Selección de fútbol de Bosnia e Hercegovina

A Selección de fútbol de Bosnia e Hercegovina (bosníaco: Nogometna/Fudbalska reprezentacija Bosne i Hercegovine, en serbio: Фудбалска репрезентација Боснe и Херцеговинe, Fudbalska reprezentacija Bosne i Hercegovine, croata: Nogometna reprezentacija Bosne i Hercegovine) é o equipo representativo do país nas competicións internacionais oficiais deste deporte. A súa organización está a cargo da Asociación de Fútbol de Bosnia e Hercegovina (Nogometni/Fudbalski Savez Bosne i Hercegovine, N/FSBiH; Ногометни/Фудбалски Савез Босне и Херцеговине, Н/ФСБиХ), pertencente á UEFA. A selección naceu en 1995 tras o desmembramento de Iugoslavia. Antes dese evento, os xogadores bosníacos xogaban na selección iugoslava.

Bosnia e Hercegovina
Na casa Fóra
Asociación	Nogometni/Fudbalski Savez Bosne i Hercegovine − N/FSBiH
Confederación	UEFA (Europa)
Código FIFA	BIH
Alcume	Zmajevi (Dragóns)
Clasificación FIFA	48 (11 de xuño de 2020)
Clasificación ConIFA	{{{Ranking ConIFA}}}
Seleccionador	Dušan Bajević
Máis encontros	Edin Džeko (107)
Máximo goleador	Edin Džeko (58)
Estrea internacional Albania 2 − 0 Bosnia e Herc. Tirana, Albania; 30 de novembro de 1995
Maior vitoria Bosnia e Herc. 7 − 0  Estonia Zenica, Bosnia e Hercegovina; 10 de setembro de 2008 Liechtenstein 1 − 8 Bosnia e Herc. Vaduz, Liechtenstein; 7 de setembro de 2012
Maior derrota Arxentina 5 − 0 Bosnia e Herc. Córdoba, Arxentina; 14 de maio de 1998
Copa do Mundo
Participacións	1 (primeira en 2014)
Mellor resultado	Fase de grupos (2014)

Historia

Aínda que a Asociación de Fútbol de Bosnia e Hercegovina creouse en 1992, a selección nacional non debutou ata 1995, tras o fin da Guerra dos Balcáns. En 1996 a Federación bosníaca foi aceptada como membro da FIFA, o que permitiu ao combinado nacional disputar as eliminatorias de acceso á Copa Mundial de 1998. Xogou o seu primeiro partido oficial o 9 de setembro de 1996, perdendo por 3-0 ante Grecia. A primeira vitoria de Bosnia e Hercegovina chegou o 6 de novembro de 1996 nun encontro amigable contra Italia, que terminou 2-1. Tan só catro días despois chegaba a primeira vitoria en partido oficial, contra Eslovenia, por idéntico resultado.

Ata a data, a selección bosníaca non logrou a clasificación para a fase final en ningún evento internacional de importancia. Con todo, quedou ás portas de acceder á Eurocopa 2004, onde non clasificou por tan un gol de diferenza ante o seleccionado de Dinamarca. Na seguinte cita, a clasificadora para o Mundial de 2006, os bosníacos confirmaron a súa progresión. Aínda que non logrou clasificarse, Bosnia-Hercegovina terminou a terceira do seu grupo, con resultados de mérito como a súa vitoria sobre Bélxica ou o seu empate en España. A clasificación a un mundial sería acadada para a edición de 2014, onde caeron na fase de grupos.

Bosnia e Hercegovina nos Mundiais

Copa do Mundo FIFA: Sen participación .

• 1930 a 1994 - Sen participación; Parte de Iugoslavia .
• 1998 a 2010 - Non se clasificou
• 2014 - Primeira fase
• 2018 - Non se clasificou

Eurocopa

Eurocopa: Sen participación.

• 1960 a 1992 - Sen participación; Parte de Iugoslavia.
• 1996 - Sen participación.
• 2000 a 2016 - Non se clasificou.

Xogadores

Máis aparicións

Edin Džeko é o xogador con máis encontros e goles da historia da selección.

A 18 de novembro de 2019, os xogadores que máis encontros disputaron coa selección de Bosnia e Hercegovina son:

#	Xogador	Período	Xogos	Goles
1	Edin Džeko	2007–	107	58
2	Emir Spahić	2003–2018	94	6
3	Miralem Pjanić	2008–	92	15
4	Zvjezdan Misimović	2004–2018	85	25
5	Vedad Ibišević	2007–2018	83	28
6	Asmir Begović	2009–	62	0
7	Haris Medunjanin	2009–2018	60	9
8	Senad Lulić	2008–	57	4
9	Elvir Bolić	1996–2006	51	22
10	Edin Višća	2010–	50	10

Máximos goleadores

A 18 de novembro de 2019, os xogadores que máis encontros disputaron coa selección de Bosnia e Hercegovina son:

#	Xogador	Período	Goles	Xogos	Media
1	Edin Džeko	2007–	58	107	0,54
2	Vedad Ibišević	2007–2018	28	83	0,34
3	Zvjezdan Misimović	2004–2018	25	85	0,29
4	Elvir Bolić	1996–2006	22	51	0,43
5	Sergej Barbarez	1998–2006	17	47	0,35
6	Miralem Pjanić	2008–	15	92	0,16
7	Elvir Baljić	1996–2005	14	38	0,37
8	Zlatan Muslimović	2006–2011	12	30	0,40
9	Edin Višća	2010–	10	50	0.20
10	Haris Medunjanin	2009–2018	9	60	0,15

Seleccionadores

Nome	Período
Fuad Muzurović	1995−1998
Džemaludin Mušovic	1998−1999
Faruk Hadžibegic	1999
Drago Smajlović	2000−2001
Blaž Slišković	2002−2006
Fuad Muzurović	2007
Meho Kodro	2008
Miroslav Blažević	2008−2009
Safet Sušić	2010−2014
Mehmed Baždarević	2015−2017
Robert Prosinečki	2018−2019
Dušan Bajević	2020−

Véxase tamén

Ligazóns externas

• Federación de Bosnia e Hercegovina
• RSSSF - Arquivo de partidos e resultados desde 1993
• RSSSF - Lista de internacionais e goleadores de Bosnia-Hercegovina