T. S. Eliot

Thomas Stearns Eliot, nado o 26 de setembro de 1888 e finado o 4 de xaneiro de 1965, foi un poeta, dramaturgo e crítico literario norteamericano. As súas obras considéranse parte do canon literario do século XX. Premio Nobel de Literatura 1948.

T. S. Eliot

(1934)
Biografía
Nacemento	(en) Thomas Stearns Eliot 26 de setembro de 1888 St. Louis, Estados Unidos de América
Morte	4 de xaneiro de 1965 (76 anos) Kensington (Reino Unido)
Causa da morte	Enfisema pulmonar
Lugar de sepultura	Church of Saint Michael (en)
Residencia	Misuri St. Louis Ash Street (en)
Relixión	Unitarismo e anglocatolicismo (pt)
Educación	Universidade de París Milton Academy (pt) Harvard College Merton College Universidade Harvard Eliot House (en)
Actividade
Ocupación	dramaturgo, letrista, guionista, escritor de literatura infantil, crítico, xornalista, escritor, profesor universitario, crítico social, poeta, escritor de contos, ensaísta, crítico literario, gañador do Premio Nobel
Período de actividade	1915 -
Empregador	Universidade de Chicago Birkbeck College
Membro de	Academia das Artes e das Ciencias dos Estados Unidos Academia Estadounidense das Artes e as Letras Phi Beta Kappa Academia Bávara de Belas Artes Accademia Nazionale dei Lincei James Joyce Society (en)
Xénero artístico	Poesía e crítica literaria
Movemento	Literatura modernista
Influencias	Dante Alighieri, Κυριάκος Χαραλαμπίδης, John Donne, Alfred Tennyson, James Frazer (pt) , Virxilio, John Ruskin, Ezra Pound, Gilbert Keith Chesterton, Matthew Arnold, Robert Browning (pt) , Samuel Johnson, Paul Valéry, Francis Herbert Bradley (pt) , Jules Laforgue, Charles Maurras, Evelyn Underhill, Richard Crashaw (pt) , William Butler Yeats, Charles Baudelaire, William Shakespeare, John Milton, Homero, Charles Dickens, Walt Whitman, Stéphane Mallarmé, Joseph Conrad, Immanuel Kant e F. Scott Fitzgerald
Obra
Obras destacables (1922) A terra baldía (1943) Four Quartets (en)
Arquivos en	Biblioteca Beinecke de Libros Raros e Manuscritos [ YCAL MSS 523] Biblioteca Nacional de Gales [ GBR/0272/HB] University of Maryland Libraries (en) [ 0066-LIT] Centro Harry Ransom [ MS-01300] Coleccións Especiais e Arquivos Universitarios da Universidade de Victoria [ SC041] Bodleian Library [ CMD ID 12459]
Familia
Cónxuxe	Valerie Eliot (1957–1965) Vivienne Haigh-Wood Eliot (1915–1947)
Pais	Henry Ware Eliot   e Charlotte Champe Stearns Eliot
Irmáns	Henry Ware Eliot Ada Eliot Sheffield Marian Cushing Eliot Margaret Dawes Eliot Theodora Sterling Eliot Charlotte Eliot
Premios
(1983)  Tony Award for Best Original Score (en) (1983)  Tony Award de Melhor Libreto de Musical (pt) (1981)  Laurence Olivier Award for Best New Musical (en) (1964)  Medalla Presidencial da Liberdade Concedido por Lyndon B. Johnson (1959)  Emerson-Thoreau Medal (en) (1952)  Q126658920 (1951)  doutor honoris causa pola Universidade de París (1948)  Premio Nobel de Literatura (1948)  Orde do Mérito das Ciencias e as Artes  Comendador das Artes e as Letras  Orde do Mérito do Reino Unido  Oficial da Lexión de Honra
Sinatura
Descrito pola fonte	Biblioteca dixital BEIC Obálky knih, Grande Enciclopedia Soviética (1926—1947)

Traxectoria

Naceu en St. Louis, Missouri, Estados Unidos. O seu pai, Henry Ware Eliot, dedicábase ós negocios e á banca. A súa nai, Charlotte Champe Stearns, tiña afeccións literarias, chegando a publicar algún libro.

Estudou na Smith Academy de St. Louis desde 1898 ata 1905. Pronto destacou en tódalas materias, desde o latín á física. En 1906 ingresou na Universidade Harvard, onde estudou grego, literatura inglesa, alemán, historia medieval e historia da arte.

Publicou poesía na revista da universidade. Interesouse polos poetas simbolistas franceses (Rimbaud, Verlaine, Tristan Corbière, Jules Laforgue etc.). Baixo este influxo, marchou a París en 1909, onde asistiu ás clases de Henri Bergson e Alain Fournier. Estudou tamén en profundidade a Dante e a John Donne, poeta metafísico inglés. Viaxou a Múnic e Italia. En 1911 volveu a Harvard e doutorouse en filosofía cunha tese sobre F. H. Bradley e o seu "coñecemento e experiencia". Tamén lle interesou a filosofía e a filoloxía hinduísta e o budismo.

En Harvard foi profesor axudante de filosofía. Coñeceu a Bertrand Russell, que acudiu como visitante a esa universidade, e este xúlgao o seu mellor alumno. Marchou cunha bolsa de estudos á Universidade de Marburg (Alemaña), pero, ante o inicio da guerra, fuxiu do país, trasladándose a Londres, onde coñeceu a Ezra Pound, que o introduciu no ambiente literario inglés. Neses anos coñece tamén a Virginia Woolf e o seu home, e ao novelista James Joyce, ao que admira. En 1927 adoptou a nacionalidade británica e converteuse ao anglicanismo.