From Wikipedia, the free encyclopedia
Abraham Lincoln (Hodgenville, Kentucky, 12 jasykõi ary 1809 - Washington D. C., 15 jasyrundy ary 1865-pe) ha'e akue karai ojokuaikuaáva ha avogádo Tetãvore Joapykuéra pegua omba'apo hetãre 16ha tendota ramo Tetãvore Joapykuéra pegua jasyapy 1861 guive ojejukávo jasyrundy 1865 peve.[1][2] Abraham Lincoln omboguata pu'akáre Tetãvore Joapykuérape ku Ñembovo Ñorairõme (Guerra de Secesión), upe jave avei oñangareko ani hag̃ua oñombojei umi tetãvore, ojapouka ani hag̃ua oiko tembiguái reko, omombarete hetã ñesãmbyhy ha ombopyahu hetã pirapirére ñemba'apo.
Ary 1860 Lincoln ohupi tendota ramo, hákatu umi tetãvore ñemby pegua naiporãi ichupekuéra upéicha, Lincoln ojapoukaségui ani hag̃ua oiko tembiguái reko hetãme, upévare umi tetãvore ñemby pegua oñembojeise umi tetãvore ambuévagui, upéicharõ oiko upe Ñembovo Ñorairõ (umi tetãvore yvate pegua ha umi tetãvore ñemby pegua oñorairõ). Abraham Lincoln heta omba'apo opa hag̃ua ku ñorairõ ha tembiguái reko avei, ani hag̃ua oñombojei umi tetãvore ha toiko hetãme jekopytyjoja.
Ñorairõ ipahápe, Lincoln oñepyrũ omba'apo hetã ñemopu'ã jey rehe ha hetã ñemopeteĩre. Ára 14 jasyrundy ary 1865-pe, 5 ára ohasa omotindy rire umi oñorairõva ombovo hag̃ua Tetãvore Joapykuérape, karai ñorairõhára Robert E. Lee oikévo Tetãvore Joapykuéra ipoguýpe, karai John Wilkes Booth ojuka Lincoln, naiporãitéigui chupe Tetãvore Joapykuéra ipu'akaha. Upe guive, tapichakuéra ha tembiasakuére oñemoarandúva ohechakuaa Abraham Lincoln ha'e peteĩ umi tendota porãvéva pegua oisãmbyhy Tetãvore Joapykuérape.[3][4]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.