Lingua croata

O croata^[2][3] é unha lingua eslava meridional falada principalmente por croatas en Croacia e rexións próximas. É oficial nos países de Croacia e Bosnia e Hercegovina. É moi próximo ao serbio e os falantes dos dous idiomas enténdense e conséguense comunicar perfectamente.

Croata 'hrvatski'
Pronuncia:	['xr̩ʋaːtskiː]
Falado en:	Croacia, Bosnia e Hercegovina, Serbia, Montenegro
Rexións:	Balcáns
Total de falantes:	6 214 000 (1995)
Posición:	Fóra das 100 primeiras
Familia:	Indoeuropea  Eslava   Eslava meridional    Croata
Escrita:	alfabeto latino con dous diacríticos.
Status oficial
Lingua oficial de:	Croacia, Bosnia e Hercegovina e Burgenland (Austria)
Códigos de lingua
ISO 639-1:	hr
ISO 639-2:	scr (B)	hrv (T)
ISO 639-3:	hrv
SIL:	HRV
Mapa
Status
O croata está clasificado como "en estado seguro" polo Libro Vermello das Linguas Ameazadas da UNESCO[1]

Escrita e pronuncia

O idioma croata escríbese co alfabeto latino, ao contrario do serbio que é escrito en alfabeto cirílico. Utilízanse dous sinais diacríticos: o acento agudo, sempre sobre a letra "c", que indica palatalización fraca, e a braquia (circunflexo invertido), sobre as sibilantes "s", "c" e "z", que indican palatalización forte. Para as demais letras, a palatalización indícase por medio da letra "j", nos dígrafos "nj" e "lj".

É importante resaltar que, diferentemente das linguas latinas en que en que os sinais diacríticos se consideran xeralmente meros modificadores de letras existentes, no caso do croata representan letras diferentes e, como tales, fan parte do alfabeto.

A a	B b	C c	Č č	Ć ć	D d	Đ đ
Dž dž	E e	F f	G g	H h	I i	J j
K k	L l	Lj lj	M m	N n	Nj nj	O o
P p	R r	S s	Š š	T t	U u	V v
Z z	Ž ž	(i+e=ie)	(r+r=ŕ)

Preséntase a seguir unha táboa co alfabeto croata e as súas respectivas pronuncias:

Alfabeto croata (Abeceda hrvatskog jezika) - Escrita e pronuncia
A a	B b	C c	Č č	Ć ć	D d	Đ đ	Dž dž	E e	F f
"a"	"b"	"ts"	"ch" (forte)	"ch" (fraco)	"d"	"dx" (fraco)	"dx" (forte)	"e"	"f"
G g	H h	I i	J j	K k	L l	Lj lj	M m	N n	Nj nj
"g"	"rr"	"i"	"i" semivogal	"c"	"l"	"ll"	"m"	"n"	"ñ"
O o	P p	R r	S s	Š š	T t	U u	V v	Z z	Ž ž
"o"	"p"	"r" tremido	"s"	"x galego"	"t"	"u"	"v"	"z"	"j"

Gramática

Así como as demais linguas eslavas, o croata é un idioma declinativo, isto é, a función sintáctica das palabras é expresada por medio das desinencias das palabras. Son sete casos en total: nominativo (suxeito), xenitivo, dativo (obxecto indirecto), vocativo, instrumental (instrumento), acusativo (obxecto directo) e locativo.

Algunhas frases

• Dobro jutro! - Bo día!
• Dobar dan! - Boa tarde!
• Dobra večer! - Boa noite!
• Ne govorim hrvatski! - Eu non falo croata!
• Koliko to košta? - Canto custa iso?
• Zbogom! - Adeus!
• Bog! - Abur!
• Do viđenja! - Ata a vista!
• Hvala lijepo! - Grazas!
• Nema na čemu! - De nada!
• Oprosti! - Desculpe!

Numerais:

• 1 - jedan
• 2 - dva
• 3 - tri
• 4 - četiri
• 5 - pet
• 6 - šest
• 7 - sedam
• 8 - osam
• 9 - devet
• 10 - deset