Régoa, Cedeira
parroquia civil do concello de Cedeira From Wikipedia, the free encyclopedia
Santa María de Régoa é unha parroquia que se localiza no concello de Cedeira, na comarca de Ferrol. Segundo o padrón municipal de 2007 tiña 398 habitantes (201 homes e 197 mulleres), distribuídos en 25 entidades de poboación, o que supón unha diminución en relación ao ano 1999 cando tiña 442 habitantes.
| Régoa | |
|---|---|
 Serra da Capelada. | |
 | |
| Concello | Cedeira[1] |
| Provincia | A Coruña |
| Coordenadas | 43°40′36″N 8°01′58″O |
| Poboación | 380 hab. (2017) |
| Entidades de poboación | 25[1] |
| [ editar datos en Wikidata ] | |
Xeografía
A parroquia de Régoa esténdese polas vertentes occidentais da Serra da Capelada, parte do val do río Condomiñas até os cumes da dita Serra da Capelada e mesmo parte da vertente oriental até os afluentes do río Seixo. Limita ao noroeste co océano Atlántico, entre a Boca da Ribeira e os cantís do monte da Herbeira; polo leste as parroquias de Landoi dende o rego Couce do Arresto, afluente do Seixo, até o rego do Ameneiro na Pasada das Mestas e a de Veiga polos altos da Capelada; polo sur linda coa parroquias de Montoxo separada polo rego do Feal até a ponte de Braxe e coa de Piñeiro na fonte da Balteira e o rego da Pontigas; polo oeste limita coas parroquias de Cedeira no río Condomiñas e a de Cervo.
A estrada que vai dende Cedeira até Chímparra cruza a parroquia polos lugares de Pontigas, Nogueira, O Canaval, Igrexa, Barral e Malde.
Patrimonio
Na beira dereita do regato do Barral e moi preto do Canaval está a igrexa parroquial na honra de Santa María. Se ben ten moita máis sona o santuario de Santo André de Teixido, erguido nun pequeno val pendurado do cantil, sobre unha antiga ermida pequena e que conta cun altar churrigueresco de certa notoriedade. Segundo Federico Maciñeira foi erguida no ano 1655 e reformada no 1785.
Lugares e parroquias
Lugares de Régoa
| Lugares da parroquia de Régoa no concello de Cedeira | |
|---|---|
|
O Adro | Balteiro | O Barral | As Barrosas | A Bouza | O Canaval | A Casanova | A Casavella | O Coto | Eiravedra | Ervellás | O Formigueiro | Malde | A Nogueira | A Painceira | A Pardiñeira | As Pontigas | Reboredo | A Rúa | O Taraño | O Telleiro | Tide | O Toxo | Veriño de Abaixo | Veriño de Arriba |
Parroquias de Cedeira
Notas
Véxase tamén
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
