Sapindales

A das sapindales (Sapindales) é unha orde de plantas anxiospermas ou Magnoliophyta (plantas con flores), dicotiledóneas (ou Magnoliopsida), xeneticamente próxima á orde das rosales que, nas clasificacións actuais, inclúe, entre as familias máis coñecidas, a das rutáceas, que comprende, entre outras especies, ás dos cítricos.

Sapindales Sapindales
Pradairo negundo (Acer negundo), aceráceas
Clasificación científica
Reino: Plantae Subreino: Tracheobionta División: Magnoliophyta Clase: Magnoliopsida Orde: Sapindales Juss. ex Bercht. & J.Presl, 1820[1]
Familias
Véxase o texto

Catacterísticas

As sapindales caracterízanse por posuíren dous verticilos de estames (ás veces un reducido a estaminodios), de maneira que son predominantemente pentacíclicas. O disco nectarífero é de posición variábel (e ás veces está reducido a glándulas internas).

Predominan as plantas con follas compostas (aínda que nas especies de Citrus son simples).

Son plantas de hábito leñoso con flores pentámeras de ovario súpero, que están reunidas en inflorescencias cerradas ou cimosas.

Clasificación

Sapindus emarginatus, sapindáceas.

Castiñeikro de Indias (Aesculus hippocastanum), hipocastanáceas.

Laranxeira anana (Citrus japonicale), rutáceas.

O sistema de clasificación APG II, de 2003, inclúe nesta orde as seguintes nove famílias, que comprenden uns 460 xéneros e ao redor de 5.700 especies:

• Familia Sapindaceae
• Familia Nitrariaceae
• Familia Rutaceae
• Familia Meliaceae
• Familia Simaroubaceae
• Familia Anacardiaceae
• Familia Burseraceae
• Familia Kirkiaceae
• Familia Biebersteiniaceae

Máis da metade das especies desta orde pertencen a dúas das súas familias: a das sapindáceas (Sapiundaceae), cunhas 1.600 especies, onde se encontran recollidas tanto as antigas Hippocastanaceae como as Aceraceae, e a das rutáceas (Ruitaceae), cunhas 1.800 especies).^[2]

Porén, as clasificacións clásicas, como a do sistema de Cronquist, de 1981, usaban unha circunscricións algo diferente, coas seguintes famílias:

• Staphyleaceae
• Melianthaceae
• Bretschneideraceae
• Akaniaceae
• Sapindaceae
• Hippocastanaceae
• Aceraceae
• Burseraceae
• Anacardiaceae
• Julianiaceae
• Simaroubaceae
• Cneoraceae
• Meliaceae
• Rutaceae
• Zygophyllaceae
• Hipocrateaceae