Volume (magnitude)

O volume é a magnitude física que expresa a cantidade de espazo que ocupa un obxecto. A súa ecuación de dimensións é [V]=L³. A súa unidade no Sistema Internacional de Unidades é o metro cúbico (m³). Outra unidade moi empregada é o litro (l). Equivalencias: 1m³=1000l; 1l=10⁻³m³=1dm³

Unidades de volume

Pódense clasificar en tres categorías:

• Unidades de volume sólido. Miden o volume dun corpo utilizando unidades de lonxitude elevadas á terceira potencia. Dise volume sólido porque en xeometría emprégase para medir o espazo que ocupan os corpos tridimensionais, e dáse por entendido que o interior destes corpos non está oco, senón que é sólido.
• Unidades de volume líquido. Estas unidades foron creadas para medir o volume que ocupan os líquidos dentro dun recipiente.
• Unidades de volume de áridos, tamén chamadas tradicionalmente unidades de capacidade. Estas unidades foron creadas para medir o volume que ocupan as colleitas (legumes, tubérculos, forraxes e froitas) almacenadas nos celeiros. Estas unidades foron creadas porque antes non existían métodos adecuados para pesar todas as colleitas nun tempo breve, polo que era máis práctico facelo usando o volume. Actualmente estas unidades son pouco utilizadas.

Unidades de volume sólido

Sistema Internacional de Unidades

O metro cúbico é a unidade fundamental do SI para volumes. Debe considerarse cos seguintes múltiplos e submúltiplos:

Múltiplos

• Quilómetro cúbico
• Hectómetro cúbico
• Decámetro cúbico

Submúltiplos

• Decímetro cúbico
• Centímetro cúbico
• Milímetro cúbico

Sistema inglés de medidas

• Polgada cúbica
• Pé cúbico
• Iarda cúbica
• Acre-pé
• Milla cúbica

Unidades de volume líquido

Sistema Internacional de Unidades

A unidade máis usada é o litro, pero debe ser considerada cos seguintes múltiplos e submúltiplos:

Múltiplos

• Quilolitro
• Hectolitro
• Decalitro

Submúltiplos

• Decilitro
• Centilitro
• Mililitro

Sistema inglés de medidas

No Reino Unido e Estados Unidos

• Barril
• Galón
• Cuarto
• Pinta
• Gill
• Onza líquida
• Dracma líquido
• Escrúpulo líquido (exclusivo do Reino Unido)
• Minim

Medidas usadas na cociña

• Culleradiña
• Cullerada
• Cunca