O Trofeo Teresa Herrera Feminino é un torneo de fútbol feminino de carácter amigábel que ten lugar cada ano na cidade da Coruña, desde 2013.
| Tipo | torneo amistoso de fútbol  |
|---|---|
| Epónimo | Teresa Herrera |
| Organizador | Concello da Coruña |
| Localización e Datas | |
| Localización | estadio de Riazor (A Coruña) 43°22′07″N 8°25′03″O |
| País | España |
| Vixencia | 2013 – |
O torneo naceu en 2013, organizado polo Concello da Coruña, como a versión feminina do histórico Trofeo Teresa Herrera que levaba disputándose dende 1946.[1] A primeira edición enfrontou a dous equipos coruñeses, o Victoria CF e o Orzán SD, o 7 de outubro de 2013 no campo Rodrigo García Vizoso da Grela. Gañou por 3 goles a cero o Victoria,[2] que revalidou o título ao ano seguinte fronte ao Boavista FC portugués, xa en Riazor.[3]
En 2015 participou por primeira vez un equipo da Primeira División, o Rayo Vallecano, que goleou por 7-0 ao Victoria CF.[4] Ao ano seguinte a gran novidade foi o Deportivo da Coruña Feminino, unha sección do club que se acababa de recuperar despois de décadas de ausencia. As branquiazuis conseguiron o título despois de derrotar na quenda de penaltis ao Villarreal.[5] En 2017 e 2018 as vencedoras foron as xogadoras do Athletic de Bilbao, derrotando pola mínima nas dúas ocasións ao Deportivo, que caeu tamén en 2019 fronte ao UD Granadilla Tenerife (1-5).
En 2020 a pandemia de COVID-19 paralizou as competicións deportivas en case todo o mundo e cando estas regresaron fixérono a porta pechada ou con importantes restricións de capacidade. Con esta situación parecía que o ano remataría sen Teresa Herrera, pero en decembro anunciouse que, ao igual que o trofeo masculino, o feminino celebraríase o día 20, entre o Victoria CF e o Deportivo Feminino B, debido a que o primeiro equipo tiña partido de liga.[6][7] O triunfo foi para o filial branquiazul despois de empatar a un gol e chegar aos penaltis.[8]
| Nº | Ano | Campión | Final[n 1] | Subcampión |
|---|---|---|---|---|
| I | 2013 |  Victoria CF |
3−0 | Orzán SD |
| II | 2014 | Victoria CF |
2−1 |  Boavista FC |
| III | 2015 |  Rayo Vallecano |
7−0 | Victoria CF |
| IV | 2016 | Deportivo da Coruña |
2−2 (4−3) | Villarreal |
| V | 2017 | Athletic Club |
1−0 | Deportivo da Coruña |
| VI | 2018 | Athletic Club |
1−0 | Deportivo da Coruña |
| VII | 2019 | UD Granadilla Tenerife |
5−1 | Deportivo da Coruña |
| VIII | 2020 | Deportivo da Coruña B |
1-1 (5−3) | Victoria CF |
| IX | 2021 | Valadares Gaia |
0−0 (5−4) | Deportivo da Coruña |
| X | 2022 | Deportivo da Coruña |
2−2 (5−3) | Famalicão |
| XI | 2023 | Deportivo da Coruña |
2−0 | Alavés Gloriosas |
| XII | 2024 | Deportivo da Coruña |
2−1 | Athletic Club |
- En pequeno, resultado da quenda de penaltis.
| Equipo | Títulos | Anos |
| Deportivo da Coruña |
4 | 2016, 2022, 2023, 2024 |
| Victoria CF |
2 | 2013, 2014, |
| Athletic Club |
2 | 2017, 2018 |
| Rayo Vallecano |
1 | 2015 |
| UD Granadilla Tenerife |
1 | 2019 |
| Deportivo da Coruña B |
1 | 2020 |
| Valadares Gaia |
1 | 2021 |
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
