From Wikipedia, the free encyclopedia
SAGE (acrónimo de Stratospheric Aerosol and Gas Experiment), tamén coñecido como AEM-B (Applications Explorer Missions B), foi un satélite artificial da NASA lanzado o 18 de febreiro de 1979 mediante un foguete Scout D1 desde a base de Wallops Island.[2][5][6]
| SAGE / Stratospheric Aerosol & Gas Experiment | |
|---|---|
 SAGE | |
| Tipo | Científico |
| Organización | NASA |
| Data de lanzamento | 18 de febreiro de 1979, 16:18 GMT[1][2][3][4] |
| Foguete portador | Scout D1[2][5] |
| Sitio de lanzamento | Wallops Island, rampla 3[2][6] |
| Obxectivo da misión | Estudo da estratosfera terrestre.[2][6] |
| Decaemento | 11 de abril de 1989[1] |
| NSSDC ID | 1979-013A |
| Masa | 148,7 kg[5] |
A misión de SAGE foi estudar o ozono e os aerosois da estratosfera terrestre para comprender mellor o medio ambiente e equilibrio radiativo da atmosfera.[2][5][6]
O satélite estaba formado por dous módulos: o módulo de instrumentos, coa instrumentación científica; e o módulo base, cos sistemas de enerxía, comunicacións e propulsión. Foi deseñado para pasar un ano en órbita.[2][5][6]
SAGE foi inxectado nunha órbita inicial de 655 km de apoxeo e 545 km de perixeo, cunha inclinación orbital de 54,9 graos e un período de 96,9 minutos. O satélite comezou a ter problemas de enerxía o 15 de maio de 1979, aínda que continuou recollendo información científica ata o 19 de novembro de 1981. O último sinal de SAGE recibiuse o 7 de xaneiro de 1982, ao fallar a batería. O satélite reentrou na atmosfera terrestre o 11 de abril de 1989.[1][3][6]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
