Corys ny Greiney

She Corys ny Greiney ta shin gra rish yn Ghrian as ooilley ny planaidyn as nheeghyn elley ta goll mygeayrt-y-moee.

Corys ny Greiney

Cha nel yn fockle shen currit agh da'n chorys ta mygeayrt ny Greiney. Ta'n enmys corys planaidagh currit er ny coryssyn ta mygeayrt rollageyn elley.

Ta'n Ghrian soit ayns çheshvean y chorys. Ta 99.86 % dy vass y chorys 'sy Ghrian.

Ta sateleetyn (eaystyn) cruinlaghey paart jeh ny planaidyn. Chammah as ny planaidyn, ta reddyn beggey dy liooar goll mygeayrt y Ghrian. Ny mast'oc shen ta asteroidjyn, claghyn-çhenney as commaidyn. She yn forsey-stoo eddyr y Ghrian as ny planaidyn as reddyn elley ta cummal ad er nyn goorseyn. She Curain y phlanaid sniessey da'n Ghrian as Neptioon y fer sodjey magh. She yn Dowan y trass phlanaid sniessey da'n Ghrian. Myr sniessey y phlanaid da'n Ghrian, sloo yn traa dy gholl mygeayrt y Ghrian un cheayrt. Myr sampleyr, ta Curain goll mygeayrt y Ghrian ayns 88 laa, agh ta Pluto goll mygeayrt un cheayrt ayns 248 jeh ny bleeanyn ainyn. Ayns nyn Gorys ny Greiney ta –

• yn Ghrian hene (☉)
• Ny planaidyn (tree jeu crivassanagh as kiare jeu as fainaghyn oc)
  • Curain
  • Badlag
  • yn Dowan
  • Mart
  • Iupiter
  • Sarn
  • Uraanus
  • Neptioon
• Ny planaidyn crivassanagh
  • Keres
  • Pluto
  • Eris
• Reddyn Tessen-Neptioonagh
  • Quaoar
  • Sedna
  • Ixion
  • Varuna
  • Cryss Kuiper
  • Bodjal Oort
• 169 eaystyn ta goll mygeayrt ny planaidyn (as foddee tooilley nagh vel fys ain er foast), chammah’s tousaneyn dy roltageyn as comaidyn as dreigaghyn as claghyn çhenney as meeryn dy yoan spoaragh.

Kianglaghyn mooie

• Lessonyn er learnmanx.com (Gaelg)
• National Geographic (Baarle)