Uther Pendragon

Uther Pendragon (tamén coñecido como Uter Pendragon, Uterpandragón, o Uthr, das voces galesas Wthyr Bendragon, Uthr Bendragon, Uthyr Pendraeg) é un rei mítico da Britania posromana e pai do Rei Artur.

Uther Pendragon
Representación de Uther Pendragon por Howard Pyle, 1903.
Tipo	persoa que podería ser ficticia
Obra
Presente na obra Historia Regum Britanniae Le Morte d'Arthur
Interpretado por	Anthony Head, Gabriel Byrne, Eric Bana, Mark Lewis Jones e Sebastian Koch
Biografía
Sexo	home
Actividade
Ocupación	monarca
Cargo ocupado	rei
Familia
Pai	Constantino III de Bretaña
Cónxuxe	Igraine
Irmá/n	Ambrosius Aurelianus, Digain, Meirchion e Erbin de Dumnonia
Fillo/a	Rei Artur e Madoc ap Uthyr
[ Wikidata ]

Existen algunhas referencias de menor importancia a Uther que aparecen en poemas en galés antigo, pero a súa biografía foi escrita por vez primeira por Godofredo de Monmouth no seu libro Historia Regum Britanniae. Foi esa biografía a que se empregou nas versións que se fixeron posteriormente.

É un individuo bastante ambiguo na literatura e é descrito como un rei forte e defensor do pobo. De acordo coas lendas artúricas, Uther, a través das circunstancias e coa axuda de Merlín, consegue a muller do seu inimigo Gorlois, Igraine, e déitase con ela. Deste xeito, o Rei Artur é un fillo ilexítimo.

Pendragon

É probábel que o apelido de Uther sexa un epíteto que significa literalmente "cabeza do dragón", que se cadra nun sentido figurado refírese a un "Xefe guerreiro". Nas historias máis antigas, Uther é nomeado "Pendragon" porque é testemuña dun gran cometa en forma de dragón, o que o inspira para empregar dragóns nos seus pendóns. Outras versións posteriores narran que Aurelio Ambrosio foi quen presenciou o paso do cometa, e cando morreu pediulle a Uther que adoptara o epíteto Pendragon na súa honra. Para rematar, segundo os últimos estudos sobre a historiografía do mito artúrico, Uther podería ser un dos nomes que adoptou Rómulo Augústulo, (o derradeiro emperador romano trala toma de Odoacro e os hérulos de Rávena, na súa posterior fuxida a Inglaterra). Alí enfrontaríase ás invasións dos saxóns aliándose ós britano-romanos e dando orixe ás lendas artúricas.

Véxase tamén

Ligazóns externas

• Bromwich, Rachel (2006). Trioedd Ynys Prydein: The Triads of the Island of Britain. University of Wales Press. ISBN 0-7083-1386-8.