TotalBiscuit

John Bain, nado o 8 de xullo de 1984 en Spennymoor, Inglaterra, e finado o 24 de maio de 2018, máis coñecido polos seus alcumes de TotalBiscuit, The Cynical Brit, e TotalHalibut, foi un comentarista e crítico de videoxogos, realizando o seu traballo principalmente nas plataformas de YouTube e Twitch.tv. Segundo Eurogamer, os seus vídeos sobre novos videoxogos indie e as súas análises regulares sobre novas relacionadas co mundo dos videoxogos levárono a conseguir unha considerable cantidade de seguidores.^[1] O 13 de marzo de 2013 acadou o millón de subscritores na súa canle de YouTube, ocasión pola que publicou un vídeo de media hora de duración comentando diversos aspectos da súa vida.^[2]

John Bain

Biografía
Nacemento	(en-gb) John Peter Bain 8 de xullo de 1984 Spennymoor, Durham Inglaterra
Morte	24 de maio de 2018 (33 anos) Charlotte, Carolina do Norte
Causa da morte	intestinal cancer (en)
Lugar de sepultura	valor descoñecido
Outros nomes	TotalBiscuit The Cynical Brit TotalHalibut
País de nacionalidade	Reino Unido
Relixión	Deísmo
Educación	De Montfort University (en)
Actividade
Ocupación	Comentarista de eSports, crítico de videoxogos
Período de actividade	2005 - 2018
Deporte	desporto eletrónico (pt)
Disciplina deportiva	Hearthstone Starcraft II (en)
Familia
Cónxuxe	Genna Bain
Fillos	Orion
Premios
(5 de decembro de 2014)  The Game Awards − Content Creator of the Year (en)

A principal fonte da súa popularidade foi a súa canle principal de YouTube, sendo a súa serie máis popular a titulada "WTF is...?", na que amosaba as súas primeiras impresións sobre videoxogos de nova publicación.^[3] Segundo Will Porter de Eurogamer suxeriu que a súa popularidade debíase ao "ton de autoridade" da súa voz,^[1] mentres que o mesmo TotalBiscuit declarou que a chave do seu éxito eran a súa honestidade e personalidade.^[3] En xaneiro de 2015 Totalbiscuit converteuse no primeiro curador da plataforma Steam, cuns 400 000 seguidores.^[4]

Foi nomeado nos premios Golden Joystick de 2012 na categoría de Greatest YouTube Gamer,^[5] e o 5 de decembro de 2014 recibiu o premio do público nos The Game Awards na categoría "Trending Gamer".^[6]

Notas

1. Porter, Will. "The cult of TotalBiscuit". EuroGamer (en inglés). Consultado o 31 de decembro de 2012.
2. Bain, John. "1 Million Subscribers Vlog" (en inglés). Consultado o 14 de marzo de 2013.
3. Calvin, Alex (2014-05-06). "WTF is... TotalBiscuit?" (en inglés). Consultado o 2014-10-19.
4. "Top Steam Curators". Steam Store (en inglés). Consultado o 2015-01-27.
5. "Golden Joystick Award Winners 2012" (en inglés). Arquivado dende o orixinal o 17 de xaneiro de 2013. Consultado o 13 de novembro 2012.
6. "The Game Awards Nominees 2014" (en inglés). Arquivado dende o orixinal o 14 de novembro de 2015. Consultado o 6 de decembro de 2014.

Véxase tamén

Ligazóns externas

• TotalBiscuit no YouTube (en inglés).