FIFA Tembiesarái Yvypavẽ 2022 (ingleñe'ẽ: 2022 FIFA World Cup Qatar; ha áraveñe'ẽme: بطولة كأس العالم لكرة القدم)[1] ha'e akue pe Vakapipopo Tembiesarái Yvypavẽ oha'ãva Kuimba'e mokõipa mokõiha, ojapova'ekue FIFA. Kóva ojejapo tetã Katárape, ára 20 jasypateĩ guive ha ára 18 jasypakõi meve ary 2022 jave, Kátarape oiko jave araroguekúi, Kátarape oñeme'ẽ umi akatúa ojapo hag̃ua kóva 2 jasypakõi ary 2010-pe.[2]
.svg)
Kóva ha'e pe mbohapyha Vakapipopo Tembiesarái Yvypavẽ ojejapova Ásiape, pe Hapõ-Ñemby Korea 2002 pegua, ha pe Rrúsia pegua ary 2018-pe (jepémo ko paha pegua oguereko peteĩ sede Ásia yvyvusupe);[3] ha pe peteĩha ojejapova Ásia Kuarahyreikepe, ha avei, peteĩha ojejapova Kuarahyresẽ, peteĩ tetã áravepe ha itetãygua hetaveva ha'eva musulmã, ha avei pe michĩveva oguerekóva yvy.[4]
Avei kóva ha'e pe Vakapipopo Tembiesarái Yvypavẽ oñeha’arõve, 1950 pegua rire, kóva oñepyrũ jasypateĩme ha opa jasypakõime 2022 peguape, ha ndaha’éivo umi jepiguáicha jasypoteĩ ha jasypokõi. Avei kóva ha'e pe Vakapipopp Tembiesarái Yvypavẽ imbykyvéva 1978 rire, kóva ojejapo 29 ára pukukuepe, ndaha'éivo umi jepiguáicha 32 ára pukukue, árakuéra ndaha’éiva ojeipuruva umi Vakapipopo Tembiesarái Yvypavẽ ipahaguévaicha.[5][6]
Kóva ha'e pe hetaveva ojejapova gol: 172 (2.69 peteĩ ñeha'ãme). Pe peteĩha jerepe oñemo'inge 120 gol, kóva ha'e pe mokõiha Vakapipopo Tembiesarái Yvypavẽ michĩveva omo'ingeva gol aravore atype oñemo'inge rire 32 tetãme, oguerekovo pe ojehopytyva'ekue Yvyáfrika 2010-pe ojejapohape 101 gol, avei Hyãsia 1998 rire kóva ha'e pe Vakapipopo Tembiesarái Yvypavẽ nda'ipoihape peteĩ tetã ipu'akava umi 3 ñeha'ãme. UEFA ha AFC ha'e umi imbareteveva upe fase-pe, ohasavo poapy paapygui UEFA pegua, ha peteĩha jey tembiasakuepe, ohasa mbohapy tetã Ásiagua poteĩgui. ambue hendáicha, Conmebol katu ombohasa mokõi umi irundy ombomyakãva chupe, ambuepe katu Concacaf ha CAF omboporiahuvereko, kóvapy peteĩ Yvateamérikagui ohasa Aty Ñeha'ãgui, ha Áfrikagui katu ohasa mokõi pogui. Umi ndohasa'iva apýtepe ojehecha Véyhika, Uruguái, Alemáña, ha avei Katára, oikóva pe tetã ojapova peteĩ Vakapipopo Tembiesarái Yvypavẽ ivaiveva peteĩ Vakapipopp Tembiesarái Yvypavẽpe, ha pe mokõiha opytava okape Aty ñeha'ãme.[7]
Poapyha ñeha'ãne, Ñembyamérika ombohosa umi mokõi tetã ohasava'ekue aty ñeha'ãgui umia ha'e Arahentína ha Pindoráma, jepémo irundyha ñeha'ãme ohasa Arahentína añoite, kóva ohasa paha mboyve ñeha'ãme, umi mokõi Európagua: Hyãsia ha Kyóasia, kóva jeve Marruéko oiko pe peteĩha tetã Áfrikagua ohasava paha mboyve ñeha'ãme.
Arahentína oiko FIFA Tembiesarái Yvypavẽ 2022 campeón, oĩva Lionel Messi poguýpe, ipu'aka rire Hyãsiare 4-2 penal-pe, opyta rire hikuái 3-3. Ko'icháite Arahentína oiko mbohapyha campeón irembiasakuepe (pe Vakapipopo Tembiesarái Yvypavẽ oikohape campeón ipahaveva ha'e pe Méhiko 1986).
Mandu'apy
Joaju
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
