programa de televisión da BBC (2002–2022) From Wikipedia, the free encyclopedia
Top Gear é un programa de televisión da BBC Two británica no que se trata a actualidade do mundo dos automóbiles dun xeito humorístico. Comezou a emitirse no ano 1977, e dende 2002 está presentado por Jeremy Clarkson, Richard Hammond e James May, coa colaboración dun piloto anónimo alcumado The Stig. A súa audiencia estimada no mundo enteiro é duns 350 millóns de espectadores. En Galicia pode verse polas canles Energy e Cuatro.
 (De esquerda a dereita) Richard Hammond, James May e Jeremy Clarkson, presentadores de Top Gear. | |
| Xénero | Motor |
|---|---|
| Formato | Documental |
| Dirixido por | Brian Klein |
| Intérpretes | Jeremy Clarkson Jason Dawe (2002) Richard Hammond James May (2003-) "The Stig" |
| Tema de apertura | The Allman Brothers Band – Jessica (instrumental) |
| País de orixe |  Reino Unido |
| Lingua(s) | Inglés |
| Temporadas | 20 |
| Episodios | 152 (incluíndo 3 especiais) |
| Produtor(es) executivo(s) | Andy Wilman |
| Produtor(es) | Lloyd Washbrook |
| Editor(es) | Guy Savin Dan James |
| Localización(s) | Dunsfold Park, Dunsfold, Surrey, Inglaterra, Reino Unido |
| Duración | 60 minutos |
| Distribuidor | BBC Worldwide |
| Canle de orixe | BBC Two BBC HD |
| Formato de imaxe | (SDTV) 576i (Series 1–13) (HDTV) 1080i (Series 14–presente & Especial Polo) |
| Formato de son | Dolby Digital Stereo |
| Primeiro episodio | 1977–2001 20 de outubro de 2002 |
| Na rede | |
| https://www.topgear.com | |
          | |
| [ editar datos en Wikidata ] | |
O plató do programa está situado a carón do aeródromo de Dunsfold, en Surrey, no cal proban os coches. Nunha das seccións do programa meten a xente famosa dentro dun vehículo barato e miden o tempo que lles leva percorrer o circuíto, para logo facerlle unha entrevista e ver gravada a súa mellor volta. Noutra sección, The Stig fai o mesmo con coches deportivos, e logo colócanos nunha táboa segundo o tempo que marcan na súa mellor volta.
Unha das características propias do programa é facer competicións entre varios vehículos, conducidos polos presentadores, ou inventar modificacións absurdas para sacar conclusións confusas. O programa adoita comparar modelos de coche británicos con outros modelos de coche, sobre todo alemáns, facendo ver unha suposta superioridade no seu produto local.
O éxito internacional de Top Gear provocou a aparición de varios programas xemelgos noutros países, como Estados Unidos, Rusia, Australia e Corea do Sur.
Cada ano, ao fin do outono, elixen o que consideran mellor coche do ano. O único requisito para a elección do gañador é que os tres presentadores deben facer a elección unánime. Os gañadores foron:
| Ano | Modelo | Imaxe |
|---|---|---|
| Coche do ano segundo Top Gear | ||
| 2002 | Land Rover Range Rover |  |
| 2003 | Rolls-Royce Phantom |  |
| 2004 | Volkswagen Golf GTI | _GTI_Performance_5-door_hatchback_(17405221714).jpg) |
| 2005 | Bugatti Veyron | ,_5._April_2012,_Düsseldorf.jpg) |
| 2006 | Lamborghini Gallardo Spyder | _LP_560-4_Spyder_(2014-04-14).jpg) |
| 2007 | Subaru Legacy Outback/Ford Mondeo |  |
| 2008 | Caterham Seven R500 |  |
| 2009 | Lamborghini Gallardo LP550-2 Valentino Balboni |  |
| 2010 | Citroën DS3 |  |
| 2011 | Range Rover Evoque |  |
| 2012 | Toyota GT86 | _GTS_coupe_(2012-06-24).jpg) |
| 2013 | Ford Fiesta ST |  |
| 2014 | BMW i8 |  |
Top Gear ten estado envolto en múltiples liortas e discusións polo seu formato informal e por uns diálogos politicamente incorrectos. No programa téñense feito mofas de homosexuais, xitanos, católicos, comunistas, a segunda guerra mundial e cualificacións xenófobas. Dependendo da cadea que emita os programas os diálogos e situacións poden ser censurados. No programa sobre o Polo Norte Clarkson e May conducían mentres tomaban gin tonics, a imaxe non foi emitida nalgunhas cadeas. No especial sobre Patagonia de 2014 o coche conducido por Clarkson levaba a placa de matrícula H982 FKL que foi interpretada por algúns coma unha referencia á Guerra das Malvinas. Os outros dous coches levaban placas N269 KNG e EKH 646J que serían o número de mortos británicos e arxentinos na Guerra das Malvinas. Segundo a BBC todo foi unha coincidencia.
En marzo de 2015 o presentador do programa Jeremy Clarkson foi suspendido pola BBC por unha disputa cun produtor[1].
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
