Silver Linings Playbook é un filme estadounidense escrito e dirixido por David O. Russell que se estreou no 2012.[3] O filme é unha adaptación da novela The Silver Linings Playbook de Matthew Quick. Está protagonizado por Bradley Cooper e Jennifer Lawrence, xunto con Robert De Niro, Jacki Weaver, Chris Tucker, Anupam Kher e Julia Stiles nos papeis de elenco.
| Silver Linings Playbook | |
|---|---|
| Ficha técnica | |
| Título orixinal | Silver Linings Playbook |
| Director | David O. Russell |
| Produtor | Donna Gigliotti Bruce Cohen Jonathan Gordon |
| Guión | David O. Russell |
| Baseado en | The Silver Linings Playbook de Matthew Quick |
| Intérpretes | Bradley Cooper Jennifer Lawrence Robert De Niro Jacki Weaver Anupam Kher Chris Tucker |
| Música | Danny Elfman |
| Fotografía | Masanobu Takayanagi |
| Montaxe | Jay Cassidy Crispin Struthers |
| Estudio | The Weinstein Company Mirage Enterprises |
| Distribuidora | The Weinstein Company |
| Estrea | Festival de Toronto: 8 de setembro de 2012 16 de novembro de 2012 |
| Duración | 122 minutos[1] |
| Orixe |  Estados Unidos |
| Xénero | Comedia, drama |
| Orzamento | $21.000.000[2] |
| Recadación | $236.412.453 |
| Na rede | |
| http://www.silverliningsplaybookmovie.com e https://www.lionsgate.com/movies/silver-linings-playbook | |
           | |
Cooper interpreta a Patrick "Pat" Solatano, Jr., un home con desorde bipolar que acaba de saír dun hospital psiquiátrico e volve a casa dos seus pais, interpretados por Robert De Niro e Jacki Weaver. Determinado a recuperar de novo a súa muller, Pat coñece a Tiffany Maxwell, a viúva intepretada por Jennifer Lawrence, que lle ofrece axuda se accede a participar con ela nunha competición de baile. Os dous fanse cada vez máis íntimos a medida que adestran, e Pat, o seu pai, e Tiffany examinan as súas relaciones cos demais, para facer fronte ós seus problemas.
Logo de oito meses nun centro de saúde mental por agredir ó amante da súa muller, Pat (Bradley Cooper) regresa a casa dos seus pais (Robert De Niro e Jacki Weaver). Aínda que está decidido a facer todo o posible para recuperar a súa exmuller, a situación cambia cando coñece a Tiffany (Jennifer Lawrence), unha rapaza viúva con problemas e mala reputación. Malia a mutua desconfianza inicial, axiña xorde entre eles un estreito vencello que os axudará a atopar o lado bo das cousas.
- Bradley Cooper como Patrick "Pat" Solatano, Jr., un antigo profesor acabado de divorciar[4][5][6]
- Jennifer Lawrence como Tiffany Maxwell, a moza viúva[7][8]
- Robert De Niro como Patrizio "Pat" Solatano, pai de Pat[5][6]
- Jacki Weaver como Dolores Solatano, nai de Pat[9]
- Shea Whigham como Jake Solatano, irmán de Pat
- Julia Stiles como Veronica, irmá de Tiffany[10]
- John Ortiz como Ronnie, marido de Veronica
- Cheryl Williams como Mrs. Maxwell, nai de Tiffany e Veronica Maxwell[11]
- Patrick McDade como Mr. Maxwell, pai de Tiffany e Veronica
- Brea Bee cmo Nikki, a exmuller de Pat
- Chris Tucker como Danny McDaniels, amigo de Pat
- Anupam Kher como Dr. Cliff Patel, doutor e amigo de Pat[12]
- Dash Mihok como Oficial Keogh
- Matthew Russell como Ricky D'Angelo
- Paul Herman como Randy
- Patsy Meck como Nancy
- 2012: Oscar: mellor actriz (Jennifer Lawrence). 8 nomeamentos, incluíndo mellor filme.
- 2012: Globos de Ouro: Mellor actriz comedia/musical (Lawrence). 4 nomeamentos.
- 2012: 4 Critics Choice Awards: Mellor comedia, actor, actriz de comedia e elenco. 10 nomeamentos.
- 2012: Premios BAFTA: Mellor guión adaptado. 3 nomeamentos.
- 2012: Festival de Toronto: Mellor filme (premio do público).
- 2012: Independent Spirit Awards: Mellor filme, director, guión e actriz.
- 2012: Premios Gotham: Nomeado a mellor elenco.
- 2012: Satellite Awards: 5 premios, incluíndo mellor filme e director. 7 nomeamentos.
- 2012: National Board of Review (NBR): Top 10, mellor actor (Cooper) e guión orixinal.
- 2012: Asociación de Críticos dos Ánxeles: Mellor actriz (Jennifer Lawrence).
- 2012: American Film Institute: Top 10 - Mellores filmes do ano.
- 2012: Hollywood Film Festival: Director, actor (Cooper) e actor secundario (De Niro) do ano.
- 2012: Asociación de Críticos de Chicago. 2 nomeamentos.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
