Teresa Villaverde Pais

María Teresa Villaverde Pais, nada en Noia en 1960,^[1] é unha política galega do PPdeG e alcaldesa de Lousame dende o 20 de setembro de 2012.

Teresa Villaverde Pais

Biografía
Nacemento	1960 (63/64 anos) Noia, España
Alcaldesa de Lousame
2012 – ← Santiago Freire Abeijón
Datos persoais
Educación	Universidade de Santiago de Compostela
Actividade
Ocupación	mestra, política

Traxectoria

É licenciada en Filoloxía Hispánica e diplomada en Maxisterio pola Universidade de Santiago de Compostela. En 2003 foi elixida concelleira de Cultura e Educación no concello de Lousame no goberno de Santiago Freire, en 2007 pasou a ocupar a concellaría de Servizos Sociais e Cultura, e en 2011 foi concelleira de Cultura, Muller e Xuventude, ata que foi elixida alcaldesa. Ademais, en 2009 foi nomeada xefa de Educación na Coruña, e en outubro de 2011 deputada no Parlamento de Galicia tras a dimisión de Pablo Cobián.

En setembro de 2012, tras a dimisión de Santiago Freire como alcalde de Lousame, foi elixida alcaldesa na súa substitución.^[2] Nas eleccións de 2015, 2019^[3] e 2023^[4] foi reelixida alcaldesa con maioría absoluta. Foi deputada provincial de 2017 a 2019 e novamente de 2022 a 2023.