forza

Substantivo feminino

forza (sg: forza; pl: forzas)

1. Capacidade para mover, deformar ou empuxar algo ou a alguén que posúe algún tipo de resistencia, de facer algo duro, con intensidade para vencer a resistencia.
   • Sinónimos: ánimo, azo, enerxía, ímpeto, fortaleza, violencia.
2. Capacidade espiritual ou moral para levar a cabo unha acción ou soportar unha carga física ou mental.
   • Sinónimos: fortaleza, vigor.
   • Antónimos: debilidade, frouxidade.
3. Acto violento exercido contra algo ou alguén, para obrigalo a comportarse de certo xeito e conseguir un obxectivo.
4. (Física) Calquera acción ou influencia que produce unha variación no estado de equilibrio ou de movemento dun corpo, é dicir, capaz de deformalo ou de imprimirlle unha aceleración. Magnitude vectorial medible cun dinamómetro, o newton é a súa unidade no SI.
5. Calquera cousa que ten o poder de producir un efecto de influencia sobre algo ou alguén.
6. Grupo de xente organizada que ten algún obxectivo, de seguridade, político, militar...
7. Corrente eléctrica (a transformación de enerxía eléctrica en forza).
   • Sinónimos: corrente, corrente eléctrica, electricidade, fluído, fluído eléctrico, luz.

Termos relacionados

• forte
• forzar

Traducións

• Castelán: fuerza ^(es).
• Francés: force ^(fr).
• Italiano: forza ^(it).
• Neerlandés: kracht ^(nl).
• Valón: foice ^(wa)

Castelán