Pterocles

Pterocles é un xénero de aves da familia dos pteróclidos, chamadas gangas^[1] ou cortizois^[2]. Inclúe todas as especies da familia excepto dúas especies de Asia central do xénero Syrrhaptes (como a ganga das estepas^[3]).

Pterocles
Spotted sandgrouse
Clasificación científica
Dominio: Eukaryota Reino: Animalia Filo: Chordata Clase: Aves Orde: Pterocliformes Familia: Pteroclidae Xénero: Pterocles Temminck, 1815
Especie tipo
'Tetrao alchata (hoxe Pterocles alchata) Linnaeus, 1766
Especies
Ver texto

Estas gangas teñen cabezas e pescozos pequenos como os das pombas, pero corpos robustos e compactos. Teñen ás longas e bicudas e ás veces tamén son así as colas. As patas están emplumadas ata as dedas, pero, a diferenza das especies do xénero Syrrhaptes, as dedas non teñen plumas.

As especies de Pterocles teñen un voo rápido e directo, e as bandadas voan ao amencer e solpor ás pozas de auga.

Poñen dous ou tres ovos directamente no chan. Son de cor beixe ou verdoso con marcas crípticas. Todas as especies son residentes.

Taxonomía

O xénero Pterocles foi introducido en 1815 polo zoólogo holandés Coenraad Jacob Temminck.^[4] O zoólogo inglés George Robert Gray designou despois a ganga de barriga branca (hoxe Pterocles alchata) como especie tipo.^[5][6] O nome do xénero significa 'á espléndida', do grego pteron, 'á' e -klēs, 'notable, espléndida'.^[7]

Especies

O xénero contén 14 especies existentes:^[8]

Imaxe	Nome común	Nome científico	Distribución
	ganga de barriga branca	Pterocles alchata	Norte de África e Oriente Próximo, Turquía, Irán, Iraq e Casaquistán, España, Portugal
		Pterocles namaqua	Angola, Namibia, Zimbabwe, Botswana, Lesotho e Suráfrica
		Pterocles exustus	África do norte e central e sur de Asia
		Pterocles senegallus	Marrocos, Alxeria, Tunisia, Libia, Sudán, Exipto, Eritrea, Somalia, Etiopía, Xibutí, Mali, Mauritania, Chad e Níxer
	ganga de barriga negra	Pterocles orientalis	Iberia, noroeste de África, as illas Canarias, Turquía, Irán, Chipre e Israel
		Pterocles coronatus	Norte de África e Oriente Próximo
		Pterocles gutturalis	Angola, Botswana, Eritrea, Etiopía, Kenya, Namibia, Suráfrica, Tanzania, Zambia e Zimbabwe.
		Pterocles burchelli	Angola, Namibia, Botswana, Zambia, Zimbabwe e Suráfrica
		Pterocles personatus	Madagascar
		Pterocles decoratus	Etiopía, Kenya, Somalia, Tanzania e Uganda.
		Pterocles lichtensteinii	Alxeria, Chad, Xibutí, Exipto, Eritrea, Etiopía, Libia, Mali, Mauritania, Marrocos, Níxer, Senegal, Somalia, Sudán, Uganda, Irán, Iraq, Xordania, Omán, Paquistán, Palestina, Arabia Saudita, Israel, Emiratos Árabes Unidos e Iemen.
		Pterocles bicinctus	sur de África.
		Pterocles indicus	Bangladesh, India e Paquistán.
		Pterocles quadricinctus	África desde Mauritania e Camerún e ao leste ata Sudán e Uganda

Ademais, coñécese unha especie fósil, Pterocles bosporanus, do Plistoceno temperán de Crimea.^[9]