Anglo-Yernee

Ta Anglo-Yernagh (Baarle: Anglo-Irish, Yernish: Angla-Éireannach) çheet er possan kynneeagh, sheshoil, as crauee jeh sluight yn Eaghtyrys Protestoonagh ayns Nerin.^[4] Er y chooid smoo, she lesh yn Agglish Anglicaanagh ayns Nerin, agglish y steat ayns Nerin derrey 1871, ny h-Anglo-Yernee, agh va fir jeu nyn olteynyn jeh agglishyn Sostynagh jiooldagh, lheid as yn Agglish Haasilagh, as va fir elley nyn Gatolee. Dy mennick, chur ad yn enmys "Goaldagh", as ny s'anvenkey "Anglo-Yernagh", "Yernagh" ny "Sostynagh", orroo hene.^[5] Haink ram jeu dy ve ard-ennymagh myr reireyderyn 'syn Impiraght Ghoaldagh as myr offishearyn armee as lhuingys caggee er yn oyr dy row Reeriaght Hostyn as y Vretyn Vooar ayns unnaneys firrinagh rish Reeriaght Nerin harrish ny smoo na keead blein roish my jagh ad er n'unnaneysey ry-cheilley myr Reeriaght Unnaneysit y Vretyn Vooar as Nerin ayns 1801.

Anglo-Yernee Anglo-Irish Angla-Éireannaigh
Ta Crosh Pherick ymmydit dy menick myr cowrey ny h-Anglo-Yernee
Earroo yn phobble
c. 600,000
Ardjyn lesh sleih mooar jeu
Nerin Hwoaie 407454[1][2] (Anglicaanee Nerin Hwoaie) (Saasilee Nerin Hwoaie) (Protestoonee elley ayns Nerin Hwoaie) Pobblaght Nerin 177,200[3] (Anglicaanee Yernagh) (Saasilee Yernagh) (Protestoonee elley ayns Nerin)
Çhengaghyn
Baarle stundayrtit, Baarle Yernagh, Yernish, Baarle Albinagh Ultagh
Craueeaght
Anglicaanaght (Rheynnyn Saasilagh, Catoleagh, ny Protestoonagh elley)

Cha nel yn enmys currit da ny Presbyteyree ayns Queiggey Ulley, ta jeh sluight Albinee yn Ghoaltaght as ta enmyssit dy mennick myr Albinee Ulley. Shymmey reartys politickagh t'ec ny h-Anglo-Yernee. Ta fir jeu ny Ashoonaghteyryn Yernagh brunt, agh she Unnaneyseyryny chooid smoo jeu. As, ga dy daink y chooid smoo ass yn eebyrtys Sostynagh ayns Nerin, haink fir elley as lught ooasle Gaelgagh Nerin.^[6]

Imraaghyn

1. "Census 2011: Religion: KS211NI (administrative geographies)". nisra.gov.uk. Feddynit magh er 11 December 2012.
2. "Census 2011: Key Statistics for Northern Ireland" (PDF). nisra.gov.uk. Feddynit magh er 11 Nollick 2012. {{cite web}}: Check date values in: |accessdate= (cooney)
3. "8. Religion" (PDF). An Phríomh-Oifig Staidrimh. Feddynit magh er 30 Jerrey Fouyir 2018.
4. The Anglo-Irish, Fidelma Maguire, Colleish-Ollooscoill Chorkee Er ny hashtey 2 Boaldyn 2006 ec y Wayback Machine
5. The Anglo-Irish, Movements for Political & Social Reform, 1870–1914, Multitext Projects in Irish History, Colleish-Ollooscoill Chorkee Er ny hashtey 2 Boaldyn 2006 ec y Wayback Machine
6. Wolff, Ellen M. (2006). An Anarchy in the Mind and in the Heart: Narrating Anglo-Ireland. Lewisburg: Bucknell University Press. dg. 37. ISBN 0838755569.