Sabela (nome)

Sabela^[1][2] é un nome propio feminino galego. A súa orixe é o hebreo Elisheva (אֱלִישֶׁבַע), composto por "el" 'Deus' e "xeba", o cal pode interpretarse como 'xuramento' ou 'sete', considerado o número perfecto. Xa que logo, podería significar 'Deus é o meu xuramento' ou 'Deus é perfección'. En galego tamén ten a variante Isabel,^[3] e os hipocorísticos Sabel e Beluca.^[2]

Para outras páxinas con títulos homónimos véxase: Sabela.

Sabela (á esquerda) visitada por María, pintura de Philippe de Champaigne.

En xaneiro de 2023 existían 3.342 mulleres en Galicia co nome Sabela, cunha media de idade de 17,9 anos.^[4]

Etimoloxía

Este conxunto de nomes é unha variante galega do nome hebreo Elisheba, pasando polo latín ("Elísabet") e o grego (Ἐλισάβετ; "Elisábet"), a través dos cales pasaron a outras linguas europeas.^[5][6] O uso de Sabela como nome está vinculado á personaxe bíblica de Sabela, nai de Xoán Bautista.^[7]

O nome na cultura galega

• "Sabela" é o título dun dos relatos da obra de Castelao Retrincos.
• Non chores, Sabeliña, zarzuela galega composta polo lucense Gustavo Freire en 1943.
• Sabela de Cambados, filme galego de 1949 dirixido por Ramón Torrado.

Notas

1. Xunta de Galicia (ed.). "Ímoslle chamar..." (PDF). Arquivado dende o orixinal (PDF) o 04 de marzo de 2018. Consultado o 13 de xuño de 2017.
2. Boullón Agrelo, Ana Isabel (coord.): Guía de nomes galegos A Coruña: Real Academia Galega.
3. "Guía de nomes galegos". Real Academia Galega. Consultado o 6 de maio de 2024.
4. Nome Sabela na Web do Intituto Galego de Estatística
5. Albert Dauzat, Noms et prénoms de France, Librairie Larousse 1980, édition revue et commentée par Marie-Thérèse Morlet, p. 337a.
6. Chantal Tanet et Tristan Hordé, Dictionnaire des prénoms, Larousse, París, 2009, p. 38ISBN 978-2-03-583728-8
7. Guido Gómez de Silva, Breve diccionario etimológico de la lengua española, Cidade de México: Fondo de Cultura Económica, 1985.

Véxase tamén

Outros artigos

• Sabela, nai de Xoán Bautista
• Lista de nomes femininos en galego
• Lista de nomes femininos galegos máis comúns
• Isabel