Rexión de Mahilioŭ
From Wikipedia, the free encyclopedia
A Rexión de Mahilioŭ (en belaruso Магілёўская вобласць, "Mahilioŭskaja voblasć") é unha rexión de Belarús, con capital na cidade de Mahilioŭ.
| Магілёўская вобласць (be) Магілёўская вобласьць (be-tarask) | |||||
| |||||
| Localización | |||||
|---|---|---|---|---|---|
| |||||
| Estado | Belarús | ||||
| Capital | Mahilioŭ | ||||
| Contén a división administrativa | |||||
| Poboación | |||||
| Poboación | 981.174 (2024) (33,83 hab./km²) | ||||
| Xeografía | |||||
| Superficie | 29.000 km² | ||||
| Altitude | 191 m | ||||
| Comparte fronteira con | |||||
| Datos históricos | |||||
| Precedido por | |||||
| Creación | 1938 | ||||
| Sucedido por | Babruysk Voblast (en) | ||||
| Organización política | |||||
| • Xefe do goberno | Piotr Rudnik (en) (2008–2014) Vladimir Domanevsky (en) (2014–2019) Anatol Isachenka (en) (2021–) | ||||
| Identificador descritivo | |||||
| Fuso horario | |||||
| ISO 3166-2 | BY-MA | ||||
| Sitio web | mogilev-region.gov.by | ||||
.jpg?lang=gl)
Tanto a rexión de Mahilioŭ como a de Homieĺ sufriron severamente a catástrofe nuclear de Chernóbil de abril de 1986.
As cidades máis importantes da rexión son Mahilioŭ, Asipovičy e Babrujsk.
Historia
No século XII xurdiu o principado de Mscislavas (tamén Mstsislaw). Xa no século XIII aparece a primeira mención á cidade de Mahilioŭ.
En 1566 a cidade formaba parte do voivodato de Mscislavas, parte do Gran Ducado de Lituania, parte constituínte da República das Dúas Nacións.
Posteriormente, en 1772, a rexión pasou a ser unha gobernación do Imperio Ruso, a gobernación de Mogilev.
Entre 1863 e 1864 tivo lugar o alzamento de xaneiro liderado por Konstanty Kalinowski, que alcanzou tamén á gobernación de Mogilev.
O 1 de xaneiro de 1919 foi creado o distrito de Mahilioŭ na República Socialista Soviética de Belarús, e o 15 de xaneiro de 1938 foi creada a rexión en dito país.
Coa independencia de Belarús en 1990 a rexión mantivo os mesmos límites xeográficos.
Xeografía
A rexión de Mahilioŭ ten unha área total de 29.100 km²,[1] arredor do 14% da superficie do país.
A rexión está atravesada por numerosos ríos, entre eles o Dniapro, Biarezina, Sož, Druć e o Pcič.
Clima
A rexión ten un clima temperado continental. A rexión ten invernos non especialmente severos, e veráns cálidos. A temperatura media en xaneiro varía entre os -8,2 °C ao nordeste e os -6,5 °C ao suroeste. A temperatura media en xullo varía entre os 17,8 °C ao nordeste e os 18,7 °C ao suroeste.
Divisións administrativas
A rexión está composta por 21 distritos (raions), 195 selsovets, 14 vilas, 3 municipalidades e 12 núcleos urbanos.
Distritos da rexión de Mahilioŭ
Os 21 distritos da rexión de Mahilioŭ son os seguintes:
|
|
|
|
Demografía
A rexión tiña en 2009 unha poboación total de 1.099.374 habitantes, dos que 975.147 eran belarusos, 86.256 rusos, 13.110 ucraínos, 1.773 polacos e 1.461 xudeus, ademais doutros grupos étnicos:
| Evolución da poboación da rexión de Mahilioŭ por grupo étnico[2] (Só se inclúen os grupos cunha poboación maior de 500 habitantes) | ||||||
| Grupo | 1959 | 1970 | 1979 | 1989 | 1999 | 2009 |
|---|---|---|---|---|---|---|
| Belarusos | 1.033.760 | 1.050.359 | 1.050.901 | 1.051.885 | 1.044.249 | 975.147 |
| Rusos | 90.398 | 120.504 | 138.643 | 166.007 | 132.075 | 86.256 |
| Ucraínos | 16.404 | 21.407 | 23.798 | 29.394 | 21.132 | 13.110 |
| Polacos | 3.643 | 3.145 | 3.649 | 3.661 | 2.798 | 1.773 |
| Xudeus | 28.445 | 25.807 | 23.135 | 18.480 | 3.530 | 1.461 |
| Armenios | ... | 288 | 258 | 404 | 1.171 | 937 |
| Xitanos | ... | 1.001 | 1.268 | 1.386 | 1.079 | 730 |
| Azerís | ... | 139 | 334 | 860 | 926 | 596 |
| Total | 1.176.556 | 1.226.859 | 1.246.833 | 1.279.797 | 1.213.521 | 1.099.374 |
Notas
Véxase tamén
Wikiwand - on
Seamless Wikipedia browsing. On steroids.