa haagh spoar Voyager anchoodaghey Io myr seihll obbragh rere creg-oaylleeaght, marish ram troyn volcaanagh eigsoylagh, sleityn mooarey, as eaghtyr aeg gyn tuill vuillee vaghtal. Ren y saagh spoar Galileo etlagh shaghey ymmodee keayrtyn car ny 1990yn as ny 2000yn leah, geddyn fysserree bentyn rish strughtoor sthie as cummey eaghtyr Io. Chammah's shen, haishbyn y saagh spoar y mooinjerys t'ayn eddyr Io as magnaidosfeyr Jupiter as dy row cryss ghoulraght ard-vree ayn as ee laarit er cruinlagh Io. Ta Io geddyn mysh 3,600 rem (36 Sv) jeh'n ghoulraght eeaneaghey 'sy laa.[6]
Va baghtyn s'odjey jeant ec Cassini–Huygens ayns 2000, ec New Horizons ayns 2007, as ec Juno voish y vlein 2017, chammah as ec fodreayrtanyn ayns shoh er y Chruinney as ec Fodreayrtan Spoar Hubble.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
