Pódense considerar serras orientais de Galiza aquelas que discorren dende o río Eo até A Mezquita, xa na raia con Portugal. Trátase dunha serie de cadeas montañosas con distinta orientación que conectan nalgún punto coa cordilleira cantábrica.
Características
De norte a sur, pódense distinguir varios tramos. O primeiro abranguería a zona que vai do río Eo até o río Sil, e nel estarían as serras de Meira, a do Corno do Cervo, a serra do Mirador, a serra de Follabal, a serra de Liñares, a Uría, Os Ancares, O Courel e mais a serra da Enciña da Lastra. Nun segundo tramo entre o Sil e a depresión de Monterrei estarían localizados o Macizo de Pena Trevinca e máis O Canizo.
Esténdense por unha superficia de gran tamaño das zonas orientais das provincias de Lugo e Ourense. É nestas serras onde se atopan as maiores alturas de Galiza, con diversos cumios que superan os 2.000 metros sobre o nivel do mar. O cume de maior altura é Pena Trevinca, concretamente con 2.124 metros.
Recibe unhas precipitacións elevados, por riba dos 2.000 litros por metro cadrado, e a oscilación das temperaturas entre as diferentes estacións é notábel.
Véxase tamén
Bibliografía
- As montañas de Galiza. A Nosa Terra, 2006. ISBN 84-8341-126-1
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
