Plácido Castro Rivas

Plácido Castro Rivas
	;
Biografía
Nacemento	Fisterra, España
Morte	1945 ; Montevideo, Uruguai
Actividade
Ocupación	banqueiro, emprendedor, político
Familia
Fillos	Plácido Castro

Plácido Castro Rivas, nado en Fisterra e finado en Montevideo en 1945, foi un banqueiro, empresario e político galego^[1], coñecido principalmente polo seu labor de filantropía e por ser o pai do escritor Plácido Castro.

Para outras páxinas con títulos homónimos véxase: Plácido Castro (homónimos).

Datos rápidos Biografía, Nacemento ...

Pechar

Estableceuse en Corcubión. Foi o fundador da Compañía General de Carbones e creou os depósitos flotantes de carbón. Mellorou o porto e construíu a torreta do Carromeiro Chico e outras sinalizacións. Tamén construíu a estrada de Cee ao Ézaro. En 1911 estaba establecido, coa familia, en Cardiff (Gales)^[2]. Exerceu de vicecónsul de Suecia e Noruega en Corcubión, porto de grande importancia na súa época. Foi elixido deputado provincial polo distrito da Coruña-Carballo en 1905 como liberal-demócrata. Apoiou a candidatura de Anselmo Villar para deputado polo distrito de Corcubión nas eleccións de deputado a Cortes de 1905, que foi vencido por Ramón Sanjurjo Neira^[3]. Presentouse como independente ás eleccións de deputado a Cortes de 1910 polo distrito de Corcubión, pero foi derrotado por José del Moral Sanjurjo por escasa diferenza^[4]. Despois de residir en Corcubión máis de trinta anos, en 1917 traspasou a industria á Compañía General de Carbones, dirixiu un manifesto ao pobo xustificándose, pediu á Corporación que o dese de baixa no padrón municipal e marchou da vila. En 1927 instalouse en Donosti, onde o acusaron de masón e marchou a Niza. Ao estalar a segunda guerra mundial exiliouse no Uruguai.

No ano 1928 efectuou á Asociación de Periodistas de Madrid unha doazón que incluía varios inmóbeis, entre os que se atopaba o castelo do Príncipe, unha fortificación do século XVII localizada na parroquia da Ameixenda (Cee).