Remove ads
A dos prosobranquios (Prosobranchia) é unha antiga subclase de moluscos da clase dos gasterópodos que comprende entre 20 000 e 55 000 especies viventes de caracois que habitan en ambientes mariños, dulciacuícolas e unha moi pequena proporción de especies que colonizaron o medio terrestre, aínda que a maioría son mariños.
| Prosobranquios Prosobranchia | |||||||||||
|---|---|---|---|---|---|---|---|---|---|---|---|
 Lámina de Prosobranchia en Formas artísticas da natureza, de Ernst Haeckel (1904) | |||||||||||
| Clasificación científica | |||||||||||
| |||||||||||
| Ordes | |||||||||||
| |||||||||||
Os prosobranquios constitúen o grupo máis antigo, e tamén o máis diversificado, da clase dos gasterópdos.
Remove ads
A cabeza, ben diferenciada, posúe só un par de tentáculos. Debido ao feito de que a rotación do saco visceral non é seguida, neste grupo, de distorsión, como ocorre no caso das outras dúas clásicas subclases (opistobranquios e pulmonados), os prosobranquios están considerados como gasterópodos primitivos. As dimensións e as formas dos membros deste grupo son moi variadas, o mesmo que sucede coa cuncha, cuxa forma e coloración poden ser moi distintas. A rádula está tipicamente constituída por series transversais de placas dentadas, e ten moita importancia na clasificación.[1]
A cuncha, presente na maioría das especies, é xeralmente espirilada, univalva, forte e sólida, constituída de carbonato de calcio. Pode presentar unha serie de ornamentacións como orificios e canles respiratorios, costelas verticais, cordóns espirais e suturas. Cando é espirilada presenta varias rexións ou estruturas como son a abertura, a columela, a volta do corpo e a espira. A gran maioría presenta unha estrutura anexa que se encarga de pechar a cuncha cando o caracol se retrae dentro desta, denominada opérculo, que é de forma e tamaño variábel.
No corpo dos prosobranquios obsérvanse tres rexións fundamentais: o pé, formado por unha zona máis muscular de forma e tamaño variábel, dependiendo de especie; a masa visceral, que é a porción do corpo onde se localizan a maioría dos órganos, e o manto, unha membrana que recobre o corpo do caracol e entre cuxas funcións está a de segregar a cuncha.
Os membros desta subclase caracterízanse por presentaren a ou as aurículas, xunto coas branquias (ctenidios), en posición anterior ao ventrículo (ao que alude o seu nome), condición derivada da torsión sufrida durante o estadio larvario. A consecuencia deste proceso de torsión, os cordóns nerviosos viscerais crúzanse, un desde o ganglio pleural dereito ao lado esquerdo por encima; e outro desde o ganglio pleural esquerdo ao lado dereito, por debaixo da canle alimentaria. A cavidade do manto abre á fronte, contendo no lado dereito o recto e o ano.
Remove ads
Descrición
A subclase dos prosobranquios foi descrita en 1848 polo médico e zoólogo francés Henri Milne Edwards.
Etimoloxía
O nome Prosobranchia fromouno Milne-Edwards cos elementos do latín científico proso-, tirado do grego antigo πρόσω prósō, 'diante', 'adiante', e -branchia, derivado da palabra do grego antigo βράγχια (neutro plural) brágchia [pronunciado /bránquia/], aludindo á posición das branquias destes animais.[2][3]
Clasificación
Hoxe en día a subclase dos prosobranquios considérase obsoleta porque se trata dun grupo parafilético.[4]
A taxonomía dos gasterópodos está cambiando rapidamente. A clasificación clásica de Johannes Thiele (1860-1935) dividía os gasterópodos en tres subclases: Prosobranchia, Opisthobranchia e Pulmonata. A subclase Prosobranchia Henri Milne-Edwards, 1848 dividíase, nesta clasificación, nas ordes Archaeogastropoda, Mesogastropoda e Neogastropoda.
Posteriormente, algúns autores dividírona en dúas ordes, diotocardios (Diotocardia), así denominados por teren dous ctenidios, dous atrios auriculares e, case sempre, dous nefridios, e os monotocardios (Monotocardia), caracterizados por teren os órganos so do lado esquerdo e, por tanto, posuíren un só ctenidio, un atrio cardíaco e un só nefridio.[1]
Máis recentemente, clasificacións como a do ITIS consideran nos gasterópodos as seguintes ordes:[5]
- Clase Gasteropoda
- Orde Archaeogastropoda
- Orde Mesogastropoda
- Orde Neogastropoda
- Orde Entomotaeniata
- Familia Enteroxenidae
- Orde Architaenioglossa
- Orde Neritopsina
Para ver a nova clasificación dos gasterópodos, véxase Gasterópodos.
Remove ads
A. Cassis madagascarensis
B. Charonia variegata
C. Chicoreus brevifrons
D. Tonna galea
E. Nerita pelotonta
F. Strombus gallus
G. Turbinella angulata
H. Turritella variegata
I. Vasun muricatum
A. Ficus comunis
B. Melongena melongena
C. Murex pomum
D. Marisa cornuarietis
E. Purpura patula
F. Voluta musica
G. Pila ampullacea
H. Poteria translucida
I. Strombus pugilis
A. Cymatium femorale
B. Doryssa atra
C. Cypraeacassis testiculus
D. Cypraea cervus
E: Cypraea zebra
F. Fasciolaria tulipa
G. Gaza superba
A. Ancilla glabrata
B. Architectonica novilis
C. Astraea caelata
D. Citarium pica
E: Concholepas sp.
F. Fissurella sp.
A. Fusinus closter
B. Polinices lacteus
C. Natica carena
D. Terebra taurina
E: Siphocypraea mus
A. Casis tuberosa
B. Terebra funeralis
C. Cymatium martinianum
D. Doryssa hohenackery kappleri
E. Marginella prunum
F. Nerita versicolor
G. Perptrocus adansonianus
H. Pomacea glauca gevesensis
A. Pachychilus laevisimus
B. Melanoides tuberculata
C. Phalium granulatum
D. Pomacea glauca orinocensis
E. Strombus costatus
F. Tonna maculosa
Remove ads
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
Remove ads