Sumbawa

Pertencente ás Illas menores da Sonda, Sumbawa atópase entre as illas indonesias de Flores, Sumba e Lombok. Forma parte da provincia indonesia de West Nusa Tenggara, aínda que actualmente o goberno indonesio está tomando medidas para converter a illa nunha provincia separada. De carácter volcánico como as demais illas veciñas, nela atópase o volcán Tambora, protagonista dunha importante erupción no século XIX.

Sumbawa

Tipo	illa
Parte de	Illas menores da Sonda
Situado na entidade xeográfica	Illas menores da Sonda
Localización
Continente	Asia
División administrativa	Sonda Ocidental, Indonesia (pt)
8°44′25″S 117°59′43″L
Bañado por	Océano Índico
Características
Altitude	11 m
Dimensións	90 () × 280 () km
Punto máis alto	Monte Tambora  (2.850 m )
Superficie	14.386 km²

Con 15.448 km² e unha poboación dun millón e medio de habitantes, a illa estivo relacionada co Imperio Majapahit de Xava e tamén co reino balinés de Gelgel. En 1605 prodúcese a primeira chegada dos holandeses, quen controlan o territorio totalmente xa comezado o século XX.

Como o resto de illas que forman as Illas da Sonda, Sumbawa pertence ao área da Liña de Wallace (Wallacea), de grande interese científico pola súa rica biodiversidade, situadas entre o Sueste asiático e Oceanía.

Historia

O Nagarakretagama do século XIV menciona varios principados identificados en Sumbawa; Dompu, Bima, Sape e a illa volcánica de Sang Hyang Api preto da costa nordeste de Sumbawa. Catro principados en Sumbawa occidental eran dependencias do Imperio de Majapahit no oriente de Xava. Debido aos recursos naturais de Sumbawa, foi invadida regularmente por forzas externas, Xavanesee, Balineses, Macasarenses, holandeses e xaponeses. Os holandeses chegaron por primeira vez en 1605, pero non gobernaron efectivamente Sumbawa ata principios do século XX.

O reino de Balinés de Gelgel tamén gobernou Sumbawa occidental durante un período curto. As partes orientais da illa eran tamén o fogar do Sultanato de Bima, un goberno islámico que tiña vínculos cos pobos Bugis e Macasar]] de Sulawesi do sur, así como outros gobernos malaio islámicos no arquipélago.

Mapa histórico da costa setentrional de Sumbawa, 1681

A evidencia histórica indica que a illa de Sumbawa era coñecida nas Indias orientais polo seu mel, cabalos,^[1] madeira de sappan para producir a tintura vermella,^[2] e sándalo usado para incenso e medicamentos. Pensábase que a área era altamente produtiva en agricultura. No século XVIII os holandeses introduciron a plantación de café nas abas occidentais do monte Tambora, creando así a variante café Tambora.

Administración

Sumbawa administrativamente divídese en catro regencias (kabupaten) e unha kota (cidade). Son:

Nome	Area en km2.	Poboación estimada 2005	Poboación Censo 2010	Poboación estimada 2014	Capital
Sumbawa Barat (West Sumbawa) Regency	1.636,95	91.882	114.754	120.115	Taliwang
Sumbawa Regency	6.643,98	395.166	415.363	434.469	Sumbawa Besar
Dompu Regency	2.321,55	201.842	218.984	228.811	Dompu
Bima Regency	4.389,40	407.636	438.522	458.961	Woha
Bima City	222,25	123.064	142.443	148.984	Bima
Total	15.214,13	1.219.590	1.330.066	1.391.340