Walter Jonathan Andrew, nado en Derbyshire en 1859 e finado en 1934, foi un numismático e arqueólogo afeccionado británico.
| Biografía | |
|---|---|
| Nacemento | 1859. |
| Morte | 1934. |
| 2º Presidente da Sociedade Numismática Británica | |
| 1909 – 1909 ← Philip W. P. Carlyon-Britton – Philip W. P. Carlyon-Britton →  | |
| Datos persoais | |
| País de nacionalidade |  Británica |
| Q89547790 | Fundador da British Numismatic Society. |
| Actividade | |
| Campo de traballo | Numismática e arqueoloxía. |
| Ocupación | numismático |
| Premios | |
| 1914: Medalla Sanford Saltus (BNS). | |
Traxectoria
Primeiros anos e formación
Walter Jonathan Andrew naceu en Derbyshire en 1859, no seo dunha familia coñecida pola súa implicación en asuntos cívicos. Asistiu á escola de Rugby, Warwickshire, e titulouse como avogado en 1882.[1]
Aruqeoloxía e numismática
Á marxe do mundo do Dereito, Andrew tiña outros variados intereses, sinaladamente a arqueoloxía e a numismática. Formou parte do grupo de afeccionados á numismática que en 1903 fundaron a British Numismatic Society,[2] entidade da que foi o seu segundo presidente, entre 1909 e 1910,[3] e tamén foi elixido membro da Sociedade de Anticuarios de Londres, en 1902,[4] e do Hampshire Field Club and Archaeological Society.[1]
Como afeccionado á arqueoloxía participou na escavación na que se achou unha importante cunca saxoa en Oliver's Battery, Hampshire, hoxe depositada no Winchester City Museum. A partir de 1927, centrou o seu foco na descuberta da King John's House, un edificio medieval de pedra en Romsey, Hampshire,[5] da que logrou determinar, a través da investigación en rexistros, que fora construído polo rei Xoán I de Inglaterra e que posteriormente o seu fillo, Henrique III, llo concedera á abadía de Romsey. [1]
Outros intereses
Outros dos seus intereses eran a navegación en globo aerostático —recibiu a medalla de ouro da Balloon Society—, a historia natural —foi editor de honra da Derbyshire and Natural History Society— e o sendeirismo —pertenceu ao Manchester Pedestrian Club —. [1]
Recoñecementos
Publicacións
Estes son os traballos monográficos máis representativos dos publicados por Andrew ao longo da súa traxectoria:[7][8]
- (1901). A numismatic history of the reign of Henry I (1100-1135). 2 volumes. Separata de Numismatic Chronicle. Quaritch, Londres.
- (1903). Notes on ‘A numismatic history of the reign of Henry I.
- (1928). History of King John’s House, Romsey. Romsey.
- (1933). Numismatic sidelights on the battle of Brunanburh, A.D. 937. Harrison, Londres.
- (1934-1935). The die for Stephen's coinage in the Guildhall Museum, and secondary evidence there of an unpublished penny of Henry I. Separata de Numismatic Chronicle, Londres.
Notas
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
