páxina de homónimos de Wikimedia From Wikipedia, the free encyclopedia
Un replicón é unha molécula ou rexión de ácido nucleico (ADN ou ARN) que se replica a partir dunha soa orixe de replicación.
Na maioría dos cromosomas procariotas, o replicón é o cromosoma enteiro. Unha notable excepción encóntrase nas arqueas, nas que dúas especies de Sulfolobus conteñen tres replicóns. Tamén hai exemplos de especies bacterianas que teñen múltiples replicóns, como: Rhodobacter sphaeroides, Vibrio cholerae,[1] e Burkholderia multivorans. Estes cromosomas "secundarios" (ou terciarios) son a miúdo descritos como unha molécula que é unha mestura entre un verdadeiro cromosoma e un plásmido e son ás veces denominados "crómidos". Varias especies de Azospirillum posúen 7 replicóns, Azospirillum lipoferum, por exemplo, ten 1 cromosoma bacteriano, 5 crómidos, e 1 plásmido.[2] Os plásmidos e os bacteriófagos replícanse xeralmente como un só replicón, pero os plásmidos grandes de bacterias gramnegativas posúen varios replicóns.[3]
Nos cromosomas eucariotas hai múltiples replicóns por cromosoma. No caso do ADN mitocondrial a definición de replicón é algo confusa, xa que nelas se realiza unha replicación unidirecional con dúas orixes separadas.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.