![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/6/63/Decet_Romanum_Pontificem.jpg/640px-Decet_Romanum_Pontificem.jpg&w=640&q=50)
Decet Romanum Pontificem
bulley paabagh ren çharbaa Martin Luther veih'n Agglish Chatoleagh / From Wikipedia, the free encyclopedia
She Decet Romanum Pontificem (voish y Ladjyn: "T'eh Cooie da'n Ard-saggyrt Raueagh"; 1521) y bulley paabagh ren çharbaa yn jeeaghteyr Germaanagh Martin Luther voish yn Agglish Chatoleagh; ta'n enmys çheet ass y chied tree focklyn Ladjyn jeh'n teks echey.[1] V'eh currit magh er 3 Jerrey Geuree 1521 liorish Paab Leon X dy chur ayns bree yn çharbaa ren y bulley paabagh ny s'leah Exsurge Domine (1520) baggyrt er-yn-oyr dy yiooldee Luther obbal.[2] Ren Luther lostey e choip jeh Exsurge Domine er 10 Nollick 1520, ec Giat Elster ayns Wittenberg, dy haishbyney e reggyrt.
- She yn bulley ren çharbaa Martin Luther veih'n Agglish Chatoleagh bun-chooish y duillag shoh. My vel anaase ayd ayns y vulley paabagh chur lhiettrimys er oik y vac braarey cardinaalagh, lhaih Romanum decet pontificem.
![Thumb image](http://upload.wikimedia.org/wikipedia/commons/thumb/6/63/Decet_Romanum_Pontificem.jpg/320px-Decet_Romanum_Pontificem.jpg)
Ta daa vulley paabagh scanshoil elley er y chooid sloo lesh yn enmys Decet Romanum Pontificem: fer voish 23 Toshiaght Arree 1596, va currit magh liorish Paab Clement VIII, as fer elley voish 12 Mayrnt 1622, va currit magh liorish Paab Gregoir XV.
Roish jerrey yn 20oo eash, ren Lutheree ayns cohaggloo lesh yn Agglish Chatoleagh aghin e harbaa y scryssey, agh dreggyr yn Whaiyl Phaabagh Raueagh dy nee yn cliaghtey 'syn agglish çharbaaghyn y scryssey vouesyn ta foast bio.
Ayns 2008, dooyrt loayreyder y Vatican, y Yeeseynagh Federico Lombardi, dy row "y fou dy vel y Vatican aarloo Martin Luther, toshiagh yn Aachrooaght Phrotestoonagh voish y 16oo eash, y aalaanaghey gyn bun erbee."[3]