From Wikipedia, the free encyclopedia
She ronseyder Anglo-Yernagh er yn Antarctagh va Ernest Henry Shackleton (15 Toshiaght Arree 1874 – 5 Jerrey Geuree 1922). Stiur eh tree turrysyn-contoyrtys Goaldagh dys yn Antarctagh. T'eh coontit myr nane jeh ny deiney smoo scanshoil jeh'n eash ta enmyssit Eash Eniaghtagh Ronsaghey yn Antarctagh.
Ernest Shackleton | |
---|---|
![]() Shackleton ayns 1904 | |
Ennym ruggyree | Ernest Henry Shackleton |
Ruggit |
15 Toshiaght Arree 1874 Cill Chá, Coontae Cheeill Darey, Nerin |
Hooar baase |
5 Jerrey Geuree 1922 (47 bleeaney d'eash) Grytviken, y Çhorshey Yiass, Croghaneyn ny Malveenaghyn |
Bun baaish | baase najooragh (greim cree) |
Boayl oanluckee |
Grytviken Cemetery (en) ![]() |
Seyraanaght | Reeriaght Unnaneysit y Vretyn Vooar as Nerin |
Çhengey | Baarle |
Keird | ronseyder · offishear caggee · troailtagh · ronseyder poullagh |
Failleyderyn |
Sheshaght Heer-oaylleeagh Reeoil ny h-Albey The Royal Magazine (en) ![]() |
Ynsagh |
Dulwich College (en) ![]() Brighton Grammar School (en) ![]() |
Sheshey |
Emily Shackleton (en) ![]() |
Paitçhyn | |
Ayr | Henry Shackleton |
Moir | Henrietta Letitia Sophia Gavan |
Braaraghyn as shuyraghyn | |
Olteynys boayrd |
Royal Geographical Society (en) ![]() |
Aundyryn |
slane rolley
|
Coorse caggee | |
Shirveish/crouw | y Lhuingys Chaggee Reeoil |
Rhenk |
lieutenant (en) ![]() |
Faghtyssyn caggee |
y Chied Chaggey Dowanagh Russian Civil War (en) ![]() |
Kianglaghyn fysseree as sheshoil | |
IMDb | nm0787123 |
![]() |
Va Shackleton ruggit ayns Cill Chá, Coonte Cheeill Darey, Nerin, agh darree eh as e vooinjer Anglo-Yernagh[1] dys Sydenham ayns fo-valjyn Lunnin yiass tra v'eh jeih bleeaney d'eash. Haghyr e chied taghyrt ayns ny h-ardjyn poullagh echey myr offishear y trass rhenk er turrys-contoyrtys Discovery lesh y Chaptan Robert Falcon Scott ayns 1901–1904. V'eh currit dy valley er cooishyn slaynt lurg ren eh as e chumraagyn Scott as Edward Adrian Wilson recortys jiass noa tra ren ad marçhal cho foddey jiass as y dowan-lheead 82°S. Car turrys-contoyrtys Nimrod ayns 1907–1909, ren eh as troor dy chumraagyn recortys jiass noa ec 88°S, 97 meeillaghyn çheer-oaylleeagh (112 meeillaghyn slattyssagh ny 180 kilomeadaryn) voish Ard y Jiass, y ghleashaght smoo dys y phoull ayns shennaghys y ronsaghey. Chammah's shen, ren olteynyn y wirran echey drappal Slieau Erebus, y volcaan smoo breeoil 'syn Antarctagh. Er son ny cooilleenaghyn shen, va Shackleton jeant ny reejerey liorish Edard VII tra haink eh dy valley.
Lurg haghyr jerrey rish y ratçhal dys Ard y Jiass ayns Mee ny Nollick 1911, lesh barriaght Roald Amundsen, chass eh e arrey dys troailtaghey tessen yn Antarctagh voish mooir dys mooir, trooid y phoull. Ren eh aarlaghyn da ny haink dy ve enmyssit Turrys-contoyrtys Impiroil Tessen yn Antarctagh, 1914–1917. Haghyr cragh 'sy turrys-contoyrtys tra haink e lhong, yn Endurance, dy ve soit ayns leac-rio as fy-yerrey hie eh fo'n ushtey ayns Mooir Weddell magh voish coose yn Antarctagh er 21 Sauin 1915. Ren y fwirran scaapail voish y lhong as ren ad campal er y rio marrey derrey hie yn rio er scryssey as, eisht, liorish launshey baataghyn sauçhys dy roshtyn Ellan Elefant as, fy yerrey, Ellan y Çhorshey Yiass, marrinys sterrymoil er 720 meeillaghyn faarkee (1,330 km; 830 mi) y treanid smoo ard-ghooagh lesh Shackleton. Ayns 1921, hie eh er ash dys yn Antarctagh lesh Turrys-contoyrtys Shackleton–Rowett, agh hooar eh baase kyndagh rish teaym chree tra va'n lhong echey moarit 'sy Çhorshey Yiass. Rere aghin e ven heshee, v'eh oanluckit ayn. Va mooirçhooir Endurance feddynit magh beggan ny smoo na keead bleeaney ny s'anmey.[2][3]
Magh voish e hurryssyn-contoyrtys, va Shackleton neufeagh as neuchooilleenit. As eh shirrey bollee happee dys y verçhys, ren eh launshey ventyryn dellal nagh row rahoil, as hooar eh baase lesh mooarane d'eeaghyn. Tra hooar eh baase, chur ny pabyryn naight moylley da agh er y gherrid va e ennym caillt ec ny sleih choud's va ard-ghoo e hrughanagh Scott freillt harrish ny jeihaghtyn hie ny yei. Ny s'anmey 'sy 20oo eash, va Shackleton "aa-gheddynit magh",[4] as haink eh dy ve ny hampleyr da'n leeideiltys fo coryn garroo.[5]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.