Polbo á feira

O polbo á feira é un prato típico de Galicia e básico na súa gastronomía consistente en polbo fervido enteiro e servido con sal, aceite de oliva e pemento. O seu nome provén de que é unha comida tradicional nas feiras e romarías, nas que se serve en pratos de madeira (máis doados de transportar).

Polbo á feira
Orixe	Galicia
Gastronomía	Gastronomía de Galicia
Ingredientes
Animal	Polbo
Vexetal	Aceite de oliva
Condimentos	Pemento picante Pemento doce Sal común

Era un prato moi común nunha época en que os transportes eran moi lentos e o peixe fresco só estaba dispoñíbel preto da costa, porén o polbo seco (como o bacallau ou o congro) chegaba a todas partes.

Receita

Pota de polbo á feira.

Ingredientes

• 1 polbo de 1 kg.
• Pemento picante.
• Pemento doce.
• Aceite de oliva.
• Sal groso.

Polbo e empanada.

Preparación

• Hai que mazar o polbo para que non estea duro, aínda que hoxe en día simplemente se conxela.
• Unha vez mazado ou desconxelado, ponse a ferver auga abundante nunha pota de cobre. Cando estea fervendo, cóllese o polbo pola cabeza e mergúllase unhas can­tas veces na auga (meténdoo e sacándoo) para que non solte a pel.
• Déixase cocer de 40 a 50 minutos, dependendo do tamaño do polbo.
• Unha vez coci­do, escórrese e córtase cunhas tesoiras en anacos de 1 cm de groso.
• Sérvese nun prato de madeira aliñado con sal groso, aceite e pemento.
• Dependendo do forte que o quei­ramos, engádese o pemento picante, doce ou mesturado.

O tradicional é comelo con escarvadentes. Acompáñase, ás veces, de patacas cocidas que se se cocen na propia auga do polbo adquiren unha coloración rosada.

A preparación do polbo nas feiras e romaxes facíana mulleres que se chamaban "polbeiras"^[1]. Tamén se chaman "polbeiras" os locais especializados neste prato que se atopan nas vilas e cidades^[1].

Galería de imaxes

Artigo principal: Galería de imaxes sobre o polbo en Galicia.

• 
  Polbeiras de Ribadavia.
• 
  Polbo á feira acompañado de pan e viño.
• 
  Na Feira de Santos de Monterroso.
• 
  O Cebreiro (Pedrafita do Cebreiro).
• 
  Festa do Corpiño, Lalín.
• 
  O polbo na pota.
• 
  Escultura dunha polbeira no Carballiño.

Notas

1. "polbeiro/a". Dicionario Real Academia Galega. Arquivado dende o orixinal o 18 de novembro de 2013. Consultado o 08 de novembro de 2013.

Véxase tamén

O Galilibros ten un manual sobre:  Polbo á feira

Outros artigos

• Polbo á mugardesa