From Wikipedia, the free encyclopedia
સેલિન મેરી ક્લૌડેટ ડીયોન, સીસી ઓક્યૂં, (French pronunciation: [selin djɔ̃] (listen); જન્મ ૩૦ માર્ચ ૧૯૬૮) કેનેડાની એક ગાયીકા, પ્રાસંગિક ગીત લેખક, અભિનેત્રી અને ઉદ્યોગસાહસિક છે. ક્વિબેકના ચાર્લમેગન સ્થિત એક મોટા અને ગરીબ પરિવારમાં જન્મેલી ડીયોન, તેના મેનેજર અને ભાવિ પતિ રેને એન્જીલિલે તેની પ્રથમ રેકોર્ડને ભંડોળ પુરું પાડવા માટે તેનું ઘર ગીરવે મૂક્યા બાદ તે ફ્રેન્ચ ભાષા બોલાતા વિશ્વમાં યુવા કલાકાર તરીકે ઉભરી હતી.[2] 1990માં એન્ગ્લોફોન આલ્બમ યુનિઝન રજૂ કરીને ડીયોને ઉત્તર અમેરિકા અને અંગ્રેજી બોલતા વિશ્વના અન્ય દેશોમાં પોતાની જાતને એક સક્ષમ પોપ ગાયિકા તરીકે રજૂ કરી હતી.[3]
સેલિન ડીયોન Céline Dion | |
---|---|
![]() | |
પાર્શ્વ માહિતી | |
જન્મ નામ | સેલિન મેરી ક્લૌડેટ ડીયોન |
મૂળ | Charlemagne, કેનેડા |
શૈલી | Pop, pop rock |
વ્યવસાયો | ગાયિકા, ગીતકાર, અભિનેત્રી[1] |
વાદ્યો | ગાયક |
સક્રિય વર્ષો | ૧૯૮૦ – વર્તમાન |
રેકોર્ડ લેબલ | Saisons, Super Étoiles, TBS (૧૯૮૧–૧૯૮૬) સોની Music (૧૯૮૬–વર્તમાન) કોલંબિયા (૧૯૯૦–વર્તમાન) Epic (૧૯૯૦–૨૦૦૭) ૫૫૦ (૧૯૯૨–૨૦૦૦) |
વેબસાઇટ | www.celinedion.com |
ડીયોને 1980ના દાયકામાં 1983 યામાહ વર્લ્ડ પોપ્યુલર સોંગ ફેસ્ટિવલ અને 1988 યુરોવિઝન સોન્ગ કોન્ટેસ્ટ જીતીને આંતરરાષ્ટ્રીય સ્તરે ઓળખ પ્રાપ્ત કરી હતી.[4][5] 1980ના દાયકાની શરૂઆતમાં શ્રેણીબદ્ધ ફ્રેન્ચ આલ્બમ રજૂ કર્યા બાદ 1986માં તેણે સીબીએસ (CBS) રેકોર્ડ્સ કેનેડા સાથે કરાર કર્યો હતો. 1990ના દાયકામાં એન્જીલિલની મદદથી એપિક રેકોર્ડ્સ સાથે ગીત ગાઇને તેમજ કેટલાક અંગ્રેજી તેમજ ફ્રેન્ચ આલ્બમ રિલીઝ કરીને પોપ સંગીતના ઇતિહાસના સૌથી સફળ કલાકારો પૈકીની એક કલાકાર બનીને આંતરરાષ્ટ્રીય સ્તરે ખ્યાતી પ્રાપ્ત કરી હતી.[6][7] પરંતુ 1999માં તેની સફળતા જ્યારે ટોચ પર હતી ત્યારે ડીયોને પોતાનું પરિવાર રચવા અને પતિ સામે સમય ગાળવા માટે મનોરંજન ક્ષેત્રમાંથી હંગામી નિવૃત્તિ લેવાની જાહેરાત કરી હતી. ડીયોનના પતિને કેન્સર થયું હોવાનું નિદાન થયું હતું.[7][8] 2002માં તે પોપ સંગીતની ટોચ પર પાછી ફરી હતી અને લાસ વેગાસના કેસાર્સ પેલેસ ખાતેના કોલોસિયમ ખાતે એક ફાઇવસ્ટાર થિયેટ્રિકલ શોમાં રાત્રી કાર્યક્રમમાં તેની કળા રજૂ કરવા ત્રણ વર્ષનો કરાર કર્યો હતો. (જે બાદમાં લંબાવીને પાંચ વર્ષનો કરવામાં આવ્યો હતો)[9][10][11]
ડીયોનના સંગીતમાં વિવિધ પ્રકારના સંગીતનો પ્રભાવ જોવા મળે છે જેમાં રોક અને આર એન્ડ બીથી માંડીને ગોસ્પેલથી ક્લાસિકલ સુધીનો સમાવેશ થાય છે. તેના આલ્બમોને અવારનવાર મિશ્ર પ્રતિસાદ મળે છે પરંતુ તે તેની ટેકનિકલ કુશળતા શક્તિશાળી કંઠ્ય ગીત (વોકલ્સ) માટે જાણીતી છે.[12][13][14] ડીયોન ઓલ ટાઇમ બેસ્ટ સેલિંગ કેનેડિયન કલાકાર છે[15][16] અને તેનું આલ્બમ ડીયુક્સ (D'eux) ઓલ ટાઇમ બેસ્ટ સેલિંગ ફ્રેન્ચ આલ્બમ છે.[17] 2004માં વિશ્વભરમાં તેના 17.5 કરોડ આલ્બમનું વેચાણ નોંધાવ્યા બાદ ઓલ ટાઇમ બેસ્ટ સેલિંગ ફિમેલ આર્ટિસ્ટ બનવા બદલ તેને વર્લ્ડ મ્યુઝિક એવોર્ડ્સ ખાતે ચોપાર્ડ ડાયમન્ડ એવોર્ડ એનાયત કરવામાં આવ્યો હતો.[18][19] સોની મ્યુઝિકના જણાવ્યા મુજબ દુનિયાભરમાં ડીયોનના 20 કરોડ આલ્બમ વેચાયા છે.[20][21]
ફ્રેન્ચ કેનેડીયન માતાપિતા અધેમર ડીયોન અને ધેરીઝ ટન્ગોના ચૌદ બાળકોમાં સૌથી નાની ડીયોનનો રોમન કેથોલિક તરીકે એક અત્યંત ગરીબ પરંતુ તેના કહેવા પ્રમાણે કેનેડાના ક્વિબેકમાં આવેલા ચાર્લીમેગ્નેમાં એક ખુશ ઘરમાં જન્મ થયો હતો.[7][22] સંગીત હંમેશા તેના પરિવારનો એક ભાગ રહ્યો છે. (તેનું ડીયોન નામ તેના જન્મના બે વર્ષ પહેલા ફ્રેન્ચ ગાયક હ્યુગસ ઓફ્રે દ્વારા રેકોર્ડ કરવામાં આવેલા ગીત સેલિન પરથી રાખવામાં આવ્યું હતું.[23]) તે તેના પિતાના Le Vieux Bari નામના નાના પિયાનો બારમાં તેના ભાઈ બહેનો સાથે ગીતો ગાઇને મોટી થઇ હતી. નાની ઉંમરથી જ ડીયોનને પર્ફોર્મર (કલાકાર) બનવાનું સ્વપ્ન હતું.[12] પીપલ મેગેઝીન સાથેની એક મુલાકાતમાં 1994માં તેણે કહ્યું હતું કે, "મને મારા પરિવાર અને ઘરની યાદ આવે છે પરંતુ મને મારી કિશોરાવસ્થા ગુમાવવાનો કોઇ અફસોસ નથી. મારું એક સ્વપ્ન હતુઃ હું એક ગાયીકા બનવા માંગતી હતી."[24]
બાર વર્ષની ઉંમરે તેણે તેનું પ્રથમ ગીત "Ce n'était qu'un rêve" (ઇટ વોઝ ઓન્લી અ ડ્રીમ) કમ્પોઝ કરવા તેની માતા અને ભાઈ જેક્સ સાથે કામગીરી કરી હતી.[22] તેના ભાઈ માઇકલ ડોન્ડાલિન્ગર ડીયોને તે રેકોર્ડિંગ મ્યુઝિક મેનેજર રેને એન્જીલીલને મોકલ્યું હતું. માઇકલને એન્જીલીલનું નામ ગિનેટ રેનો આલ્બમમાંથી મળ્યું હતું.[25] એન્જીલીલ ડીયોનનો અવાજ સાંભળીને રડી પડ્યો હતો અને તેને એક સ્ટાર બનાવવાનું નક્કી કર્યું હતું.[22] 1981માં તેણે ડીયોનની પ્રથમ રેકોર્ડ La voix du bon Dieu (ધ વોઇસ ઓફ ધ ગૂડ ગોડ)ને ધિરાણ પુરું પાડવા તેનું ઘર ગિરવે મૂક્યું હતું. આ રેકોર્ડ બાદમાં સ્થાનિક નંબર વન હિટ બન્યું હતું અને ડીયોનને ક્વિબેકમાં એક સ્ટાર બનાવી હતી. તેની પ્રતિષ્ઠા વિશ્વના અન્ય ભાગમાં પણ ત્યારે ફેલાઇ કે જ્યારે 1982માં જાપાનમાં ટોક્યો ખાતે યોજાયેલા યામાહા વર્લ્ડ પોપ્યુલર સોન્ગ ફેસ્ટિવલમાં તેણે ભાગ લીધો હતો અને સંગીતકાર માટે ટોપ પર્ફોર્મરનો અને "Tellement j'ai d'amour pour toi" (આઇ હેવ સો મચ લવ ફોર યુ)માટે બેસ્ટ સોંગ માટે સુવર્ણ ચંદ્રક જીત્યો હતો.[25]
1983 સુધીમાં ફ્રાન્સમાં સિંગલ "D'amour ou d'amitié" (ઓફ લવ ઓર ઓફ ફ્રેન્ડશીપ) માટે ગોલ્ડ રેકોર્ડ મેળવનાર પ્રથમ કેનેડિયન કલાકાર બનવા ઉપરાંત ડીયોને કેટલાક ફેલિક્સ એવોર્ડ, બેસ્ટ ફિમેલ પર્ફોર્મર અને ડિસ્કવરી ઓફ ધ યર એવોર્ડ જીત્યા હતા.[25][26] યુરોપ, એશિયા અને ઓસ્ટ્રેલિયામાં વધુ સફળતા ત્યારે મળી કે જ્યારે ડીયોને Ne partez pas sans moi (ડોન્ટ ગો વિધાઉટ મી ) ગીત સાથે 1988 યુરોવિઝન સોન્ગ કન્ટેસ્ટમાં સ્વિત્ઝર્લેન્ડનું પ્રતિનિધિત્વ કર્યું હતું અને ડબ્લિન, આયર્લેન્ડમાં ખુબ જ ઓછી સરસાઇથી તે સ્પર્ધા જીતી હતી.[27] જો કે અમેરિકન સફળતાને હજુ વાર હતી કારણકે તે પૂર્ણ પણે એક ફ્રેન્કોફોન કલાકાર હતી.[28] 18 વર્ષની ઉંમર બાદ માઇકલ જેક્સનનું પર્ફોર્મન્સ જોયા બાદ ડીયોને એન્જીલીલને જણાવ્યું હતું કે તે જેક્સન જેવી સ્ટાર બનવા ઇચ્છે છે.[29] ડીયોનની કળામાં વિશ્વાસ હોવા છતાં એન્જીલીલને લાગ્યું કે ડીયોનને વૈશ્વિક સ્તરે રજૂ કરવા માટે તેની છબીમાં સુધારો કરવાની જરૂર છે.[22] ડીયોન કેટલાક મહિનાઓ સુધી કાર્યક્રમોથી દૂર રહી. આ સમયગાળા દરમિયાન તેણે તેનો દેખાવ સુધારવા માટે દાંતની સર્જરી કરાવી અને તેની અંગ્રેજી ભાષા સુધારવા માટે 1989માં તેને ઇકોલ બર્લિટ્ઝ મોકલવામાં આવી.[3]
અંગ્રેજી ભાષા શીખ્યાના બે વર્ષ બાદ ડિયોને મૂળ લૌરા બ્રેનિજન સાથે રેકોર્ડ કરેલા આલ્બમ યુનિઝન (1990) સાથે એંગ્લોફોન માર્કેટમાં પ્રવેશ કર્યો હતો.[25] તેણે વિટો લ્યુપ્રાનો અને કેનેડિયન નિર્માતા ડેવિડ ફોસ્ટર સહિત ઘણા પ્રતિષ્ઠિત સંગીતકારોની મદદ લીધી હતી.[12] આ આલ્બમમાં 1980ના દાયકાના સોફ્ટ રોક સંગીતનો પ્રભાવ જોવા મળતો હતો જેણે ખુબ જ ઝડપથી પુખ્ત સમકાલિન રેડિયો ફોર્મેટમાં તેનું અલાયદુ સ્થાન બનાવ્યું હતું. યુનિઝન ની ટીકા પણ થઇ હતી. એન્ટરટેનમેન્ટ વિકલી ના જિમ ફેબરે લખ્યું હતું કે ડીયોનના ગીતો શણગાર વગરના હતા અને તેણે તેની ક્ષમતા બહારની સ્ટાઇલ બહાર લાવવાનો ક્યારેય પ્રયાસ કર્યો નથી.[30] ઓલમ્યુઝિક ના સ્ટિફન અર્લવિને તેને "ઉમદા, સુસંસ્કૃત અમેરિકન પ્રવેશ" જાહેર કર્યો હતો.[31] તેના સિંગલ્સવાળા આલ્બમમાં "(ઇફ ધેર વોઝ) એની અધર વે"((If There Was) Any Other Way), "ધ લાસ્ટ ટુ નો"(The Last to Know), "યુનિઝન" (Unison) અને "વ્હેર ડઝ માય હાર્ટ બીટ નાવ" (Where Does My Heart Beat Now)નો સમાવેશ થાય છે. તેના સિંગલ્સ મિડટેમ્પો સોફ્ટરોક બલ્લાડ હતા જેમાં ઇલેક્ટ્રિક ગિટારનો નોંધપાત્ર ઉપયોગ કરવામાં આવ્યો હતો. તેનું સિંગલ યુએસ બિલબોર્ડ હોટ 100ના ટોપ 10માં પહોંચ્યું હતું.તે ચોથા ક્રમે આવ્યું હતું. આ આલ્બમે ડીયોનને અમેરિકા તેમજ સમગ્ર ખંડીય યુરોપ અને એશિયામાં એક ઉભરતી કલાકાર તરીકે સ્થાપિત કરી હતી. યુનિઝન ના સમર્થનમાં સેલિન ડીયોને પ્રવાસ શરૂ કર્યો હતો. આ જ પ્રવાસમાં એક કોન્સર્ટ દરમિયાન તેના ગળાને ઇજા થઇ હતી. તેણે લ્યુસિયાનો પવરોટ્ટી, ફ્રાન્ક સિનાટ્રા જેવા અન્ય ગાયકો અને રાષ્ટ્રપ્રમુખ જોહન કેનેડીના ઓઆરએલ એવા વિલિયમ ગૌડની સારવાર લીધી હતી.[32] તેમણે ડીયોનને આખરીનામુ આપ્યું હતું કે તે તેના સ્વરતંતુઓની સર્જરી કરાવે અથવા ત્રણ સપ્તાહ સુધી તેનો સહેજ પણ ઉપયોગ ના કરે.[32] ડીયોને સ્વરતંતુઓનો ઉપયોગ નહીં કરવાનો વિકલ્પ પસંદ કર્યો હતો તેના સ્વરતંતુઓને સંપૂર્ણપણે તંદુરસ્ત કરવા વિલિયમ રિલે પાસે દરરોજ સારવાર લીધી હતી.
1991માં ડીયોન ઓપરેશન ડેઝર્ટ સ્ટોર્મમાં લડતા અમેરિકાના લશ્કરને અંજલી આપતા ગીત વોઇસ ધેટ કેર માં સોલોઇસ્ટ હતી. તેણે ડીઝનીની એનિમેટેડ ફિલ્મ બ્યુટી એન્ડ બીસ્ટ (Beauty and the Beast)ના ટાઇટલ ટ્રેક માટે પીબો બ્રાયસન સાથે યુગલગીત ગાયુ ત્યારે તેને વાસ્તવિક આંતરરાષ્ટ્રીય સફળતા ત્યારે મળી હતી.[4] આ ગીતે એક સંગીત શૈલી ઝીલી હતી કે જેનો ડીયોન ભવિષ્યમાં ઉપયોગ કરવાની હતી. તે હતું વ્યાપક, હળવા વાદ્યસંગીત સાથે ક્લાસિકલ બલાડ. ટીકા અને વેપારની દ્રષ્ટિએ સફળ બનેલું આ ગીત તેનું બીજું યુએસ ટોપ ટેન સિંગલ બન્યું હતું અને શ્રેષ્ઠ ગીત માટે એકેડેમી એવોર્ડ અને જોડીમાં અથવા જૂથમાં વોકલ સાથે શ્રેષ્ઠ પોપ પર્ફોર્મન્સ રજૂ કરવા માટે ગ્રેમી એવોર્ડ જીત્યો હતો. બ્યુટી એન્ડ બીસ્ટને ડીયોનના 1992 સેલ્ફ-ટાઇટલ્ડ આલ્બમ પર ફિલ્મામવામાં આવ્યું હતું જે તેના પ્રથમ પ્રયાસ જેવો મજબૂત રોક પ્રભાવ ધરાવતું હતું તેમાં આત્મા અને ક્લાસિકલ સંગીતના તત્વો હતા. લીડઓફ સિંગલની સફળતા અને તેના ફોસ્ટર અને ડિયાન વોરેન સાથે જોડાણને કારણે આ આલ્બમને યુનિઝન જેટલી જ સ્વીકૃતિ મળી હતી. મધ્યમ સફળતા મેળવનારા તેના અન્ય સિંગલ્સમાં ‘‘ઇફ યુ અસ્ક્ડ મી ટુ’’(If You Asked Me To), ‘‘લવ કેન મૂવ માઉન્ટેઇન્સ’’ (Love Can Move Mountains) અને ‘‘નથિંગ બ્રોકન બટ માય હાર્ટ’’ (Nothing Broken But My Heart)નો સમાવેશ થાય છે. ‘‘ઇફ યુ આસ્ક્ડ મી ટુ’’ (1989ની ફિલ્મ લાઇસન્સ ટુ કિલ માંનું પટ્ટી લાબેલેનું કવર સોંગ) યુએસ બિલબોર્ડ હોટ 100માં ચોથા ક્રમે આવ્યું હતું.
ડીયોનના અગાઉના આલ્બની જેમ આ આલ્બમમાં પણ પ્રેમનો ઓવરટોન હતો. ડીયોને આ સમયગાળામાં જ 1991માં ફ્રેન્કોફોન આલ્બમ Dion chante Plamondon રિલીઝકર્યું હતું. આ આલ્બમમાં મોટે ભાગે કવર્સ જ હતા પરંતુ તેમાં ચાર નવા ગીતોનો પણ સમાવેશ કરવામાં આવ્યો હતો જેમાં "Des mots qui sonnent," "Je danse dans ma tête," "Quelqu'un que j'aime, quelqu'un qui m'aime" અને "L'amour existe encore"નો સમાવેશ થાય છે. આ આલ્બમ મૂળ 1991-1992 દરમિયાન કેનેડા અને ફ્રાન્સમાં રિલીઝ કરવામાં આવ્યું હતું. બાદમાં તેને આંતરરાષ્ટ્રીય સ્તરે 1994માં રિલીઝ કરવામાં આવ્યું હતું. સેલિન ડીયોનનું સૌપ્રથમ ફ્રેન્ચ આલ્બમ આંતરરાષ્ટ્રીય સ્તરે રિલીઝ કરવામાં આવ્યું હતું. તેનું "Un garçon pas comme les autres (Ziggy)"આલ્બમ ફ્રાન્સમાં સુપરહીટ નિવડ્યું હતું અને બીજા ક્રમે પહોંચ્યું હતું તેમજ ગોલ્ડ સર્ટિફિકેટ મેળવ્યું હતું. ક્વિબેકમાં તો આલ્બમ રિલીઝ થયું તે દિવસે જ તેને ગોલ્ડ સર્ટિફિકેટ આપવામાં આવ્યું હતું. અત્યાર સુધીમાં Dion chante Plamondon ની 15 લાખ રોકોર્ડ્સ વેચાઇ ગઇ છે.
1992 સુધીમાં યુનિઝન , સેલિન ડીયોન અને મિડીયામાં કાર્યક્રમે ડીયોનને ઉત્તર અમેરિકામાં સુપરસ્ટાર બનાવી દીધી હતી. તેણે તેના મુખ્ય ઉદેશોમાંનો એક એંગ્લોફોન માર્કેટમાં પોતાની જગ્યા બનાવવી અને કિર્તિ મેળવવાનો ઉદેશ હાંસલ કરી લીધો હતો. જો કે જ્યારે તે અમેરિકામાં સફળતામાં વધારો અનુભવી રહી હતી ત્યારે કેનેડામાં તેના ફ્રેન્ચ ચાહકો તેમની ઉપેક્ષા કરવા બદલ ડીયોનની ટીકા કરી રહ્યાં હતા.[12][33] બાદમાં તેણે ફેલિક્સ એવોર્ડ શોમાં તેના ચાહકોનો વિશ્વાસ જીત્યો હતો. અહીં તેણે ‘‘ઈંગ્લિશ આર્ટિસ્ટ ઓફ ધ યર’’ એવોર્ડ જીત્યા બાદ આ એવોર્ડ સ્વીકારવાનો તેણે જાહેરમાં ઇનકાર કર્યો હતો અને ભારપૂર્વક જણાવ્યું હતું કે તે અંગ્રેજી નહીં પરંતુ એક ફ્રેન્ચ કલાકાર હતી અને હંમેશા ફ્રેન્ચ કલાકાર જ રહેશે.[3][34] વેપારી સફળતા ઉપરાંત ડીયોનના વ્યક્તિ જીવનમાં પણ પરિવર્તન આવી રહ્યું હતું કારણકે તેનાથી છવ્વીસ વર્ષ મોટો એન્જીલીલ તેના મેનેજરમાંથી તેનો પ્રેમી બની રહ્યો હતો. પંરતુ તેમણે આ સંબંધને ગુપ્ત જ રાખ્યો હતો કારણકે તેમને ભય હતો કે લોકો તેમના આ સંબંધને અયોગ્ય ગણાવશે.[35]
1993માં ડીયોને તેના ત્રીજા એંગ્લોફોન આલ્બમ ધ કલર ઓફ માય લવ ના એક સમર્પિત વિભાગમાં એન્જીલીલને તેના પ્રેમનો રંગ જાહેર કરીને એન્જીલીલ પ્રત્યેની તેની લાગણી જાહેર કરી હતી. ડીયોનને તેમના સંબંધોની ટીકા થવાનો ડર હતો તેનાથી વિપરિત તેના ચાહકોએ આ યુગલને સ્વીકારી લીધું.[12] બાદમાં, એન્જીલીલ અને ડીયોને ડિસેમ્બર 1994માં એક ભવ્ય સમારોહમાં લગ્ન કર્યા હતા જેનું કેનેડીયન ટેલિવિઝન પર જીવંત પ્રસારણ કરવામાં આવ્યું હતું.
તે તેના મેનેજરને સમર્પિત હતી માટે તેના આલ્બમની થીમ પ્રેમ અને રોમાન્સ પર રહી હતી.[36] તે રેકોર્ડ તેની અત્યાર સુધીની રેકોર્ડમાં સુથી સફળ રહી હતી અને અમેરિકામાં 60 લાખથી વધુ, કેનેડામાં 20 લાખ રેકોર્ડનું વેચાણ થયું હતું અને અનેક દેશોમાં તે નંબર વન બની હતી. આ આલ્બમ "The Power of Love" (તે જેનિફર રશની 1985ની હિટનું રિમેક હતું)અમેરિકા, કેનેડા અને ઓસ્ટ્રેલિયામાં ડીયોનનું સૌપ્રથમ નંબર-વન સિંગલ બન્યું હતું. તે 1990માં તેની કારકીર્દિની નવી ટોચે પહોંચી ત્યાં સુધી આ આલ્બમ તેનું સિગ્નેચર હિટ હતું.[28] સિંગલ "વ્હેન આ ફોલ ઇન લવ", અને ક્લાઇવ ગ્રિફીન સાથેના યુગલ ગીતે અમેરિકા અને કેનેડામાં ઠીક ઠીક સફળતા હાંસલ કરી હતી અને તે બે ગ્રેમી એવોર્ડમાં નામાંકિત થયા હતા અને એક ગ્રેમી એવોર્ડ જીત્યો હતો. ધ કલર ઓફ માય લવ પણ યુરોપમાં ડીયોનની પ્રથમ મોટું હીટ હતું તેમાં પણ ખાસ કરીને યુનાઇટેડ કિંગડમમાં તે ખુબ જ લોકપ્રિય બન્યું હતું. થિન્ક ટ્વાઇસ આલ્મબ અને સિંગલ બંનેએ સતત પાંચ સપ્તાહ સુધી બ્રિટીશ ચાર્ટમાં ટોચનું સ્થાન હાંસલ કર્યું હતું. થિન્ક ટ્વાઇસ સાત સપ્તાહ સુધી નંબર વનના ક્રમે રહ્યું હતું. તે યુકેમાં મહિલા કલાકાર દ્વારા દસ લાખ જેટલી કોપી વેચનાર ચોથું સિંગલ બન્યું હતું.[37] આ આલ્બમને વીસ લાખ કોપી વેચવા પર પાંચ વખત પ્લેટિનમ સર્ટિફિકેટ પણ મળ્યું હતું.[38]
ડીયોને તેનું ફ્રેન્ચ મૂળ જાળવી રાખ્યું હતું અને પ્રત્યેક અંગ્રેજી રેકોર્ડની વચ્ચે ઘણા ફ્રેન્કોફોન રેકોર્ડિંગ રિલીઝ કરવાનું ચાલું રાખ્યું હતું.[39] સામાન્ય રીતે તે તેના અંગ્લોફોન કામ કરતા વધુ વિશ્વસનીયતા હાંસલ કરતા હતા. તેણે À l'Olympia રિલીઝ કર્યું હતું જે 1994માં પેરિસમાં ઓલિમ્પિયા થિયેટર ખાતે યોજાયેલી ડીયોનની એક કોન્સર્ટ દરમિયાન રેકોર્ડ થયું હતું. તેણે એક પ્રમોશનલ સિંગલ ગાયું હતું જે "કોલિંગ યુ"નું લાઇવ વર્ઝન હતું. તેણે ફ્રેન્ચ સિંગલ્સ ચાર્ટમાં 75મું સ્થાન હાંસલ કર્યું હતું. D'eux (જે અમેરિકામાં ફ્રેન્ચ આલ્બમ તરીકે પણ ઓળખાય છે) 1995માં રિલીઝ થયું હતું અને તે ફ્રેન્ચ ભાષાનું ઓલ ટાઇમ બેસ્ટ સેલિંગ આલ્બમ બન્યું હતું.[39] આ આલ્બમ જીન-જેકીસ ગોલ્ડમેનએ લખ્યું અને પ્રોડ્યુસ કર્યું હતું અને "Pour que tu m'aimes encore" અને "Je sais pas" સિંગલ સાથે જંગી સફળતા મેળવી હતી. "Pour que tu m'aimes encore" ફ્રાન્સમાં નંબર વનની પોઝીશન પર પહોંચી ગયું હતું અને તે બાર સપ્તાહ સુધી ટોપ પર રહ્યું હતું. ફ્રાન્સમાં તેને બાદમાં પ્લેટિનમ સર્ટિફિકેટ આપવામાં આવ્યું હતું.[40] આ સિંગલ યુકે અને આયર્લેન્ડમાં પણ ટોપ ટેનમાં પહોંચી ગયું હતું જે ફ્રેન્ચ ગીત માટે ભાગ્યે જ બને છે. તેનું બીજું સિંગલ ઓફ આલ્બમ "Je sais pas" ફ્રાન્સમાં ફ્રેન્ચ સિંગલ્સ ચાર્ટમાં નંબર વન બન્યું હતું અને સિલ્વર સર્ટિફિકેટ પણ મળ્યું હતું.[41] આ ગીતો બાદમાં ડીયોનના અંગ્રેજી આલ્બમ ફોલિંગ ઇનટુ યુ માં "ઇફ ધેટ્સ વોટ ઇટ ટેક્સ " અને "આઇ ડોન્ટ નો" બન્યા હતા.
1990ના દાયકામાં ડીયોનના આલ્બમ મેલોડ્રામેટિક બલ્લાડ્સ પર બનવાનું ચાલું રહ્યું હતું પરંતુ તેમાં ટેમ્પો-પોપ અને એડલ્ટ કન્ટેમ્પરરી થીમ આધારિત સંગીત પણ હતું[42] તેણે જીમ સ્ટીનમેન અને ડેવિડ ફોસ્ટર જેવા પ્રતિભાશાળી કલાકારો સાથે પણ ગાયું હતું. આ કલાકારોએ ડીયોનને વધુ સારા એડલ્ટ કન્ટેમ્પરરી ગીત ગાવામાં મદદ કરી હતી.[43][44]. ટીકાકારો મિશ્ર પ્રતિભાવ ધરાવતા હતા ત્યારે ડીયોનના રિલીઝે આંતરરાષ્ટ્રીય યાદીમાં ટોચ પર રહેવાનું ચાલું રાખ્યું હતું. 1996માં તેણે વર્લ્ડ્સ બેસ્ટ સેલિંગ કેનેડિયન રેકોર્ડિંગ આર્ટિસ્ટ ઓફ ધ યર માટે ત્રીજી વખત વર્લ્ડ મ્યુઝિક એવોર્ડ જીત્યો હતો. 1990 સુધીમાં તેણે તેની જાતને વિશ્વની સૌથી વધુ વેચાતી કલાકાર તરીકે સ્થાપિત કરી દીધી હતી.[45]
ડીયોનનું ચોથું એંગ્લોફોન આલ્બમ ફોલિંગ ઇનટુ યુ (1996), તેને લોકપ્રિયતાની શિખરે લઇ ગયું હતું તેના સંગીતમાં વધુ વિકાસ દર્શાવ્યો હતો.[35] વધુ શ્રોતા મેળવવાના પ્રયાસના ભાગ રૂપે આ આલ્બમમાં ઘણી બાબતોને સમાવવામાં આવી હતી જેમ કે જટીલ સમૂહગાન અવાજ, આફ્રિકાન ચાન્ટિંગ અને મ્યુઝિક ઇફેક્ટ્સ વધુમાં વાયોલિન, સ્પેનિશ ગીટાર, ટ્રોમ્બોન, કેવેક્વિન્હો અનેસેક્સોફોને એક નવો સાઉન્ડ ઉભો કર્યો હતો.[46] આ સિંગલમાં વિવિધ પ્રકારની સંગીત શૈલીનો સમન્વય કરાયો હતો. ટાઇટલ ટ્રેક"ફોલિંગ ઇનટુ યુ" અને "રિવર ડીપ, માઉન્ટેઇન હાઇ" ( ટીના ટર્નર કવર)માં પરક્યુઝન ઇન્સ્ટ્રુમેન્ટનો વ્યાપક ઉપયોગ કરાયો હતો.; "ઇટ્સ ઓલ કમિંગ બેક ટુ મી નાવ" (જીમ સ્ટીનમેનના ગીતનું રિમેક) અને એરિક કારમેન'ના "ઓલ બાય માયસેલ્ફ"ના રિમેકે તેમના સોફ્ટ-રોક વાતાવરણને જાળવી રાખ્યું હતું પરંતુ તેને પિયાનોના ક્લાસિકલ સાઉન્ડ સાથે સાંકળવામાં આવ્યું હતું. ; અને નંબર વન સિંગલ"બિકોઝ યુ લવ્ડ મી", જે ડીયાન વોરેન દ્વારા લખાયું હતું, તે એક બલ્લાડ હતું જેણે 1996 ફિલ્મ અપ ક્લોઝ એન્ડ પર્સનલ ને થીમ પુરી પાડી હતી.[45]
ફોલિંગ ઇનટુ યુ એ ડીયોન માટે કારકીર્દિના શ્રેષ્ઠ પ્રતિભાવ મેળવ્યા હતા. ડાન લેરોએ લખ્યું હતું કે તે તેના અગાઉના કામથી અલગ ન હતું [47]અને ન્યૂ યોર્ક ટાઇમ્સ ના સ્ટિફન હોલ્ડન અને લોસ એન્જીલસ ટાઇમ્સ ના નેટેલી નિકોલસે લખ્યું હતું કે આલ્બમ પરંપરાગત હતું.[48][49] એન્ટરટેનમેન્ટ વીકલી ના ચક એડી, એએમજી ના સ્ટિફન થોમસ અર્લીવાઇન અને ડેનીયલ ડર્કોલ્ઝે આલ્બમના વખાણ કર્યા હતા.[46][50] ફોલિંગ ઇનટુ યુ વેપારી દ્રષ્ટિએ ડીયોનનું સૌથી સફળ આલ્બમ રહ્યું હતું: તે ઘણા દેશોની યાદમાં ટોચ પર રહ્યું હતું અને ઓલ ટાઇમ બેસ્ટ સેલિંગ આલ્બમમાંનું એક રહ્યું હતું.[51] અમેરિકામાં આલ્બમ નંબર વન પર પહોંચ્યું હતું અને બાદમાં 1.1 કરોડ કોપીની નિકાસ બાદ તેને 11x પ્લેટિનમ સર્ટિફિકેટ આપવામાં આવ્યું હતું.[52] કેનેડામાં આ આલ્બમને દસ લાખથી વધુ કોપીના વેચાણ બદલ ડાયમન્ડ સર્ટિફિકેટ આપવામાં આવ્યું હતું.[53] IFPIએ ફોલિંગ ઇનટુ યુ ને 9x પ્લેટિનમ સર્ટિફિકેટ આપ્યું હતું. ઇતિહાસમાં આવું સન્માન અન્ય માત્ર બે આલ્બમને જ આપવામાં આવ્યું છે. બેમાંથી એક ડીયોનનું પોતાનું આલ્બમ , લેટ્સ ટોક એબાઉટ લવ હતું[54] આ આલ્બમે બેસ્ટ પોપ આલ્બમ માટે ગ્રેમી એવોર્ડ અને એકેડેમીના સર્વોચ્ચ સન્માન આલ્બમ ઓફ ધ યર પણ જીત્યો છે. ડીયોનનું વૈશ્વિક મંચ પર સ્થાન ત્યારે વધુ મજબૂત થયું હતું કે જ્યારે તેને 1996 એટલાન્ટા ઓલિમ્પિક ગેમ્સના ઉદઘાટન સમારોહ માટે ધ પાવર ઓફ ધ ડ્રીમ ગાવવાનું કહેવામાં આવ્યું હતું.[55] માર્ચ 1996માં ડીયોને તેના નવા આલ્બમના ટેકા માટે ફોલિંગ ઇનટુ યુ ટૂર શરૂ કરી હતી અને એક વર્ષ સુધી દુનિયાના વિવિધ ભાગમાં કોન્સર્ટ આપી હતી.
ડીયોને ફોલિંગ ઇનટુ યુ બાદ લેટ્સ ટોક એબાઉટ લવ (1997) રજૂ કર્યું હતું જે તેને સિક્વલ તરીકે રજૂ કરાયું હતું.[56] તેની રેકોર્ડિંગ પ્રક્રિયા લંડન, ન્યૂ યોર્ક શહેર, અને લોસ એન્જીલસમાં હાથ ધરાઇ હતી અને તેમાં "ટેલ હિમ" પર બાર્બરા સ્ટ્રીસેન્ડ; "ઇમોર્ટાલિટી" પર બી ગીસ; અને "આઇ હેટ યુ ધેન આઇ લવ યુ" પર વિશ્વ વિખ્યાત ટેનર લ્યુસિયાનો પવરોટ્ટી જેવા અનેક વિશેષ મહેમાન દર્શાવવામાં આવ્યા હતા.[35][57] સંગીતકારોમાં કેરોલ કિંગ, સર જ્યોર્જ માર્ટિન અને જમૈકન ગાયક ડીયાના કિંગ, કે જેણે "ટ્રીટ હર લાઇક એ લેડી" માં રેગે ઉમેર્યું હતુંનો સમાવેશ થાય છે .[58] વિવેચક સ્ટિફન અર્લીવીને લખ્યું હતું કે, " ઘણા પ્રતિભાશાળી કલાકારોએ લેટ્સ ટોક એબાઉટ લવ પર કામ કર્યું હતું તે જોતા એડલ્ટ કન્ટેમ્પરરીની દ્રષ્ટિએ કટની સંખ્યા સંફળ થઇ છે, — તે ડીયોનના ગતિશિલ અને ટેકનીકલ દ્રષ્ટિએ કુશળ અવાજનો પુરાવો આપે છે. હંમેશની જેમ, સિંગલ્સ [...] તેજસ્વી રીતે ચમક્યા હતા તેનું ફિલર પણ ઝીણવટભરી રીતે તૈયાર કરવામાં આવ્યું હતું."[56] ફોલિંગ ઇનટુ યુ , લેટ્સ ટોક એબાઉટ લવ ડીયોન માટે મોટી સફળતા હતા, તે સમગ્ર વિશ્વમાં નંબર વન બન્ય હતા અને ચોવીસ સેલ્સ ટેરિટરીમાં પ્લેટિનમ દરજ્જો મેળવ્યો હતો. તે ડીયોનની કારકીર્દિનું સૌથી ઝડપથી વેચાતું આલ્બમ બન્યું હતું.[59] અમેરિકામાં આ આલ્બમ તેના રિલીઝના સાતમાં સપ્તાહમાં ચાર્ટમાં ટોચ પર રહ્યું હતું અને બાદમાં એક કરોડ કોપીના વેચાણ માટે અમેરિકામાં 10x પ્લેટિનમ સર્ટિફિકેટ આપવામાં આવ્યું હતું.[60] કેનેડામાં આ આલ્બમ રિલીઝ થયું તેના એક સપ્તાહની અંદર તેની 2,30,212 કોપી વેચાઇ ગઇ હતી જે આજે પણ એક વિક્રમ છે.[61] દસ લાખ કોપીના વેચાણ બદલ તેને ડાયમન્ડ સર્ટિફિકેટ પણ આપવામાં આવ્યું હતું.[62][63] આલ્બમનું બલ્લાડનો ક્લાસિકલ પ્રભાવ ધરાવતું સિંગલ "માય હાર્ટ વિલ ગો ઓન" સૌથી વધુ સફળ રહ્યું હતું. જેનું લેખન અને કમ્પોઝિશન જેમ્સ હોર્નર અને વિલ જેનિંગ્સે કર્યું હતું અને નિર્માણ હોર્નર અને વોલ્ટર અફાનાસીફએ કર્યું હતું.[64] 1997ની બ્લોકબસ્ટર ફિલમ ટાઇટાનિક ને લવ થીમ પુરી પાડતા આ ગીતે સમગ્ર દુનિયાના ચાર્ટમાં ટોચનું સ્થાન હાંસલ કર્યું હતું અને ડીયોનનું ઓળખ ગીત બન્યું હતું;[65] તેમજ બેસ્ટ ઓરિજિનલ સોંગ માટે એકેડેમી એવોર્ડ અને ગોલ્ડન ગ્લોબ જીત્યા હતા.[66] આ ગીતે ડીયોનને "બેસ્ટ ફિમેલ પોપ વોકલ પર્ફોર્મન્સ" અને "રેકોર્ડ ઓફ ધ યર" માટે બે ગ્રેમી એવોર્ડ અપાવ્યા હતા. (આ ગીતે જાતે ચાર એવોર્ડ જીત્યા હતા, પરંતુ બે એવોર્ડ ગીતલેખકને અપાયા હતા).[67] "માય હાર્ટ વીલ ગો ઓન" અને "થિન્ક ટ્વાઇસ"એ ડીયોનને યુકેમાં દસ લાખથી વધુ કોપી વેચનારા બે સિંગલ્સ ગાનાર એક માત્ર મહિલા કલાકાર બનાવી હતી.[68] તેના આલ્બમના ટેકમાં ડીયોને 1998 અને 1999ની વચ્ચે લેટ્સ ટોક એબાઉટ લવ ટુર શરૂ કરી હતી.[69]
ડીયોને 1990નો દાયકો વધુ ત્રણ સૌથી સફળ આલ્બમો સાથે પૂરો કર્યો હતો જેમાં ક્રિસમસ આલ્બમ ધીઝ આર સ્પેશિયલ ટાઇમ્સ (1998), ફ્રેન્ચ ભાષામાં આલ્બમ, S'il suffisait d'aimer , અને કમ્પાઇલેશન આલ્બમ ઓલ ધ વે... એ ડિકેડ ઓફ સોંગ (1999)નો સમાવેશ થાય છે.[70] ધીજ આર સ્પેશિયલ ટાઇમ્સ , પર ડીયોન લેખન પ્રકૃતિમાં વધુ સંકળાઇ હતી. તેણે રિક વેક અને પિટર ઝિઝો સાથે ડોન્ટ સેવ ઇટ ઓલ ફોર ક્રિસમસ ડે ગાયું હતું. આ આલ્બલ ક્લાસિકલ પ્રભાવ ધરાવતું હતું તેમ છતાં તેના દરેક ગીતમાં ઓર્કેસ્ટ્રલ વ્યવસ્થા જોવા મળતી હતી.[71] આર. કેલી સાથેનું યુગલગીત "આઇ એમ યોર એન્જલ", ડીયોનનું ચોથું યુએસ નંબર વન સિંગલ બન્યું હતું અને અન્ય હિટ સિંગલ દુનિયાભરમાં વખણાયું હતું. ઓલ ધ વે... એ ડીકેડ ઓફ સોંગ માં તેણે તેના સૌથી સફળ ગીતો અને સાત નવા ગીતો આપ્યા હતા જેમાં લીડ ઓફ સિંગલ "ધેટ્ઝ ધ વે ઇટ ઇસ", રોબર્ટા ફ્લેકનું કવર "ધ ફર્સ્ટ ટાઇમ એવર આઇ સો યોર ફેસ", અને "ઓલ ધ વે", ફ્રાન્ટ સિનાટ્રા સાથેના યુગલગીતનો સમાવેશ થાય છે.[70] આ આલ્બમ દુનિયાભરમાં સૌથી સફળ બન્યું હતું અને અમેરિકામાં ત્રણ સપ્તાહ માટે નંબર વન પર રહ્યું હતું.[72] આ આલ્બમને બાદમાં 70 લાખ કોપી વેચવા બદલ અમેરિકામાં 7x પ્લેટિનમ સર્ટિફિકેટ આપવામાં આવ્યું હતું.[73] ઓલ ધ વે... એ ડિકેડ ઓફ સોંગ UK,[74] કેનેડા,[75] અને ઓસ્ટ્રેલિયામાં પણ ટોચ પર રહ્યું હતું.[76] 1990ના દાયકાનું તેનું ફ્રેન્ચ ભાષામાં છેલ્લુ સ્ટુડિયો આલ્બમ S'il suffisait d'aimer ઘણું સફળ રહ્યું હતું તેમજ ફ્રેન્ચ ભાષા બોલાતી હોય તેવા પ્રત્યેક મોટા દેશમાં ટોચનું સ્થાન હાંસલ કર્યું હતું જેમાં ફ્રાન્સ ,[77] સ્વિત્ઝર્લેન્ડ,[78] બેલ્જીયમ વોલોનિયા,[79] અને કેનેડાનો સમાવેશ થાય છે.[75] ફ્રાન્સમાં 15 લાખ કોપી વેચવા બદલ આલ્બમને ડાયમન્ડ સર્ટિફિકેટ આપવામાં આવ્યું હતું.[80] 1990ના દાયકાના અંતમાં ડીયોને દુનિયાભરમાં તેના આલ્બમની 10 કરોડથી વધુ કોપી વેચી હતી અને મનોરંજન ઉદ્યોગના અનેક એવોર્ડ જીત્યા હતા.[6] સંગીત ઉદ્યોગની સૌથી મોટી પોપ ગાયિકા તરીકે તેનું સ્થાન વધુ મજબૂત ત્યારે થયું હતું કે જ્યારે 1998માં તેને વીએચ1ના દિવાસ લાઇવ સ્પેશિયલમાં , સુપર સ્ટાર અરેથા ફ્રેન્કલિન, ગ્લોરિયા એસ્ટીફેન, શાનીયા ટ્વૈન અને મારિયા કેરી સાથે ગીત ગાવાનું કહેવામાં આવ્યું હતું.[81] તે વર્ષે તેને તેના મૂળ દેશના બે સર્વોચ્ચ સન્માન મળ્યા હતાઃ "સમકાલીન સંગીતમાં અભૂતપૂર્વ યોગદાન આપવા બાદલ ઓફિસર ઓફ ધઓર્ડર ઓફ કેનેડા" અને "ઓફિસર ઓધ ધનેશનલ ઓર્ડર ઓફ ક્વિબેક".[39] એક વર્ષ બાદ તેને કેનેડિયન બ્રોડકાસ્ટ હોલ ઓફ ફેમમાં સ્થાન આપવામાં આવ્યું હતું અને કેનેડાસ વોક ઓફ ફેમ પર સિતારો એનાયત કરીને સન્માન કરવામાં આવ્યું હતું.[82]
આ સમયગાળા દરિમયાન પોપ-રોક કે જે તેની અગાઉની રિલીઝમાં વધુ સ્પષ્ટપણે જણાતું હતું તેનું સ્થાન વધુ એડલ્ટ કન્ટેમ્પરરી અહેસાસે લીધું હતું.[56] જો કે તેની મોટા ભાગની રિલીઝમાં "પ્રેમ"ની થીમ જોવા મળી હતી જેને પગલે કેટલાક વિવેચકોએ તેના સંગીતને નિરસ ગણાવ્યું હતું.[83] એલિસા ગાર્ડનર અને જોસ એફ. પ્રોમિસ જેવા અન્ય વિવેચકોએ આ સમયગાળા દરમિયાન તેના વોકલની પ્રશંસા કરી હતી અને તેણે તેને "ટેકનિકલ અજૂબો" ગણાવ્યું હતું.[84][85] જો કે સ્ટિવ ડોલર જેવા અન્ય વિવેચક કે જેમણે 0}ધીઝ આર સ્પેશિયલ ટાઇમ્સની સમીક્ષા કરી હતી તેમણે જણાવ્યું હતું કે "ડીયોન એક વોકલ ઓલિમ્પિયન છે જેના મૂલ્યાંકન માટે કોઇ પણ પહાડ કે માપપટ્ટીની ઉંચાઇ ઓછી પડે છે."[86]
1990ના દાયકા દરમિયાન તેર આલ્બમ રિલીઝ અને પ્રમોટ કર્યા બાદ ડીયોને જણાવ્યું હતું કે તે જીવનમાં સ્થાયી થવા માંગે છે અને તેના છેલ્લા આલબ્મ ઓલ ધ વે... એ ડિકેડ ઓફ સોંગ ની જાહેરાત કરી હતી, તેણે જણાવ્યું હતું કે તેને ચમકદમકમાંથી પાછા ફરીને જીંદગી માણવાની જરૂર છે.[7][87] એન્જીલીલને ગળાના કેન્સરનું નિદાન પણ તેને આ નિર્ણય લેવા પ્રેર્યું હતું.[88] જો કે વિરામ દરમિયાન પણ ડીયોન સ્પોટલાઇટથી બચી શકી ન હતી. 2000માં [[]] નેશનલ એન્ક્વિરર/0}એ સંગીતકાર માટે એક ખોટી વાર્તા પ્રસિદ્ધ કરી હતી. ડીયોન અને તેના પતીનો ફોટો છાપીને આ મેગેઝીને ડીયોનને ખોટું નિવેદન આપતા ટાંકી હતી કે "સેલિન — હું જોડીયા બાળક સાથે ગર્ભવતી છું!'"[89][90] બાદમા ડીયોને મેગેઝીન સામે બે કરોડ ડોલરનો દાવો માંડ્યો હતો.[91] એનક્વિરર ના તંત્રીઓએ બીજા અંકમાં ડીયોનની માફી માંગતો લેખ છાપ્યો હતો અને અગાઉના અંકમાં પ્રસિદ્ધ થયેલા અહેવાલને રદ ગણાવ્યો હતો. તેમજ ડીયોન અને તેના પતીના સન્માનમાં દાવાની રકમ અમેરિકન કેન્સર સોસાયટીને દાનમાં આપી હતી. તે ઘટનાના એકવર્ષ બાદ, વંધ્યત્વ નિવારણ સારવાર લીધા બાદ ડીયોને એક પૂત્ર, રેને-ચાર્લ્સ ડીયોન એન્જીલીલને 25 જાન્યુઆરી 2001ના રોજ ફ્લોરિડામાં જન્મ આપ્યો હતો.[92][93] 11 સપ્ટેમ્બર 2001ના હુમલાને પગલે ડીયોન ફરીથી સંગીતની દુનિયામાં પાછી ફરીહતી અને લાભાર્થી સંગીત સંધ્યામાં "ગોડ બ્લેસ અમેરિકા" ગાયુ હતુંAmerica: A Tribute to Heroes. બિલબોર્ડ ના ચક ટેલરે લખ્યું હતું કે, "તેનું પર્ફોર્મન્સ... કે જેણે અમારા જમાનાની સૌથી પ્રખ્યાત વોકલિસ્ટ બનાવી છે તે દિમાગમાં લાવે છેઃ લાગણીઓને સમજવાની ક્ષમતા કે જે આત્માને ડોલાવે છે. લાગણીસભર, અર્થપૂર્ણ, અને સન્માનથી ભરપૂર, તે આગામી સમયમાં આવનારા સંગીતનું પ્રતિબિંબ છે."[94] ડિસેમ્બર 2001માં ડીયોને તેની આત્મકથા માય સ્ટોરી, માય ડ્રીમ પ્રસિદ્ધ કરી હતી જે તેણે તેની ગરીબીથી અમીરી સુધીની વાત લખી હતી.[95]
ડીયોનનું ટાઇટલ એ ન્યૂ ડે હેસ કમ ' માર્ચ, ૨૦૦૨માં રજૂ થયું હતું, જેનાથી તેને મ્યુઝિક ઇન્ડસ્ટ્રીઝમાં ત્રણ વર્ષના વનવાસનો અંત આવ્યો હતો. આ આલ્બમ ડીયોનનું સૌથી અંગત હતું. તેમાં એ ન્યૂ ડે હેઝ કમ, આઇ એમ એલાઇવ અને ગુડબાયસ (ધ સેડેસ્ટ વર્ડ) ગીતો સાથે તેની પરિપક્વતા સ્થાપિત થઈ હતી. તેના જીવનમાં આ ફેરફાર માતૃત્વ જવાબદારીઓનું પરિણામ હતું. તેના પોતાના શબ્દોમાં કહીએ તો માતા બન્યા પછી તમે પરિપક્વ થઈ જાવ છો.[96] તેણે કહ્યું હતું કે રેને માટે, મારા માટે એક નવો સોનેરી દિવસ આવ્યો છે , અમારો બેબી સ્વરૂપે નવો જન્મ થયો છે. બાળક સાથે અમે અમારું બાળપણ પાછું મેળવ્યું છે, અમે અમારી બધી ખુશીઓ મેળવી છે...તે ગીત એ ન્યૂ ડે હેઝ કમ અત્યારે જે અનુભવી રહી છું તે મારી ખુશીને વ્યક્ત કરે છે...મારા આનંદની લાગણીને અભિવ્યક્તિ કરે છે. તે સંપૂર્ણ આલ્બમનું હાર્દ વ્યક્ત કરે છે."[8] એ ન્યૂ ડે હેઝ કમ આલ્બમ બ્રિટન અને કેનેડા સહિત ૧૭ દેશોમાં પ્રથમ સ્થાને બજારમાં લોંચ થયું હતું.[97][98][99] અમેરિકામાં બિલબોર્ડ 2000 પર ટોચના આલ્બમ તરીકે લોંચ થયું હતું. પહેલાં અઠવાડિયામાં આ આલ્બમની 5,27,000 નકલોનું વેચાણ થયું હતું, જેના પગલે ચાર્ટ પર તેણે નંબર વન સ્થાન મેળવ્યું હતું.[100] જોગાનુજોગે આ આલ્બમમને અમેરિકામાં 3x પ્લેટિનમ અને કેનેડામાં 6x પ્લેટેનિમ પ્રમાણપત્ર મળ્યું હતું.[101]
આ આલ્બમને વ્યાવસાયિક સફળતા મળી હતી ત્યારે સમીક્ષકોની સમીક્ષા સૂચવતી હતી કે આ આલ્બમ ભૂલી જવા જેવું છે અને તેના ગીતો "પ્રાણહીન" છે.[102] રોલિંગ સ્ટોન મેગેઝિનના રોબ શેફીલ્ડ અને એન્ટરટેઇન્મેન્ટ વીકલી ના કેન ટકરે જણાવ્યું હતું કે ડીયોનનું સંગીત તેના કામચલાઉ વનવાસ દરમિયાન પરિપક્વ થયું નથી અને તેના સંગીતને ચવાઈ ગયેલું કે વાસી અને સાધારણ દરજ્જાનું ગણી શકાય.[103][104] સ્લેન્ટ મેગેઝિનના સેલ સિન્ક્વેમનીએ આ આલ્બમને કંટાળાજનક, લાંબુ કલેક્શન ગણાવ્યું હતું. [105] આ આલ્બમના પહેલું ગીત એ ન્યૂ ડે હેઝ કમ બિલબોર્ડ હોટ 100 ચાર્ટ્સ પર ૨૨ સ્થાને પહોંચ્યું હતું. જોકે હોટ એડલ્ટ કન્ટેમ્પરરી ટ્રેક્સ પર આ ગીતે પહેલાં સ્થાન પર સતત 21 અઠવાડિયા રહીને વિક્રમ સર્જયો હતો. આ રીતે અહીં પ્રથમ સ્થાને રહીને લાંબો સમય ટોચના સ્થાને રહેવાનો અગાઉના વિક્રમ તોડી નાંખ્યો હતો.[106] આ પહેલાં ફિલ કોલિન્સનું 'યૂ વિલ બી ઇન માય હર્ટ ' અને ડીયોનનું પોતાનું 'બીકોઝ યુ લવ્ડ મી' બંને 19 અઠવાડિયા સુધી ટોચના સ્થાને રહેવાનો વિક્રમ ધરાવતા હતા. 2002 દરમિયાન તેણે અનેક સેવાભાવી કન્સર્ટ્સમાં પર્ફોર્મન્સ આપ્યું હતું, જેમાં વીએચ1 સેવ ધ મ્યુઝિક ફાઉન્ડેશનના લાભાર્થે યોજાયેલી કન્સર્ટ પ્રસિદ્ધ વીએચ1 ડિવાસ લાઇવ. તેમાં તેણે ચેર, એન્ટાસ્ટાસિયા, ડિક્સી ચિક્સ, મેરી જે બ્લીજે, વ્હીટની હાઉસ્ટોન, સીન્ડી લાઉપર અને સ્ટીવ નિક્સ સાથે સેલિને પર્ફોર્મન્સ આપ્યું હતું.
પોતાના વ્યક્તિગત કે અંગત અનુભવોમાંથી પ્રેરણા મેળવીને ડીયોને વર્ષ 200૩માં 'વન હર્ટ ' આલ્બમ રીલીઝ કર્યું, જેમાં તેણે જીવનનું મૂલ્યાંકન કરવાનો પોતાનો દ્રષ્ટિકોણ વ્યક્ત કર્યો હતો.[107] તેમાં મોટા ભાગે ડાન્સ મ્યુઝિક હતું, જે ભાવોત્તજેક લોકગીતની ઝલક રજૂ કરતું હતું., જેના માટે એક સમયે તેને મિશ્ર પ્રતિસાદ મળ્યો હતો. આ આલ્બમને મધ્યમ પ્રતિસાદ મળ્યો હોવા છતાં વન હર્ટને મિશ્ર સમીક્ષા પ્રાપ્ત થઈ હતી અને મોટા ભાગની સૌમ્ય કે હળવી સમીક્ષામાં આલ્બમ માટે 'અપેક્ષિત કે મધ્યમ' અને 'સાધારણ' જેવા શબ્દો વાપરવામાં આવ્યાં હતાં.[108][109] સીન્ડી લાઉપરના વર્ષ 1989ના હિટ આલ્બમ 'આઈ ડ્રો ઓલ નાઇટ'ના કવરને ક્રિસ્લર સાથે લોંચ નવું એડવર્ટાઇઝિંગ અભિયાન શરૂ કર્યું હતું.[110] ક્રિસ્લરે પોપડાન્સ અને રોક એન્ડ રોલની શરૂઆત કરી હતી. જોકે આ એડવર્ટાઇઝિંગ સોદાને મિશ્ર પ્રતિસાદ મળ્યો હતો અને કેટલાંક સમીક્ષકોએ કહ્યું હતું કે ડીયોન તેના સ્પોન્સરને ખુશ રાખવા માગે છે.[111] જોકે તે સમયે ક્રિસ્લર ગ્રૂપ માર્કેટિંગ કમ્યુનિકેશન્સના ડિરેક્ટર બોનિટા સ્ટીવર્ટ જેવા કેટલાંકે કહ્યું હતું કે ક્રિસ્લર તેની અપીલ કેવી રીતે પરંપરાગત મર્યાદાને પાર કરી રહી છે તે જણાવે છે અને તેનો ફાયદો ઉઠાવે છે." તેણે પોતે પણ ઉમેર્યું હતું કે તે બ્રાન્ડમાં વ્યવહારિકતા, કુશળતા, શિષ્ટાચારીતા, વૈચારિકતા, કાલ્પનિકતા અને ઉત્સાહ લાવવા માગે છે.[112]
વન હર્ટ પછી ડીઓને તેનું અંગ્રેજી ભાષાનું સ્ટુડિયો આલ્બમ મિરેકલ (2004) રીલીઝ કર્યું હતું. મિરેકલ એક મલ્ટિમીડિયા પ્રોજેક્ટ હતો, જેનો વિચાર ડીયોને અને ફોટોગ્રાફર એન્ની ગીડ્ડીસે કર્યો હતો. તેની થીમનું કેન્દ્ર બાળકો અને માતૃત્વ હતું. આ આલ્બમમાં હાલરડાં અને માતૃત્વ અને પ્રેરણાદયાક ગીતો હતો. તેમાં બે સૌથી વધારે લોકપ્રિય કવર્સ લુઇસ આર્મસ્ટ્રોંગનું વ્હોટ એ વન્ડરફુલ વર્લ્ડ અને જોહન લેન્નોનનું બ્યુટીફુલ બોય હતું. મિરેકલ ને મિશ્ર સમીક્ષા મળી હતી.[113] Allmusic.comના સ્ટીફન થોમસ અર્લીવાઇને કુલ પાંચ સ્ટારમાંથી ત્રણ સ્ટાર આપ્યાં હતાં અને કહ્યું હતું કે, આ રેકર્ડ વિશે સૌથી ખરાબ તમે કહી શકો કે તેમાં કોઈ આશ્ચર્ય નથી, પણ આ રેકર્ડ માટે શ્રોતાઓ પણ આશ્ચર્ય મળે તેવી અપેક્ષા રાખતાં નહોતા. તેઓ આરામ ઇચ્છતાં હતાં, પછી ભલે તે શિષ્ટ સંગીત માંથી મળે કે નવી જન્મેલા છોકરાઓના ફોટામાંથી અને મિરેકલ બંને પૂરું પાડે છે, જે ગર્ભવતી મહિલાઓ કે નવી માતઓને અપીલ કરે છે.[113] બિલબોર્ડ મેગેઝિનના ચક ટેલરે લખ્યું હતું કે એક બ્યુટીફુલ બોય અનપેક્ષિત કિંમતી રત્ન હતું.[114] તેમણે ડિયોનને અનંત, પુષ્કળ વૈવિધ્યતા ધરાવતી કલાકાર ગણાવી હતી. પીપલ મેગેઝિનના ચક આર્નોલ્ડે આ આલ્બમને અત્યંત સંવેદનશીલ ગણાવ્યું હતું[115] જ્યારે એન્ટરટેઇન્મેન્ટ વીકલી ના નેન્સી મિલરે અભિપ્રાય વ્યક્ત કર્યો હતો કે પૃથ્વી પરની દરેક માતાને બીજા જીવનની તક મળે છે, ફરીથી જન્મે છે.[116] મિરેકલ બિલબોર્ડ 200 ચાર્ટમાં ચોથા ક્રમે અને કેનેડામાં પ્રથમ ક્રમે આવ્યું હતું અને તેને આરઆઇએએ દ્વારા પ્લેટનિમ સર્ટિફિકેટ અપાયું હતું.[117]
ધ ફ્રેન્કોફોન આલ્બમ 1 ફાઇલ એન્ડ 4 ટાઇપ્સ (1 ગર્લ એન્ડ 4 ગાય્સ , 2003)એ તેના પહેલાં બે રીલીઝ કરતાં સારો દેખાવ કર્યો હતો અને તેમાં ડીયોને તેની દિવાની ઇમેજમાંથી દૂર રહેવાનો પ્રયાસ કર્યો હતો તેવું જણાતું હતું. તેણે જીન-જેકસ ગોલ્ડમેન, ગિલ્ડાસ આર્ઝેલ, એરિક બેન્ઝી અને જેકસ વેનેરુસોની ભરતી કરી હતી, જેમની સાથે તેમણે અગાઉ બે બેસ્ટ સેલિંગ ફ્રેન્ચ આલ્બમ્સ S'il suffisait d'aimer અને D'eux પર કામ કર્યું હતું. આ આલ્બમનું લેબલ ધ આલ્બમ ઓફ પ્લેઝર ડીયોને પોતે આપ્યું હતું. તેના કવર પર ડીયોન સરળ અને સ્વસ્થ દેખાતી હતી, જે તેના આલ્બમના કવર્સ પર સામાન્ય રીતે કોરીયોગ્રાફ્ડ પોઝથી વિપરીત હતું. આ આલ્બમને ફ્રાન્સ, કેનેડા અને બેલ્જીયમમાં વ્યાપક વ્યાવસાયિક સફળતા મળી હતી, જ્યાં તે ટોચના સ્થાને પહોંચ્યું હતું. ફ્રાન્સમાં આ આલ્બમનો પ્રવેશ જ ટોચના સ્થાને થયો હતો અને પાછળથી સાત લાખ કરતાં વધારે કોપીઓનું વેચાણ થતાં તેને 2x પ્લેટિનમ સર્ટિફાઇડ મળ્યું હતું. ઓલમ્યુઝિક ના સમીક્ષક સ્ટીફન અર્લીવાઇને લખ્યું હતું કે ડીયોનનો અવાજ ફરી ટોચ પર પહોંચી ગયો છેઃ બેન્ડ પ્રમાણમાં ડિયોનને પોપ અને લોકસંગીત જેવા અપરિચિત ક્ષેત્રમાં લઈ ગયું હતું. અને તેણે દરેક વખતે અપેક્ષા કરતાં વધારે સારું પર્ફોમન્સ આપી પોતાની આવડતને સાબિત કરી છે."[118]
તેના આલ્બમ્સને વ્યાવસાયિક સફળતા મળી હોવા છતાં તેને તેના અગાઉની કામગીરી જેટલું વેચાણ કે સ્વીકાર મળ્યો નહોતો. ધ કલેક્ટર્સ સીરિઝ, વોલ્યુમ વન (2000) અને વન હર્ટ (2003) જેવા આલ્બમ્સને સમીક્ષકોએ બહુ સફળ ગણાવ્યાં નહોતા.[108][108] તેના ગીતોને રેડિયો પર બહુ ઓછું સ્થાન મળ્યું હતું, કારણ કે તેના પર ડીયોનલ કારી અને હાઉસ્ટન જેવા લોકકલાકરોને રેડિયાના દર્શકોએ ઓછો આવકાર આપ્યો હતો. રેડિયોનું ધ્યાન અર્બન/હિપહોપ ગીતો પર વધારે કેન્દ્રીત હતું.[119] જોકે વર્ષ 2004 સુધીમાં ડીયોનના આલ્બમ્સનું વેચાણ આંતરરાષ્ટ્રીય સ્તરે 17.5 કરોડ કરતાં વધારે થયું હતું અને તેની સિદ્ધિ બદલ વર્લ્ડ મ્યુઝિક એવોર્ડ્સ તરફથી ચોપાર્ડ ડાયમન્ડ એવોર્ડ મળ્યો હતો.[120] વર્લ્ડ મ્યુઝિક એવોર્ડ્સ વેબસાઇડના અધિકારીના જણાવ્યા મુજબ, આ એવોર્ડ ભાગ્યે જ કોઈ કલાકારને મળે છે. તે દર વર્ષે કોઈને મળતો નથી અને કોઈ પણ કલાકારને ત્યારે જ મળી શકે જ્યારે તેની કારકીર્દિ દરમિયાન તેના આલ્બમ્સનું વેચાણ 10 કરોડ કરતાં વધારે થાય.[121]
વર્ષ 2002ની શરૂઆતમાં ડીયોને ત્રણ વર્ષ માટે અઠવાડિયામાં પાંચ નાઇટ એમ કુલ 600 શો કરવાનો કોન્ટ્રાક્ટની જાહેરાત કરી હતી. મનોરંજનની આ મહાસફરનું નામ એ ન્યૂ ડે ...હતું અને તેનું આયોજન લાસ વેગાસમાં ધ કોલોસ્સીયમ સીઝર્સ પેલેસ ખાતે થયું હતું.[9] તેનું આ કદમ કોઈ પણ મોટા કલાકાર દ્વારા છેલ્લાં કેટલાંક વર્ષોમાં લેવાયેલા કુશળ વ્યાવસાયિક નિર્ણયોમાંનું એક હતું.[122] તેણે આ વિચાર ફ્રેન્કો ડ્રેગોનનું O જોયા બાદ લીધો હતો. જેણે રેકોર્ડિંગમાંથી બ્રેક લીધો હતો. ડીયોનના કાર્યક્રમની શરૂઆત 25 માર્ચ, 2003ના રોજ 4,000 બેઠક ધરાવતા મંચ પર થઈ હતી.[9] પહેલી જ નાઇટ કન્સર્ટમાં ડિક ક્લાર્ક, એલેન થિકે, કેથી ગ્રિફિન અને જસ્ટિન ટિમ્બરલેક જેવા અનેક સ્ટાર્સે હાજરી આપી હતી.[123] આ શો ડાન્સ, મ્યુઝિક અને વિસ્યુઅલ ઇફેક્ટ્સનો સુભગ સમન્વય કરવામાં આવ્યો હતો. તેમાં ડીયોને પ્રભાવશાળી ડાન્સર્સ અને સ્પેશ્યલ ઇફેક્ટ્સની ઝાકઝમાળ સામે તેની સૌથી સફળ પર્ફોમર્ન્સ આપ્યું હતું. સમીક્ષક માઇક વેધરફોર્ડનું માનવું હતું કે ડીયોને જેટલા હળવું રહેવાની જરૂર હતી તેટલી જ દેખાતી નહોતી અને મંચ પર ડાન્સરો અને સુશોભન વચ્ચે તે અલગ તરી આવવામાં નિષ્ફળ રહી હતી. જોકે તેણે નોંધ્યું હતું કે ડીયોનની મંચ પરના પર્ફોર્મન્સમાં સુધારો થયો હોવાથી અને સાદી વેશભૂષાને કારણે આ શો વધારે મનોરંજક બન્યો હતો.[65]
આ શોની ટિકીટ મોંઘી હોવાની ફરિયાદ ઊઠી હોવા છતાં દર્શકોએ તેને સારો પ્રતિસાદ આપ્યો હતો. આ શોની ટિકીટ વર્ષ 2007ના અંત સુધીમાં તેનો જાદુ જાળવી રાખવામાં સફળ રહ્યો હતો અને તેની ટિકીટનું પ્રમાણ સારું જળવાઈ રહ્યું હતું.[124] ટિકીટની સરેરાશ કિંમત 135.33 ડોલર હતી[125] આ શોનું નૃત્ય નિર્દેશન મિઆ માઇકલ્સ હતા, જેઓ જગપ્રસિદ્ધ કોરિયોગ્રાફર છે. પોલસ્ટાર ના જણાવ્યા મુજબ, ડીયોને શોની 3,22,000 ટિકીટનું વેચાણ કર્યું હતું અને વર્ષ 2005ના પહેલાં અર્ધવાર્ષિક ગાળામાં અને જુલાઈ, 2005 સુધીમાં US$ 4.39 કરોડની કમાણી કરી હતી. તેણે 384 શોમાંથી 315ની ટિકિટનું વેચાણ કર્યું હતું.[126] વર્ષ 2005ના અંત સુધીમાં ડીયોને US$ 7.6 કરોડ કરતાં વધારે કમાણી કરી હતી અને 2005 માટે બિલબોર્ડના મની મેકર્સની યાદી માં છઠ્ઠું સ્થાન મેળવ્યું હતું.[127] એ ન્યૂ ડે.... 2006માં અમેરિકામાં છઠ્ઠી સૌથી મોટી સેલિંગ ટૂર હતી.[128] શોની સફળતાના કારણે ડીયોનનો કોન્ટ્રાક્ટ 2007માં પણ લંબાયો હતો. જોકે આ માટે કેટલી રકમ તેને મળી હતી તે જાહેર કરવામાં આવ્યું નહોતું. પાંચમી જાન્યુઆરી, 2007ના રોજ શો 15 ડીસેમ્બર, 2007ના રોજ પૂર્ણ થશે તેવી જાહેરાત કરવામાં આવી હતી અને ઓક્ટોબર, 2007 પછીના સમયગાળા માટેની ટિકીટોનું વેચાણ પહેલી માર્ચથી શરૂ થયું હતું.[129] આ સંપૂર્ણ કાર્યક્રમ દરમિયાન કુલ 40 કરોડ ડોલરની કમાણી થઈ હતી જ્યારે તેને 30 કરોડ દર્શકોએ નિહાળ્યો હતો.[130][131] ધ લાઇવ ઇન લાસ વેગાસ-એ ન્યૂ ડે... ડીવીડી 10 ડીસેમ્બર, 2007ના રોજ યુરોપ અને તે પછી ઉત્તર અમેરિકામાં રીલીઝ થઈ હતી.[132]
ડીયોનને લેટેસ્ટ આલ્બમ ફ્રેન્ચ ભાષામાં રજૂ થયેલું D'elles (એબાઉટ થીમ) છે, જે 21 મે, 2007ના રોજ રીલીઝ થયું હતું. તે શરૂઆતથી જ કેનેડિયન આલ્બમ ચાર્ટમાં ટોચ પર હતું અને પહેલાં જ અઠવાડિયામાં તેની 72,200 કોપીનું વેચાણ થયું હતું. સાઉન્ડસ્કેન સમયમાં તે તેનું 10મું નંબર વન આલ્બમ હતું અને રીલીઝ થયાની શરૂઆતથી જ ટોચના સ્થાને પહોંચી ગયેલું આઠમું આલ્બમ હતું. કેનેડામાં આ આલ્બમને પ્લેટિનમ 2x સર્ટિફાઇડ (પ્રમાણિત) થયું હતું અને પહેલાં જ અઠવાડિયાની અંદર દુનિયામાં તેની પાંચ લાખ નકલો વેચાઈ ગઈ હતી.[133] D'Elles એ ફ્રાન્સ અને બેલ્જીયમમાં પણ પ્રથમ સ્થાન મેળવ્યું હતું. તેનું પહેલું ગીત "Et s'il n'en restait qu'une (je serais celle-là)" એટલે એન્ડ ઇફ ધેર વોસ ઓન્લી વન વુમેન લેફ્ટ (આઇ વુડ બી ધેટ વન) એક મહિના અગાઉ ફ્રેન્ચ સિંગલ્સ ચાર્ટમાં ટોચના સ્થાને પ્રવેશ્યું હતું. તેણે તેનું લેટેસ્ટ અંગ્રેજી આલ્બમ ટેકિંગ ચાન્સીસ યુરોપમાં 12 નવેમ્બરના રોજ અને ઉત્તર અમેરિકામાં 13 નવેમ્બરના રોજ રીલીઝ કર્યું હતું.[134] 2003 પછી તેનું પહેલું ઇંગ્લિશ સ્ટુડિયો આલ્બમ વન હર્ટ હતું, જેમાં પોપ, આર એન્ડ બી અને રોકમાંથી પ્રેરણા મેળવેલ મ્યુઝિક સામેલ હતું.[135] ડીયોને જોહન શેન્ક્સ. ભૂતપૂર્વ ઇવાનેસીન ગિટારિસ્ટ બેન મૂડી, ક્રિસ્ટિયન લ્યુન્ડિન, પીયર એસ્ટોર્મ, લિન્ડા પેરી, જાપાનીઝ સિંગર યુના ઇટો અને આર એન્ડ બી સિંગર-સોંગરાઇટર ને-યો સાથે જોડાણ કર્યું હતું.[136][137] ડીયોને જણાવ્યું હતું કે મારું માનવું છે કે આ આલ્બમ મારી કારકીર્દિમાં હકારાત્મક પરિવર્તનનું પ્રતિનિધિત્વ કરે છે ... હું આંતરિક રીતે મજબૂત થઈ હોવાનું અનુભવું છું, કદાચ અગાઉ કરતાં થોડી વધારે હિમ્મત ધરાવે છું, થોડી વધારે લોભી થઈ છું અને હું મ્યુઝિક અને જીવન પ્રત્યે અગાઉ જેટલી હતી તેટલી જ ઝનૂની પણ."[138] તેણે દક્ષિણ આફ્રિકામાં 14 ફેબ્રુઆરી, 2008ના રોજ એક વર્ષ લાંબી આંતરરાષ્ટ્રીય ટેકિંગ ચાન્સીસ ટૂર શરૂ કરી હતી અને દુનિયાના પાંચ ખંડોમાં વિવિધ મંચ અને સ્ટેડિયમમાં 132 પર્ફોર્મન્સ આપ્યું છે.[139]
ટેકિંગ ચાન્સીસ ટૂરને અમેરિકામાં અભૂતપૂર્વ સફળતા મળી હતી, બિલબોર્ડ બોક્સસ્કોર પર પહેલાં નંબરે પહોચી ગયું છે અને અમેરિકા અને કેનેડામાં દરેક કોન્સર્ટની ટિકીટનું વેચાણ થઈ જાય છે. ઉપરાંત તે સતત બીજા વર્ષ માટે આઇડોલ ગિવ્સ બેક પર દેખાઈ હતી. સેલિન ડીયોન 2008માં છ જૂનો અવોર્ડ્સ માટે નોમિનેટ થઈ હતી અને આ સન્માન મેળવવા કેનેડિયનના ગ્રૂપનું નેતૃત્વ કરે છે. ડીયોનને અગાઉના 53 નોમિનેશન માટે પણ સામેલ કરાઈ છે. તેના નોમિનેશનમાં આર્ટિસ્ટ ઓફ યર, પોપ આલ્બમ ઓફ ધ યર (ટેકિંગ ચાન્સીસ માટે), ફ્રેન્કોફોન આલ્બમ ઓફ ધ યર (D'elles માટે) અને આલ્બમ ઓફ ધ યર (ટેકિંગ ચાન્સીસ અને D'elles માટે) સામેલ છે.[140] તે પછીના વર્ષે ડીયોન 3 જૂનો એવોર્ડ્સ માટે નોમિનેટ થઈ હતી, જેમાં ફેન ચોઇસ એવોર્ડ, સોંગ ઓફ ધ યર (ટેકિંગ ચાન્સીસ માટે) અને મ્યુઝિક ડીવીડી ઓફ ધ યર (લાઇવ ઇન લાસ વેગાસ-એ ન્યૂ ડે માટે) સામેલ છે.[141]
22 ઓગસ્ટ, 2008ના રોજ સેલિન ડીયોને કેનેડાના ક્યુબેક સિટીમાં પ્લેન્સ ઓફ અબ્રાહમ પર બહાર ફ્રેન્કોફોન આલ્બમના ગીતો પર જ એક નિઃશુલ્ક શો રજૂ કર્યો હતો.[142] આ શો ક્વિબેક સિટીની 400મી વર્ષગાંઠના ઉપક્રમે યોજાયો હતો.[143] આ ઉજવણી અંદાજે 4,90,000 લોકોએ નિહાળ્યો હતો (ટીવી દર્શકો સાથે). Céline sur les Plaines નામે ઓળખાતી કોન્સર્ટની ડીવીડી ક્વિબેકમાં 11 નવેમ્બર, 2008ના રોજ રીલીઝ થઈ હતી અને ફ્રાન્સમાં 20 મે, 2009ના રોજ રીલીઝ થઈ હતી. ઓક્ટોબરના અંતે પહેલું સર્વગ્રાહી અંગ્રેજી આલ્બમ માય લવઃએસ્સેન્શ્યિલ કલેક્શન આંતરરાષ્ટ્રીય સ્તરે રીલીઝ થયું હતું.My Love: Essential Collection [144] આ આલ્બમ બે જુદી જુદી ફોર્મેટમાં ઉપલબ્ધ છે અને તેને જોરદાર સફળતા મળી હતી.
મે, 2009માં સેલિન ડીયોન અમેરિકામાં દાયકાની 20મી બેસ્ટ સેલિંગ આર્ટિસ્ટ અને બીજી બેસ્ટ સેલિંગ ફીમેલ આર્ટિસ્ટ જાહેર થઈ હતી. આ દાયકામાં તેના 1.75 કરોડ આલ્બમનું વેચાણ થયું છે.[145] જૂન, 2009માં ફોર્બ્સ મેગેઝિને જાહેર કર્યું હતું કે સેલિન ડીયોને 2008 દરમિયાન 10 કરોડ ડોલરની આવક કરી મેડોના પછી સૌથી વધુ કમાણી કરનાર મહિલા કલાકાર બની ગઈ છે.
ડિસેમ્બર, 2009માં પોલસ્ટારે જાહેર તેને દાયકાની બેસ્ટ સેલિંગ સોલો ટુરિંગ આર્ટિસ્ટ અને દાયકાન બીજી બેસ્ટ સેલિંગ ટૂરિંગ આર્ટિસ્ટ જાહેર કરી હતી. તેની આગળ એકમાત્ર ડેવ મેથ્યુસ બેન્ડ હતું.[146] ડીયોને દાયકા દરિમયાન કુલ 52.22 કરોડ ડોલરની કમાણી કરી હતી, જેમાંથી મોટો હિસ્સો સીઝર્સ પેલેસ ખાતે પાંચ વર્ષના શોમાંથી થઈ હતી.[146]
ઓગસ્ટ, 2009માં સેલિન ડીયોનના પ્રવક્તાએ જાહેરાત કરી હતી કે તે પ્રેગનન્ટ (ગર્ભવતી) છે અને ટૂંક સમયમાં બીજા બાળકને જન્મ આપશે.[147][148] તેણે વધુ માહિતી આપતાં કહ્યું હતું કે તે મે, 2010માં બાળકને જન્મ આપે તેવી શક્યતા છે. જોકે નવેમ્બર, 2009માં તેની પ્રેગનન્સી નિષ્ફળ ગઈ હોવાની જાહેરાત કરવામાં આવી હતી, પણ હજુ તે ફર્ટિલિટી ટ્રીટમેન્ટ્સ દ્વારા અન્ય બાળક માટે પ્રયાસ કરે છે.[149][150]
યુએસએ ટુડે એ જાહેરાત કરી હતી કે ડીયોન તેના ટેકિંગ ચાન્સીસ ટુર વિશેની એક ડોક્યુમેન્ટરી ફિલ્મ રજૂ કરશે. તેનું શીર્ષક સેલિનઃ થ્રૂ ધ આઇસ ઓફ ધ વર્લ્ડ હશેCeline: Through the Eyes of the World અને 17 ફેબ્રુઆરી, 2010ના રોજ થિયેટર્સમાં રજૂ થશે.[151] આ ડોક્યુમેન્ટરીમાં સ્ટેજ પરના અને સ્ટેજની બહાર એમ બંનેના ડીયોનના ફૂટેજ દ્રશ્યો જોવા મળશે. તેની તેને પ્રવાસમાં સાથ આપનાર તેના પરિવારના ફૂટેજ પણ સામેલ હશે.[151] તેના ડિસ્ટ્રિબ્યુટર સોની પિકચર્સની પેટાકંપની હોટ ટિકીટ છે.[151]
જાન્યુઆરી, 2010માં ધ લોસ એન્જીલસ ટાઇમ્સ એ વર્ષના સૌથી વધારે કમાણી કરનારની વાર્ષિક યાદી બહાર પાડી હતી અને જાહેરાત કરી હતી કે એકવીસમી સદીના પહેલા દાયકામાં સૌથી વધુ કમાણી સેલિને કરી છે. તેણે વર્ષ 2000થી 2009 દરમિયાન કુલ $US 74.79 કરોડની આવક કરી હતી. તેમાં સૌથી મોટો હિસ્સો ટિકીટના વેચાણમાંથી 52.22 કરોડ અમેરિકન ડોલર રૂપે મળ્યો હતો. [152]
ઉપરાંત મોન્ટરીયલ સ્થિત અખબાર Le Journal de Quebec એ ડીસેમ્બર, 2009માં ડીયોનને તેના મૂળ વતન કેનેડાના ક્વિબેક પ્રાંતની આર્ટિસ્ટ ઓફ ડીકેટ જાહેર કરવામાં આવી હતી.[153] આ માટે ઓનલાઇન સરવે હાથ ધરવામાં આવ્યો હતો અને તેમાં ભાગ લેનારને આર્ટિસ્ટ ઓફ ડીકેડ માટે કલાકારોના નામ સૂચવવા કહ્યું હતું.[153]
52મા ગ્રેમી એવોર્ડ્સમાં માઇકલ જેક્શનને વિશેષ સન્માન આપવા ડીયોને સ્મોકી રોબિન્સન, અશર, જેનિફર હડસન અને કેરી અન્ડરવૂડ સાથે પર્ફોમન્સ આપ્યું હતું.[154] આ પાંચ પર્ફોમર્સે થ્રીડી સ્ક્રીનની સામે જેક્શનનું અર્થ સોંગ ગાયું હતું.[155]
પીપલ મેગેઝિન માં ફેબ્રુઆરી, 2010માં પ્રસિદ્ધ થયેલી એક મુલાકાતમાં ડીયોને જાહેરાત કરી હતી કે તે દર વર્ષે 70 શો માટે ત્રણ વર્ષ લાસ વેગાસમાં સીઝરના પેલેસમાં પાછી ફરશે, જેની શરૂઆત 15 માર્ચ, 2011થી થશે.[156] તેણે જણાવ્યું હતું કે આ શોમાં તેના સંગ્રહમાંથી લોકોને સાંભળવા ગમે તેવા ગીતો પર ફીચર થશે અને તેમાં હોલીવૂડની ક્લાસિક ફિલ્મોમાંથી મ્યુઝિકની પસંદગી કરવામાં આવશે.[157] ડીયોને એવી જાહેરાત પણ કરી હતી કે તે બે નવા ફ્રેન્ચ અને અંગ્રેજી આલ્બમ પર કામ કરી રહી છે અને એકેડમી એવોર્ડ વિજેતા સંગીતકાર એ આર રહેમાન સાથે જોડાણ કરશે, જે તેમના માટે બે નવા ગીત લખી રહ્યાં છે.[158][159]
ડીયોન આરેથા ફ્રેન્કલિન, માઇકલ જેક્સન, કેરોલ કિંગ, એન્ની મુરે, બાર્બરા સ્ટ્રીસેન્ડ અને બી ગીઝનું સંગીત સાંભળીને મોટી થઈ હતી. જોગાનુજોગે આ બધાની સાથે તેણે કામ કર્યું છે.[160][161] ડીયોને એવું પણ કહ્યું છે કે તે જેનિસ જોપ્લિન, ધ ડુબી બ્રધર્સ અને ક્રીડેન્સ જેવા કલાકારોને સાંભળીને મોટી થઈ છે, પણ તેમની શૈલીનું સંગીત ગાવાની તેમને તક મળી નથી.[162] તેના સંગીત પર અનેક શૈલીની અસર છે, જેમાં પોપ, રોક, ગોસ્પેલ, આરએન્ડબી અને સાઉલ સામેલ છે. તેના સ્વરની થીમ ગરીબી, દુનિયામાં ભૂખમરો અને આધ્યાત્મિકતા પર કેન્દ્રીત છે અને તેનો વધુ પડતો ભાર પ્રેમ અને રોમાન્સ પર છે.[36][163] તેના બાળકના જન્મ પછી તેનું કાર્ય પણ માતૃત્વ અને ભાતૃત્વ પ્રેમ પર શરૂ થયું છે.[113][164][165][166]
ડીયોન અનેક સમીક્ષકોની ટીકાનો સામનો કરી રહી છે, જેમણે કહ્યું છે કે તેનું સંગીત અવારનવાર પોપની પાછળ ધકેલાઈ જાય છે. તેમણે તેના આલ્બમને અત્યંત સંવેદનશીલ ગણાવ્યાં છે. -[3][83][167] રોલિંગ સ્ટોન મેગેઝિનના કેઇથ હેરિસના જણાવ્યા મુજબ, ડીયોનની સંવેદનશીલતા શાંત, ગંભીર અને એકાંતપ્રિય હોવાને બદલે આડંબરી, ભપકાદાર અને અવગણના કરનાર છે.....તે આરેથા-વ્હીટની-મારિયાસાથે ચાલ્યા ગયેલા જોરદાર અવક્રાંતિની શ્રેણીમાં છેલ્લે છે. હકીકતમાં ડીયોન પોપ સંવદેશનશીલતાના ચોક્કસ પ્રકારનું પ્રતિક છે-મોટું ઉત્તમ હોય છે, અત્યંત કયારેય પૂરતું હોતું નથી અને લાગણીઓ જેમ વલોવાય તેમ વધારે સાચી બને છે.[168] તેનાથી વિપરીત ડીયોનનું ફ્રેન્કોફોન વધુ ઊંડું અને તેના અંગ્રેજી આલ્બમ્સ કરતાં વધારે વૈવિધ્યપૂર્ણ છે અને તેના પછી તેણે વધુ વિશ્વસનિયતા મેળવી છે.[33][169]
અનેક સમીક્ષકોએ જણાવ્યું હતું કે ડીયોનનું તેના સંગીતના નિર્માણમાં સંકળાવું મૂળભૂત રીતે નુકસાનકારક છે, જેના પરિણામે તેના પર કામગીરીનું ભારણ વધી જશે અને વ્યક્તિત્વ પર અસર પડશે.[33] જોકે બધા ભાઈબહેનો સંગીતકાર હોય તેવા પરિવારમાંથી આવેલ ડીયોન ગિટાર જેવા સાધનો વગાડતા શીખી હતી અને તેના આલ્બમ ફોલિંગ ઇનટૂ યુ ના રેકોર્ડિગ સત્રો દરમિયાન ફેન્ડર સ્ટ્રેટોકાસ્ટર સાથે પ્રેકિટ્સ કરી હતી. [170]ઉપરાંત તેણે તેના અગાઉના અનેક ફ્રેન્ચ ગીતોના કમ્પોઝમાં મદદ કરી હતી અને હંમેશા તેના આલ્બમના નિર્માણ અને રેકર્ડિંગમાં પોતાની જાતને સાંકળવાનો પ્રયાસ કર્યો હતો. તેના પહેલા અંગ્રેજી આલ્બમમાં, જેનું રેકોર્ડિંગ તેણે અંગ્રેજી પર પ્રભુત્વ મેળવ્યા અગાઉ કર્યું હતું, તેણે રેકોર્ડની સંમતિ આપી નહોતી. જો તેણે વધુ રચનાત્મક સામગ્રી આપી શકી હોત તો તેને ટાળી શકાયું હતો.[33] સમય જતાં તેણે તેનું બીજું અંગ્રેજી આલ્બમ સેલિન ડીયોન રીલીઝ કર્યું હતું. તેમાં તેણે નિર્માણ અને રેકોર્ડિંગ પ્રક્રિયા પર વધુ નિયંત્રણ મેળવ્યું હતું અને અગાઉ જેવી ટીકા ટાળવાનો પ્રયાસ કર્યો હતો. તેણે કહ્યું હતું કે બીજા આલ્બમ પર મેં કહ્યું હતું, 'સારું, મારી પાસે એક વધુ વખત ડરવાની તક છે અને સો ટકા ખુશ નથી અથવા ગભરાતી નથી અને આ આલ્બમનો એક ભાગ છું.' આ મારું આલ્મબ છે.[33] તે પછી રીલીઝ થયેલા આલ્બમમાં તેણે પોતાને નિર્માણમાં સાંકળવાનું ચાલુ રાખ્યું હતું અને લેટ્સ ટોક એબાઉટ લવ (1997) અને ધીસ આર સ્પેશિયલ ટાઇમ્સ (1998) પર તેના કેટલાંક ગીતો લખવામાં મદદ કરી હતી.[171]
ડીયોન અવારનવાર મીડિયાના ઉપહાસ અને મજાકનું પાત્ર બની છે[172] અને મેડટીવી , સેટરડે નાઇટ લાઇવ , સાઉથ પાર્ક , રોયલ કેનેડિયન એર ફાર્સ અને ધીસ અવર હેસ 22 મિનિટ્સ જેવા શો પર અવારનવાર તેની બોલવાની શૈલી અને સ્ટેજ પર હલનચલનની અવારનવાર નકલ કરવામાં આવે છે. જોકે ડીયોને જણાવ્યું છે કે તેના જીવન કે કાર્ય પર ટીપ્પણીઓની કોઈ અસર થઈ નથી, થતી નથી અને થવાની નથી અને લોકો પાસે તેની નકલ કરવાનો સમય છે તેનાથી તે ખુશ છે.[96] એટલું જ નહીં તેણે એના ગેસ્ટીયરને આમંત્રણ આપ્યું હતું જેણે એસએનએલ પર તેની પેરોડી ઉતારી હતી. તે તેના પર્ફોર્મન્સ દરમિયાન સ્ટેજ પર દેખાઈ હતી. તે રાજકીય વિચારો બહુ વ્યક્ત કરતી નથી ત્યારે 2005માં વિનાશક ચક્રવાત કેટિરના પછી તે લેરી કિંગ લાઇવ પર દેખાઈ હતી અને ચક્રવાતનો ભોગ બનેલા પીડિતોની સહાય માટે અમેરિકાની સરકારે આપેલા ધીમા પ્રતિસાદની ટીકા આંખમાં આંસૂ સાથે કરી હતીઃ હજુ અનેક લોકો છે જેઓ સહાયની રાહ જોઈ રહ્યાં છે. મારા માટે તો આ સ્વીકાર્ય જ નથી...અન્ય દેશમાં વિમાનો મોકલીને એક જ સેકન્ડમાં બધાને ખતમ કરી દેવાનું કેટલું સરળ છે. આપણે આપણા દેશની સેવા કરવાની જરૂર છે.[173] તેની મુલાકાત પછી તેણે કહ્યું હતું કે જ્યારે હું લેરિ કિંગ કે ટીવીના મોટો શોમાં મુલાકાત આપું છું ત્યારે તેઓ તમને તરત જ ટીવી પર રજૂ કરી દે છે, જે ખરેખર બહુ મુશ્કેલ છે. મારો પણ મત હોઈ શકે છે, પણ હું એક ગાયિકા છું. હું રાજકારણી નથી.'[174]
સેલિન ડીયોન પાંચ સ્વરાષ્ટક અવાજની વિવિધતા ધરાવે છે[175][176] અને અવારનવાર તેની ગણના પોપ સંગીતના સૌથી વધારે પ્રભાવશાળી અવાજોમાંના એક તરીકે થાય છે.[3][33][177] બ્લેન્ડર મેગેઝિન અને એમટીવી દ્વારા 22 ગ્રેટેસ્ટ વોઇસીસ ઇન મ્યુઝિકના કાઉન્ડડાઉનમાં તેને નવમું (મહિલાઓમાં છઠ્ઠું) સ્થાન અને કોવે મેગેઝિનની ધ 100 આઉટસ્ટેન્ડિંગ પોપ વોકાલિસ્ટ્સની યાદીમાં ચોથું સ્થાન મળ્યું હતું.[14][178][179] અવાજની શૈલી માટે ડીયોનની સરખામણી અવારનવાર મારિયા કારી સાથે અને અવાજ માટે તેના આદર્શ બાર્બરા સ્ટ્રીસેન્ડ સાથે થાય છે.[180] તેની કારકીર્દિની શરૂઆતમાં અનેક ટીકાકારોએ તેને તેના અવાજના નિયમન પરની કુશળતા માટે આવકારી હતી અને તેની ટેકનિકલ કળા અને તીવ્રતા બદલ પ્રશંસા કરી હતી.[181][182] તેના અવાજ વિશે ધ ન્યૂયોર્ક ટાઇમ્સે લખ્યું હતું કે, મિસ ડિયોન....ઊંચા, પાતળા, થોડા અનુનાસિક, તીવ્ર અવાજ ઉત્તમ છે. તે ટેકનિકલ કુશળતા ધરાવે છે. તે જાદુઈ મેલિસ્મસ આપી શકે છે, અવાજનો એક દોર ઊભો કરી શકે છે. અને તેના યુગલગીતો દર્શાવે છે કે તે વિશ્વસનિય સુમધુર સ્વર ધરાવે છે."[183]
ટાઇમ ના ચાર્લ્સ એલેકઝાન્ડરે લખ્યું છે કે ગીતની તાકાત મૂળે તેનો બ્રિગ-ધ-હાઉસ-ડાઉન અવાજ છે. તેના અવાજમાં ભારે ચડાવ ઉતાર છે."[28] સંગીતના મહાન ઉસ્તાદ ગણાતા કેન્ટ નાગાનો અને જીન-પિયર બ્રોસ્સમેનના જણાવ્યા મુજબ, ડીયોન એક સંગીતકાર છે, જેની પાસે સચોટ કાન છે અને સાથેસાથે ભેદ પારખવાની ક્ષમતા અને સચોટતા છે, જે ઇર્ષ્યા ઉપજાવે છે.[184] ઓલમ્યુઝિક ના સમીક્ષક સ્ટીફન થોમસ અર્લીવાઇને લખ્યું છે કે ડીયોન કુદરતી આકર્ષક અવાજ અને પ્રયાસ વિના ભવ્યતા સાથે ગાય છે.[185]
તેના ફ્રેન્ચ ગીતોના સંગ્રહમાં ડીયોને વધુ ઘોંઘાટ અને સૂરના આરોહ-અવરોહનો વધારો ઉપયોગ કરી તેના અવાજને જુદો આપ આપ્યો હતો. તેમાં તેની લાગણીસભર સંવેદનશીલતા વધુ કોમળ અને વ્યક્તિગત છે.[186] તેના માટે કેટલાંક ગીતો લખનાર લ્યુક પ્લામોન્ડનના જણાવ્યા મુજબ, તેમાં ત્રણ ગાયક છેઃ ક્યુબીકોઇઝ, ફ્રેન્ચ અને અંગ્રેજી.
કારકીર્દિની શરૂઆતમાં તેના અવાજ પર નિયમન માટે પ્રશંસા પામેલ ડીયોનના અવાજનું પર્ફોર્મન્સ તેના સમકાલીન ખાસ કરીને વ્હીટની હાઉસ્ટન અને મારીયા કારીની વધારે નજીક આવ્યું હતું [187]અને તેના અગાઉના કામના ભાગરૂપે એક સમયે વધુ પડતું અને શુષ્ક માટે તેની ભારે ટીકા થઈ હતી.[49][188] એક સમીક્ષકે નોંધ્યું હતું કે તેના સુંદર અવાજમાં લાગણીઓ અનુભવાતી ન હોય તેવું લાગે છે અને તેના કારણે હ્રદયમાંથી નીકળતા લાગણીના પ્રવાહ કરતાં અવાજનો અનુભવ વધારે થાય છે.[189]
ડિઓન 1990માં તેની ફ્રેન્ચાઇઝ રેસ્ટોરાં નિકેલ્સ ની સ્થાપના સાથે ઉદ્યોગ સાહસિક બની છે. તે પછી તેણે તેનો રસ ચેઇનમાં વાળ્યો છે અને 1997થી નિકેલ્સ થી છૂટી પડી ગઈ છે તે આઇવેર અને કોટી, ઇન્ક દ્વારા ઉત્પાદિત અનેક પર્ફયુમ પણ ધરાવે છે.[190][191][192] ઓક્ટોબર, 2004માં કેનેડાની રાષ્ટ્રીય કે સરકારી એર કેરિયર એર કેનેડાએ તેને નવા પ્રમોશનલ કેમ્પેઇનના ભાગરૂપે ડિઓનને લીધી હતી. તે સમયે એરલાઇને નવી ઇન-ફલાઇટ સેવા ઉત્પાદનો બહાર પાડ્યાં હતાં અને એરક્રાફ્ટ તથા કર્મચારીઓના ગણવેશને નવું સ્વરૂપ આપ્યું હતું. ડિઓને ગાયેલું થીમ સોંગ યુ એન્ડ આઈ એર કેનેડા માટે કાર્યરત એડવર્ટાઇઝિંગ એક્ઝિક્યુટિવ્સ દ્વારા લખાયું હતું.[193] વર્ષ 2003માં ડિઓન સેલિન ડિઓન પર્ફયુમ્સ લોંચ કરવા કોટી સાથે સોદો કર્યો હતો.[194] એપ્રિલ, 2009માં ડિઓને તેની છઠ્ઠું પર્ફયુમ ચિક પણ લોંચ કર્યું હતું.[195] 2003માં શરૂ થયેલ સેલિન ડિઓન પર્ફયુમ ની શ્રેણીએ રીટેલ વેચાણમાં 50 કરોડ ડોલરનો વકરો કરી લીધો છે.[196]
દુનિયાની અનેક સેવાભાવી સંસ્થાઓમાં ડિઓન સક્રિય છે. તે વર્ષ 1982થી કેનેડિયન સીસ્ટિક ફાઇબ્રોસિસ ફાઉન્ડેશન (સીસીએફએફ)ને પ્રમોટ કરે છે અને 1993માં આ ફાઉન્ડેશનની નેશનલ સેલિબ્રિટી પેટ્રોન બની છે.[197] તે આ ફાઉન્ડેશન સાથે લાગણી સાથે જોડાયેલી છે, તેની ભત્રીજી કેરિન 16 વર્ષની વયે આ રોગનો ભોગ બનીને મૃત્યુ પામી હતી. 2003માં ડિઓને મેકડોનાલ્ડ્સ દ્વારા આંતરરાષ્ટ્રીય બાળ દિવસને સમર્થન આપવા પ્રાયોજિત વૈશ્વિક ભંડોળ ઊભું કરવાના પ્રયાસના ભાગરૂપે અનેક સેલિબ્રિટીઓ, એથ્લેટ્સ અને રાજકારણીઓને એક મંચ પર એકત્રિત કર્યા હતા, જેમાં જોશ ગ્રોબન અને યોલાન્ડા એડમ્સ સામેલ હતા. ભંડોળ ઊભું કરવાનો પ્રયાસ 100 કરતાં વધારે દેશમાં થયો હતો અને તેનો ફાયદો અનેક અનાથ બાળકો અને બાળકોની સ્વાસ્થ્ય સાથે જોડાયેલી સંસ્થાઓને થયો હતો. ડિઓન ટી જે માર્ટેલ ફાઉન્ડેશન, ડાયેના પ્રિન્સેસ ઓફ વેલ્સ મેમોરિયલ ફંડ અને અન્ય આરોગ્ય અને શિક્ષણ અભિયાનની પણ મુખ્ય સમર્થક છે. તેણે કેટરિના ચક્રવાતના પીડિતોને પણ 10 લાખ ડોલરનું દાન કર્યું હતું અને વર્ષ 2004માં એશિયાના દેશોમાં આવેલા વિનાશક સુનામીના પીડિતો માટે ભંડોળ ઊભું કરવા એક કાર્યક્રમનું આયોજન પણ કર્યું હતું, જેમાં દસ લાખ ડોલર કરતાં વધારેનું ભંડોળ એકત્ર થયું હતું.[198] સિયાચીનમાં 2008માં આવેલા ધરતીકંપ પછી સેલિને ચીન ચિલ્ડ્રન્સ એન્ડ ટીનેજર્સ ફંડને એક લાખ ડોલર કરતાં વધારેનું દાન કર્યું હતું અને પોતાના સાથસહકાર અને દિલાસાનો પત્ર પણ લખ્યો હતો.[199]
1999માં સેલિન ડીઓનને કેનેડાનો વોક ઓફ ફેમ સ્ટાર અને જાન્યુઆરી, 2004માં હોલીવૂડ વોક ઓફ ફેમ પર સ્ટાર મળ્યો હતો.[200][201] તેણે તેનો સ્ટાર તેના પિતાને અર્પણ કર્યો હતો, જેઓ એક મહિના પહેલાં જ મૃત્યુ પામ્યા હતાં. 2007માં સેલિનને ફોર્બ્સ મેગેઝિન દ્વારા 25 કરોડ ડોલરની ચોખ્ખી સંપત્તિ સાથે મનોરંજન ક્ષેત્રમાં દુનિયાની પાંચમી ધનિક મહિલા જાહેર કરવામાં આવી હતી.[202] તેને મે, 2008માં ફ્રાન્સનો સર્વોચ્ચ એવોર્ડ Légion d'honneur મળ્યો હતો. ઓગસ્ટ, 2008માં તેને ક્વિબેક સિટીમાં યુનિવર્સિટી લવાલમાંથી મ્યુઝિકમાં માનદ ડોક્ટરેટની ઉપાધિ એનાયત કરવામાં આવી હતી.[203]
અંગ્રેજી ભાષામાં સ્ટુડિયો આલ્બમ
|
ફ્રેન્ચ ભાષામાં સ્ટુડિયો આલ્બમ
|
Year | Single | Peak positions | |||
---|---|---|---|---|---|
કેનેડા | અમેરિકા | યુકે | ફ્રાન્સ | ||
1990 | "વ્હેર ડસ માય હાર્ટ બીટ નાવ" | 6 | 4 | 72 | 20 |
1992 | "ઇફ યુ આસ્ક્ડ મી ટુ" | 3 | 4 | 57 | — |
"બ્યૂટી એન્ડ ધ બીસ્ટ" (પીયાબો બ્રાયસ) સાથે યુગલગીત | 2 | 9 | 9 | — | |
1993 | "ધ પાવર ઓફ લવ" | 1 | 1 | 4 | 3 |
"Un garçon pas comme les autres (Ziggy)" | — | — | — | 2 | |
1994 | "થિંક ટ્વાઇસ" | 14 | 95 | 1 | — |
1995 | "Pour que tu m'aimes encore" | — | — | 7 | 1 |
"Je sais pas" | — | — | — | 1 | |
"બીકોઝ યુ લવ્ડ મી" | 1 | 1 | 5 | 19 | |
1996 | "ઇટ્સ ઓલ કમિંબ બેક ટુ મી નાવ" | 2 | 2 | 3 | 13 |
"ઓલ બાય માયસેલ્ફ" | — | 4 | 6 | 5 | |
1997 | "ટેલ હિમ" (બાર્બરા સ્ટ્રીસેન્ડ) સાથે યુગલગીત | 12 | — | 3 | 4 |
1998 | "ધ રીઝન" | — | — | 11 | 1 |
"માય હાર્ટ વિલ ગો ઓન" | 14 | 1 | 1 | 1 | |
"ઇમોર્ટાલિટી"(બી ગીસ) સાથે યુગલગીત | — | — | 5 | 15 | |
"આઇ એમ યોર એન્જલ" (આર. કેલી) સાથે યુગલગીત | 37 | 1 | 3 | 97 | |
"S'il suffisait d'aimer" | — | — | — | 4 | |
2000 | "આ વોન્ટ યુ ટુ નીડ મી" | 1 | — | — | — |
2001 | "Sous le vent" (ગેરૌ) સાથે યુગલગીત | 14 | — | — | 1 |
2002 | "એ ન્યૂ ડે હેસ કમ" | 2 | 22 | 7 | 23 |
2003 | "આઇ ડ્રો ઓલ નાઇટ" | 1 | 45 | 27 | 22 |
"Tout l'or des hommes" | 2 | — | — | 3 | |
2005 | "Je ne vous oublie pas" | — | — | — | 2 |
2007 | "Et s'il n'en restait qu'une (je serais celle-là)" | — | — | — | — |
વર્ષ | ટાઇટલ | ફોર્મેટ |
---|---|---|
1983–1984 | Les chemins de ma maison tournée | - |
1985 | C'est pour toi tournée | Vinyl Céline Dion en concert |
1988 | Incognito tournée | - |
1990–1991 | યુનિઝન ટૂર | વીએચએસ યુનિઝન |
1992–1993 | સેલિન ડીયોન ટૂર | - |
1994–1995 | કલર ઓફ માય લવ ટૂર | વીએચએસ/ડીવીડી ધ કલર ઓફ માય લવ કોન્સર્ટ ; સીડી À l'Olympia |
1995 | ડીયુક્સ ટૂર | વીએચએસ/ડીવીડી Live à Paris ; સીડી Live à Paris |
1996–1997 | ફોલિંગ ઇનટુ યુ ટૂર | વીએચએસ લાઇવ ઇન મેમ્ફિસ |
1998–1999 | લેટ્સ ટોક એબાઉટ લવ ટૂર | વીએચએસ/ડીવીડી Au cœur du stade ; સીડી Au cœur du stade |
2003–2007 | એ ન્યૂ ડે... | ડીવીડી/બીડી લાઇવ ઇન લાસ વેગાસ - એ ન્યૂ ડે... ; સીડી એ ન્યૂ ડે... લાઇવ ઇન લાસ વેગાસ |
2008–2009 | ટેકિંગ ચાન્સ ટૂર | ડીવીડી Céline sur les Plaines ; ડીવીડી/બીડી Live à Quebec ; ટેકિંગ ચાન્સિસ ટૂર |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.