Porta do Sol de Vigo
praza en Vigo From Wikipedia, the free encyclopedia
A porta do Sol é unha praza situada na cidade de Vigo. Recibe ese nome por estar localizada nunha das sete portas de entrada á antiga cidade amurallada, concretamenta á orientada cara o nacemento do Sol.
| porta do Sol | |
|---|---|
 Porta do Sol. | |
| Tipoloxía | praza |
| Localización | |
| Inicio | Elduayen |
| Fin | Príncipe |
A porta do Sol é unha praza peonil, lixeiramente inclinada cara o leste, e que comunica coa praza da Constitución, a praza da Princesa e as rúas Príncipe, Policarpo Sanz, Elduayen, Doutor Cadaval, Segunda Repíublica e Carral.
A praza é un lugar icónico da cidade. Foi testemula de grandes acontecementos de interese que tiveron lugar en Vigo, como a inauguración do alumeado de gas en 1789 ou as sepulturas de Ricardo Mella e García Barbón.[1] Na praza tamén se proclamou na cidade a Segunda República. É lugar de celebración de actos e concertos. Nela celébrase anualmente o acto de inauguración do alumeado de Nadal.
A porta do Sol é considerada o quilómetro cero da cidade.[2]
A porta do Sol recibe dito nome por ser o lugar onde se localizaba unha das sete entradas ou "portas" da cidade, cando esta permanecía amurallada antes do seu derribamento definitivo en 1862. O nome de "porta do Sol" vén da orientación de dita entrada cara o leste, onde nacía o Sol.
O recinto amurallado foi construído no ano 1656 e financiado pola cidadanía viguese o o rei Filipe IV. A muralla contaba con sete portas de entrada distribuídas por toda a muralla.
Primeira remodelación
A finales do século XIX, realizouse unha primeira remodelación coa creación dun novo vial que conectase a porta do Sol co paseo de Afonso sen ter que arrodear a praza da Constitución anexa. Así, esta actuación permitiu converter unha rúa nun conato da praza que é na actualidade. Dita actuación foi liderada polo alcalde que daquela gobernaba a cidade, Manuel Bárcena Franco.
O Sereo
- Artigo principal: O Sereo.
A escultura do Sereo é unha figura antropomorfa construída e conceptualizada polo arquitecto cambadés Francisco Leiro no ano 1991. Eríxese no centro da praza e ten unha altura de 11 metros. O nome que o autor lle puxo a obra é Home Peixe.[3] É unha escultura que está influenciada polo León de San Marcos de Venecia.
Segunda remodelación
Unha segunda remodelación máis contemporánea permitiu a prácticamente completa peonalización da praza. Dita actuación aínda está a completarse, e inclue un túnel que comunica a rúa de Policarpo Sanz con Torrecedeira.
- Edificio Simeón, un dos principais baluartes do modernismo vigués e influenciado pola arquitectura do francés Gustave Eiffel. O arquitecto do efificio é Michel Pacewicz.
- O Sereo, escultura do galego Francisco Leiro.
- Edificio Banco de Vigo, que posteriormente pertenceu ao Banco Pastor e ao Santander. Construído no ano 1923 e deseñado por Manuel Gómez Román.
Escultura do Sereo erixíndose sobre o ceo de Vigo.
Porta do Sol. Aspecto previo á peonalización.
A porta do Sol é unha das dúas entradas á rúa do Príncipe, o principal centro comercial aberto da cidade.
Na porta do Sol realízase o acto de acendido de luces do Nadal vigués. Ademais, é o lugar onde se instala a tradicional árbore de luces da cidade.
.jpg)
_julesvernex2.jpg)
,_sculpture_by_Francisco_Leiro,_intersection_of_Praza_Porta_do_Sol_-_Rúa_Doctor_Cadaval_-_Rúa_Policarpo_Sanz_(panoramic)._Vigo,_Galicia,_Spain,Southwestern_Europe.jpg)
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
