Rebecca Lancefield

Rebecca Craighill Lancefield, nada o 5 de xaneiro de 1895 e finada o 30 de febreiro de 1981, ^[1] foi unha destacada microbióloga estadounidense . Ingresou no Instituto Rockefeller de Investigación Médica de Nova York en 1918, e foi profesora nese Instituto durante a súa longa carreira. Os seus traballos comprenden máis de 50 publicacións ao longo de 60 anos.

Rebecca Lancefield

Biografía
Nacemento	(en) Rebecca Price Craighill 1895 Fort Wadsworth, Estados Unidos de América (en)
Morte	1981 Nova York, Estados Unidos de América
Residencia	Estados Unidos
País de nacionalidade	estadounidense
Educación	Instituto Rockefeller de Investigación Médica, Nova York
Director de tese	Hans Zinsser (pt)
Actividade
Campo de traballo	Bacterioloxía
Ocupación	microbióloga, bacterióloga, profesora universitaria, immunóloga
Empregador	Universidade Rockefeller
Membro de	Academia Naciona de Ciencias dos Estados Unidos (1970–)

O seu principal logro foi o sistema de clasificación serolóxica de bacterias do xénero Streptococcus, baseado en certos antíxenos de membrana ^[2] presentes nas especies do devandito xénero. Este sistema de clasificación utilízase a nivel internacional na actualidade. ^[3]

Traxectoria

Naceu en Fort Wadsworth, Staten Island, Nova York . Estudou no Wellesley College, Massachusetts e na Universidade de Columbia, Nova York. En Columbia, obtivo o seu doutoramento en 1925. Despois converteuse en profesora de microbioloxía na Universidade de Columbia de 1958 a 1965. En 1943, foi a segunda muller en ser presidenta da Asociación Americana de Bacteriólogos. En 1961, converteuse en presidenta da Asociación Americana de Inmunoloxía, a única muller que exerceu como presidenta desa asociación. En 1970 foi elixida para a Academia Nacional de Ciencias . En 1973 recibiu o doutoramento honoris causa en ciencias pola Universidade de Columbia.

Clasificacións

• Grupo A - Streptococcus pyogenes
• Grupo B - Streptococcus agalactiae
• Grupo C - Streptococcus equisimilis, Streptococcus equi, Streptococcus zooepidemicus, Streptococcus dysgalactiae
• Grupo D - Enterococos, Streptococcus bovis, Streptococcus gallolyticus, Streptococcus infantarius
• Grupo E - Streptococcus milleri, mutans
• Grupo F - Streptococcus anginosus
• Grupo G - Streptococcus canis, Streptococcus dysgalactiae
• Grupo H - Streptococcus sanguis
• Grupo L - Streptococcus dysgalactiae
• Grupo N - Lactococcus lactis
• Grupo R&S - Streptococcus suis
• outras especies de Streptococcus foron clasificadas como "non estreptococos de Lancefield"

Recoñecementos

Rebecca Lancefield é unha das cinco mulleres científicas (Florence Sabin, Gertrude Perlmann, Louise Pearce e Marie Maynard )que aparecen retratadas nun cadro da Universidade de Rockefeller en 2022, a primeira vez que mulleres científicas son retratadas nesta institución en 121 anos de historia.